இங்கிலாந்து – ஆஸ்திரேலியா இடையிலான முதல் டெஸ்ட் பர்மிங்காம் எட்ஜ்பாஸ்டனில் நடைபெற்றது. இதில் இங்கிலாந்து 251 ரன்கள் வித்தியாசத்தில் படுதோல்வியடைந்தது.

இதில் இங்கிலாந்து அணியின் சுழற்பந்து வீச்சு ஆல்ரவுண்டரான மொயீன் அலி டக்அவுட் ஆனார். 2-வது இன்னிங்சில் 4 ரன்கள் சேர்த்தார். இரண்டு இன்னிங்சிலும் நாதன் லயன் பந்தில் ஆட்டமிழந்தார். மேலும் முதல் இன்னிங்சில் 1 விக்கெட்டும், 2-வது இன்னிங்சில் 2 விக்கெட்டும் வீழ்த்தினார்.

மோசமான பேட்டிங்கை வெளிப்படுத்தி நாதன் பந்தில் ஆட்டமிழந்ததால் லார்ட்ஸ் டெஸ்டில் இருந்து அதிரடியாக நீக்கப்பட்டுள்ளார். இந்நிலையில் அவர் கிரிக்கெட்டில் இருந்து சிறிது காலம் விலகியிருக்க முடிவு செய்துள்ளார் என அவர் விளையாடும் கவுன்ட்டி அணியான வொர்செஸ்டர்ஷைர் அணி தெரிவித்துள்ளது.

இங்கிலாந்து-ஆஸ்திரேலியா அணிகள் இடையிலான ஆஷஸ் 2-வது டெஸ்ட் போட்டி லண்டன் லார்ட்ஸ் மைதானத்தில் இந்திய நேரப்படி இன்று (புதன்கிழமை) மாலை 3.30 மணிக்கு தொடங்குகிறது.

இங்கிலாந்து அணியில் உலக கோப்பை போட்டியில் மொத்தம் 20 விக்கெட்டுகள் வீழ்த்தி மிரட்டிய வேகப்பந்து வீச்சாளர் ஜோப்ரா ஆர்ச்சர், காயம் அடைந்த ஜேம்ஸ் ஆண்டர்சனுக்கு பதிலாகவும், சுழற்பந்து வீச்சாளர் ஜாக் லீச், மொயீன் அலிக்கு மாற்றாகவும் ஆடும் லெவனில் இடம் பெறுகிறார்கள். டெஸ்ட் போட்டியில் அறிமுக வீரராக களம் இறங்கும் ஜோப்ரா ஆர்ச்சர் ஆஸ்திரேலிய அணியினருக்கு அச்சுறுத்தலாக விளங்குவார் என்று எதிர்பார்க்கப்படுகிறது. ஆஸ்திரேலிய அணியை பொறுத்தவரை வேகப்பந்து வீச்சாளர் பேட்டின்சனுக்கு இந்த போட்டியில் ஓய்வு அளிக்கப்பட்டு இருக்கிறது. அவருக்கு பதிலாக மிட்செல் ஸ்டார்க் அல்லது ஹேசில்வுட் ஆகியோரில் ஒருவருக்கு இடம் கிடைக்கும்.Cricket, Ashes, Australia, England, Moeen Ali

ஆஸ்திரேலிய அணி தனது வெற்றிப் பயணத்தை தொடரும் உத்வேகத்துடன் வரிந்து கட்டும். அதேநேரத்தில் சரிவில் இருந்து மீண்டு வந்து பதிலடி கொடுக்க இங்கிலாந்து அணி எல்லா வகையிலும் முயற்சி மேற்கொள்ளும். இரு அணிகளிலும் பேட்டிங் மற்றும் பந்து வீச்சில் சிறந்த வீரர்கள் அங்கம் வகிப்பதால் இந்த ஆட்டத்தில் விறுவிறுப்புக்கு குறைவு இருக்காது. இந்த போட்டியை சோனி சிக்ஸ் சேனல் நேரடியாக ஒளிபரப்பு செய்கிறது.

போட்டிக்கான இரு அணிகளின் வீரர்கள் பட்டியல் வருமாறு:-

இங்கிலாந்து: ரோரி பர்ன்ஸ், ஜாசன் ராய், ஜோ ரூட் (கேப்டன்), ஜோ டென்லி, ஜோஸ் பட்லர், பென் ஸ்டோக்ஸ், ஜானி பேர்ஸ்டோ, ஜோப்ரா ஆர்ச்சர், கிறிஸ் வோக்ஸ், ஸ்டூவர்ட் பிராட், ஜாக் லீச்.

ஆஸ்திரேலியா: பான் கிராப்ட், டேவிட் வார்னர், உஸ்மான் கவாஜா, ஸ்டீவன் சுமித், டிராவிஸ் ஹெட், மேத்யூ வேட், டிம் பெய்ன் (கேப்டன்), கம்மின்ஸ், பீட்டர் சிடில், நாதன் லயன், ஹேசில்வுட் அல்லது மிட்செல் ஸ்டார்க்.



  • SHARE

    விவரம் காண

    விராட் கோஹ்லி இந்த விசயத்தை சரி செய்து கொள்ள வேண்டும்; அட்வைஸ் கொடுக்கும் கங்குலி !!

    விராட் கோஹ்லி இந்த விசயத்தை சரி செய்து கொள்ள வேண்டும்; அட்வைஸ் கொடுக்கும் கங்குலி ஒவ்வொரு போட்டிக்கும் தேவையான ஆடும் லெவனை தேர்வு செய்வதில்...

    இந்திய அணி அவ்வளவு வொர்த் எல்லாம் கிடையாது; சீன் போடும் வெஸ்ட் இண்டீஸ் வீரர் !!

    முதல் டெஸ்ட் போட்டியில் மே.இ.தீவுகள் அணி 2ம் நாள் முடிவில் 189 ரன்களுக்கு 8 விக்கெட்டுகளை இழந்து தடுமாறி வருகிறது. இஷாந்த் சர்மா...

    ஆர்ச்சரிடன் அடவாடிக்கு ஆப்படித்த ஆஸ்திரேலியா!! இங்கிலாந்துதிற்கு எட்ட முடியாத இலக்கு நிர்ணயம்!

    லீட்ஸ் டெஸ்ட் போட்டியின் 3ம் நாளான இன்று ஆஸ்திரேலியா தன் 2வது இன்னிங்சில் 246 ரன்களுக்கு ஆல் அவுட் ஆனது. இதனையடுத்து இங்கிலாந்து...

    இஷாந்த் சர்மா 5 விக்கெட் எடுக்க பும்ரா கொடுத்த மிக வித்யாசமான ஐடியா!! இஷாந்த் சர்மா வெளியிட்ட தகவல்

    2 ஆட்டங்கள் கொண்ட டெஸ்ட் தொடரில் மே.இ.தீவுகளும், இந்தியாவும் ஆடுகின்றன. இதன் முதல் ஆட்டம் ஆண்டிகுவாவில் நடைபெறுகிறது. டாஸ் வென்ற மே.இ. தீவுகள்...

    அடுத்த டி20 தொடருக்கான அணி அறிவிப்பு!! ஓய்வை அறிவிக்கப்போகும் சீனியர் வீரருக்கு அணியில் இடம்!!

    நியூசிலாந்துக்கு எதிரான டி20 தொடருக்கான இலங்கை அணி அறிவிக்கப்பட்டுள்ளது. செப்டம்பர் 1ஆம் தேதி முதல் 3 போட்டிகள் கொண்ட டி20 தொடரில் இலங்கை-நியூசிலாந்து அணிகள்...