#3.வாசிம் அக்ரம்
பாகிஸ்தானின் முன்னாள் கேப்டன், வேகப்பந்துவீச்சாளரான வாசிம் அக்ரம் உலகக் கோப்பைப்போட்டியில் அதிகமான விக்கெட் வீழத்தியதில் 3-வது இடத்தில் உள்ளார். மிகச்சிறந்த வேகப்பந்துவீச்சாளரான வாசிம் அக்ரம் இதுவரை ஒருநாள் போட்டியில் 502 விக்கெட்டுகளை வீழ்த்தி 2-வது இடத்தில் உள்ளார். 5 உலகக் கோப்பைப் போட்டியில் பங்கேற்ற வாசிம் அக்ரம் 38 போட்டிகளில் 55 விக்கெட்டுகளை சாய்த்துள்ளார். 4 விக்கெட்டுகளை 2 முறையும், 5 விக்கெட்டுகளை ஒருமுறையும் வாசிம் அக்ரம் வீழ்த்தியுள்ளார்.
கடந்த 1987-ம் ஆண்டு உலகக் கோப்பையில் அறிமுகமான வாசிம் அக்ரம் 7 விக்கெட்டுகளையும், அடுத்த உலகக் கோப்பைப் போட்டியில்18 விக்கெட்டுகளையும் வீழ்த்தினார். 1999-ம் ஆண்டு உலகக் கோப்பையில் 15 விக்கெட்டுகளை வீழ்த்திய வாசிம் அக்ரம் தலைமையில் பாகிஸ்தான் அணி இறுதிப்போட்டிக்கு முன்னேறியது. அதன்பின் 2003-ம் ஆண்டில் 12 விக்கெட்டுகளை வாசிம்அக்ரம் வீழ்த்தினார். இந்த முறை லீக் சுற்றிலேயே பாகிஸ்தான் வெளியேறியது.