டாஸ் வென்ற மும்பை பந்து வீச தேர்வு செய்துள்ளது!!

அதேவேளையில் புள்ளிகள் பட்டியலில் 7-வது இடத்தில் உள்ள பெங்களூரு அணி அடுத்தடுத்து சென்னை சூப்பர் கிங்ஸ், கொல்கத்தா நைட் ரைடர்ஸ் அணிகளிடம் தோல்வியடைந்து துவண்டுள்ளது.

இரு அணிகளுமே தலா 4 புள்ளிகளே பெற்றுள்ள போதிலும் நெட் ரன் ரேட் அடிப்படையில் மும்பை அணி (+0.033) 6-வது இடம் வகிக்கிறது. பெங்களூரு அணியின் நெட் ரன் ரேட் (-0.447) ஆக உள்ளது. இன்றைய ஆட்டத்தில் தோல்வியை சந்திக்கும் அணி பிளே ஆஃப் சுற்றுக்கான வாய்ப்பை பெறுவதில் அதிகப் படியான சிக்கலை சந்திக்கக்கூடும்.

இந்த சீசனில் இரு அணிகளும் மோதுவது இது 2-வது முறையாகும். கடந்த 17-ம் தேதி வான்கடே மைதானத்தில் நடைபெற்ற ஆட்டத்தில் பெங்களூரு அணியை 46 ரன்கள் வித்தியாசத்தில் மும்பை அணி வீழ்த்தியிருந்தது.