டாப்-5 2017 : ODIயில் அதிக ரன் குவித்த அணிகள்!! டாப்-5வில் இந்தியாவிற்கு மூன்று இடங்கள்!!

டாப்-5 2017 : ODIயில் அதிக ரன் குவித்த அணிகள்!! 5.ஆஸ்திரேலியா - 369/4 VS பாகிஸ்தான் இந்த வருட துவக்கத்தில் ஜனவரி 26ஆம் தேதி அடிலேட் ஓவல் மைதானத்தில் பாகிஸ்தான் அணியை கதறவிட்டது ஆஸ்திரேலியா. டாஸ் வென்று முதலில் பேட்டிங் செய்த ஆஸ்திரேலியா அணி 50 ஓவர்களில் 350 ரன் குவித்தது. துவக்க வீர்ரகள் டேவிட் வார்னர் மற்றும் ட்ராவிஸ் ஹெட் ஆகியோர் பாகிஸ்தான் பந்து வீச்சை நாலா புறமும் சிதறடித்தனர். இதில் டேவிட் வார்னர் 179 ரன்களும், ட்ராவிஸ் ஹெட் 128 ரன்களும் குவித்தனர். முதல்.விக்கெட்டிற்கு இந்த ஜோடி 284 ரன்கள் சேர்த்தது. இதுவே இந்த வருடத்தின் ஒருநாள் போட்டிகளில் அதிக ரன் பார்ட்னர்ஷிப் ஆகும். இறுதியில் இந்த போட்டியில் ஆஸ்திரேலியா அணி 57 ரன்வி த்யாசத்தில் வெற்றி பெற்றது. 4 .இந்தியா - 375/5 VS இலங்கை ஆகஸ்ட் 31ஆம் தேதி கொழும்புவில் நடைபெற்ற இந்த போட்டியில் இலங்கை அணி பந்து வீச்சை துவம்சம் செய்தது இந்தியா. விராட் கோலி மற்றும் ரோகித் சர்மா ஆகியோர் சதம் அடித்து இந்திய அணியை 375/5 என உயர்த்தினர். இதுவே இந்த வருடத்தின் 4வது அதிகபட்ச ஸ்கோர் ஆகும். 3.இந்தியா - 381/6 VS இலங்கை இந்த வருட துவக்கத்தில் கட்டாக் மைதானத்தில் இங்கிலாந்து அணிக்கு எதிரான போட்டியில் முதலில் பேட்டிங் செய்த இந்திய அணி வெறும் 25 ரன்னிற்கு 3 விக்கெட்களை இழந்து திணறி வந்தது. பின்னர் 4ஆவது விக்கெட்டிற்கு ஜோடி சேர்ந்த இந்திய அணியின் அசாத்திய வீர்ரகள் தோனி மற்றும் யுவராஜ் சிங் ஆகியோர் 256 ரன் பார்ட்னர்ஷிப் போட்டு இந்திய அணியின் ஸ்கோரை 381ஆக உயர்த்தினர். இந்த ஆட்டத்தில் யுவராஜ் சிங் 150 ரன்களும் தோனி 137 ரன்களும் குவித்தனர். இறுதியில் இந்திய அணி 15 ரன் வித்யாசத்தில் வெற்றி பெற்றது. இதுவே இந்த வருடத்தின் மூன்றாவது அதிகபட்ச ரன் ஆகும். 2.தென்னாப்பிரிக்கா - 384/6 VS இலங்கை இந்த பட்டியலில் இரண்டாவது இடத்தை தென்னாப்பிரிக்க அணி பிடித்துள்ளது. பிப்ரவரி 10ஆம் தேதி இலங்கை அணிக்கு எதிராக செஞ்சூரியனில் தென்னாப்பிரிக்க அணி 384 ரன் குவித்தது. இந்த ஆட்டத்தில் தென்னாப்பிரிக்க அணியின் துவக்க வீர்ரகள் ஆம்லா மற்றும் டி காக் ஆகியோர் அசத்தினர். டி காக் 109 ரன்னும் ஆம்லா 154 ரன்னும் குவித்தனர். இறுதியில் தென்னாப்பிரிக்க அணி 88 ரன் வித்யாசத்தில் வெற்றி பெற்றது. 1.இந்தியா - 392/4 VS இலங்கை இந்த வருடத்தில் ஒரே ஆட்டத்தில் அதிகபட்ச ரன் குவித்த அணி இந்திய அணி என்ற பட்டத்தை பெற்றுள்ளது. சமீபத்தில் நடைபெற்ற இலங்கைக்கு எதிரான ஒருநாள் தொடரின் இரண்டாவது போட்டியில் ரோகித் சர்மா ருத்ர தாண்டவம் ஆட, இந்திய அணி 50 ஓவர்களில் 392 ரன் குவித்தது. இந்த போட்டியில் ரோகித் சர்மா தனது மூன்றாவது இரட்டை சதத்தை விளாசினார். s இறுதியில் இந்திய அணி 141 ரன் வித்யாசத்தில் வெற்றி பெற்றது.