சர்வதேச கிரிக்கெட்டில் இந்தியாவின் முன்னாள் கேப்டன் தோனியா? அல்லது ஆஸ்திரேலியாவின் ரிக்கி பாண்டிங்கா இருவரில் யார் சிறந்த கேப்டன் என மைக்கேல் ஹசி தெரிவித்துள்ளார்.
ஆஸ்திரேலிய கிரிக்கெட் அணியின் முன்னாள் கேப்டன் ரிக்கி பாண்டிங். இந்திய கிரிக்கெட் அணியின் முன்னாள் கேப்டன் தோனி. இருவரும் அவரவர் அணிகளுக்காக பல வெற்றிகளை பெற்றுக்கொடுத்து வெற்றிக் கேப்டனாக ஜொலித்தவர்கள். மேலும் இவர்கள் இருவரின் தலைமையில் இரு அணிகளும் நல்ல முன்னேற்றத்தை கண்டுள்ளது.
ரிக்கி பாண்டிங் தலைமையில் ஆஸ்திரேலிய அணி அசைக்கவே முடியாத அணியாக திகழ்ந்தது. கடந்த 2003, 2007 இல் நடந்த 50 ஓவர் உலக கோப்பையை அடுத்ததடுத்து வென்று அசத்தியது. பாண்டிங் தலைமையில் ஆஸ்திரேலிய அணி எந்த ஊரிலும் அந்த அணியை வீழ்த்தும் திறமை கொண்ட அணியாக இருந்தது.
இதேபோல கங்குலி உருவாக்கிய சீனியர் இந்திய அணியை முன்னாள் கேப்டன் தோனி மிகச்சிறப்பாக வழிநடத்தினார். இவரின் தலைமையில் (டி-20, 50 ஓவர், மினி உலகக் கோப்பை (சாம்பியன்ஸ் ட்ராபி)) என ஐசிசியின் மூன்று உலக கோப்பையை வென்றுள்ளது. சர்வதேச அளவில் இந்த 3 உலகக்கோப்பையை வென்ற ஒரே கேப்டன் தோனி தான்.
இந்நிலையில் இவர்கள் இருவரில் யார் சிறந்த கேப்டன் என முன்னாள் ஆஸ்திரேலிய வீரர் மைக்கேல் ஹசி தெரிவித்துள்ளார். இதுகுறித்து ஹசி கூறுகையில்,“ கேப்டன் பொறுப்பில் இவர்கள் இருவரும் வித்தியாசமான சிந்தனை கொண்டவர்கள். இருவரில் யார் சிறந்தவர் என சொல்வது மிகவும் கடினம்.
களத்திலும், வெளியிலும் தோனி மிக அமைதியானவர். அவர் பேசினால் அனைவருக்கும் பயனுள்ள விஷயங்களை மட்டுமே பேசுவார். ஆனால் பாண்டிங் அப்படியே நேர்மறையானவர். களத்தில் எப்போதும் ஆக்ரோஷமாக இருப்பார். இருவருமே வித்தியாசமான அணுகுமுறை கொண்டவர்கள். இருவரில் சிறந்த ஒருவரை குறிப்பிட்டு செல்வது கடினம்” என்றார்.வ்