விராட் கோலியால் பிடிக்க முடியாத இடத்தில் ஸ்டீவ் ஸ்மித்! இனி நெ.1 கனவு அவ்வளவுதானா? 1

சர்வதேச கிரிக்கெட் கவுன்சில் (ஐசிசி) டெஸ்ட் பேட்ஸ்மேன் தரவரிசையில் ஆஸ்திரேலியாவின் ஸ்டீவ் ஸ்மித்தும், பந்துவீச்சாளர்களில் பாட் கம்மின்ஸும் தொடர்ந்து முதலிடத்தில் உள்ளனர்.

மான்செஸ்டரில் நடந்து முடந்த இங்கிலாந்துக்கு எதிரான ஆஷஸ் 4-வது டெஸ்ட் போட்டியின் போது, ஸ்மித்தின் 211 மற்றும் 82 ரன்கள் தரவரிசையில் மிகப்பெரிய உயர்வை அளித்துள்ளது.

ஐசிசி டெஸ்ட் பேட்ஸ்மேன்கள் தரவரிசையில் ஸ்மித் விராட் கோலியைவிட 34 புள்ளிகள் அதிகம் பெற்று முதல் இடத்தில் நீடிக்கிறார். டிசம்பர் 2017-ம் ஆண்டு ஸ்மித் எடுத்த 947 புள்ளிகளைப் பெறுவதற்கு இன்னும் 10 புள்ளிகள்தான் அவருக்குத் தேவைப்படுகிறது. இன்னும் ஒரு டெஸ்ட்டில் ஆஸ்திரேலிய அணி விளையாட உள்ளது.விராட் கோலியால் பிடிக்க முடியாத இடத்தில் ஸ்டீவ் ஸ்மித்! இனி நெ.1 கனவு அவ்வளவுதானா? 2

ஐசிசி டெஸ்ட் தரவரிசையில் இந்திய அணி கேப்டன் விராட் கோலி முதல் இடத்தில் இருந்தார். ஓராண்டு தடைக்குப்பின் ஆஷஸ் தொடரில் களம் இறங்கிய ஆஸ்திரேலிய பேட்ஸ்மேன் ஸ்மித் முதல் டெஸ்டின் இரண்டு இன்னிங்சிலும் சதம் விளாசினார்.

இதனால் விராட் கோலியை நெருங்கினார் ஸ்மித். வெஸ்ட் இண்டீஸ்க்கு எதிரான 2-வது டெஸ்டின் 2-வது இன்னிங்சில் விராட் கோலி டக்அவுட் ஆக சறுக்கல் ஏற்பட்டது. ஒரு புள்ளி வித்தியாசத்தில் விராட் கோலியை (903) பின்னுக்குத் தள்ளி ஸ்மித் (904) முதல் இடம் பிடித்தார்.

இந்நிலையில் ஓல்டு டிராபோர்டில் நடைபெற்ற இங்கிலாந்துக்கு எதிரான 4-வது டெஸ்டில் ஸ்மித் 211 மற்றும் 82 ரன்கள் அடிக்க ஐசிசி டெஸ்ட் தரவரிசையில் அதிக புள்ளிகள் பெற்றார்.

விராட் கோலியால் பிடிக்க முடியாத இடத்தில் ஸ்டீவ் ஸ்மித்! இனி நெ.1 கனவு அவ்வளவுதானா? 3

தற்போது வெளியிட்டுள்ள தரவரிசையில் ஸ்மித் 937 புள்ளிகள் பெற்று விராட் கோலியை விட 34 புள்ளிகள் வித்தியாசத்தில் முதல் இடத்தில் நீடிக்கிறார். விராட் கோலி 903 புள்ளிகளுடன் 2-வது இடத்தில் உள்ளார்.

பந்துவீச்சாளர்கள் வரிசையில் ஆஸ்திரேலிய அணியின் வேகப்பந்துவீச்சாளர் கம்மின்ஸ் ஆஷஸ் தொடரின் 4-வது ஆட்டத்தில் 7 விக்கெட்டுகளை வீழ்த்தினார். இதன் மூலம் 914 புள்ளிகளுடன் தொடர்ந்து முதலிடத்தில் உள்ளார். 2001-ம் ஆண்டு முன்னாள் ஆஸ்திரேலிய வேகப்பந்துவீச்சாளர் மெக்ராத் எடுத்த புள்ளிகளுக்கு இணையாக கம்மின்ஸ் எடுத்துள்ளார்.

2-வது இடத்தில் தென் ஆப்பிரிக்கா வேகப்பந்துவீச்சாளர் ரபாடா 64 புள்ளிகள் பின்தங்கியுள்ளார். பும்ரா 835 புள்ளிகளுடன் மூன்றாமிடத்தில் உள்ளார். ஆஸ்திரேலிய வீரர் ஜோஸ் ஹேடல்வுடன் 12-வது இடத்தில் இருந்து 8-வது இடத்துக்கு உயர்ந்துள்ளார். ஹேசல்வுட் அவரின் கிரிக்கெட் வாழ்க்கையில் மிகச்சிறந்த தரவரிசை இதுவாகும்.விராட் கோலியால் பிடிக்க முடியாத இடத்தில் ஸ்டீவ் ஸ்மித்! இனி நெ.1 கனவு அவ்வளவுதானா? 4

இதுதவிர இங்கிலாந்து அணியின் ஜோஸ் பட்லர் 4 இடங்கள் முன்னேறி 37-வது இடத்திலும், ரோரி பர்ன்ஸ் 6 இடங்கள் உயர்ந்து 61-வது இடத்துக்கும் முன்னேறியுள்ளனர். ஆஸ்திரேலிய கேப்டன் டிம் பெய்ன் 6 இடங்கள் முன்னேறி 60-வது இடத்திலும் உள்ளனர்.

சட்டோகிராம் நகரில் நடந்த டெஸ்ட் போட்டியில் வங்கதேசத்தை 224 ரன்கள் வித்தியாசத்தில் ஆப்கானிஸ்தான் அணி வென்றது. இதில் ஆப்கானிஸ்தான் வீரர் அஸ்கர் ஆப்கன் இரு அரை சதங்கள் அடித்ததால், தரவரிசையில் 110-வது இடத்தில் இருந்து 63-வது இடத்துக்கு உயர்ந்தார். சதம் அடித்த ரஹமத் ஷா 93-வது இடத்தில் இருந்து 65-வது இடத்துக்கு முன்னேறியுள்ளார்.

கேப்டன் ரஷித் கான் இரு இன்னிங்ஸிலும் சேர்த்து 11 விக்கெட்டுகளை வீழ்த்தியதால் தரவரிசையில் 69-வது இடத்தில் இருந்து 37-வது இடத்துக்கும், முகமது நபி 85-வது இடத்துக்கும் முன்னேறியுள்ளனர்.

Leave a comment

Your email address will not be published. Required fields are marked *