இங்கிலாந்தின் பவுல் மைதானத்தில் பள்ளி சிறுவர்களுக்கு கிரிக்கெட் நடத்தப்பட்டது. அப்போது கிரிக்கெட் ஒரு குருவைப் போல உள்ளது என நெகிழ்ச்சியாக கூறியுள்ளார்.
இங்கிலாந்தின் புகழ்மிக்க பவுல் மைதானத்தில் சிறுவர்களுக்கான கிரிக்கெட், ஐசிசி சார்பில் நடத்தப்பட்டது. இதில் விராட் கோலி, கே.எல்.ராகுல், ஹர்திக் பாண்டியா, ரிஷப் பண்ட் ஆகியோர் கலந்துக் கொண்டனர்.
இதில் விராட் கோலி, சிறுவர்கள் ஆட்டம் முடிந்த பின்னர் அவர்களுடன் சேர்ந்து புகைப்படம் எடுத்துக் கொண்டார். பின்னர் கிரிக்கெட் குறித்து பேசினார். அப்போது அவர் கூறியதாவது:
கிரிக்கெட் என்பது சிறுவர்களின் வாழ்வில் மாற்றத்தை ஏற்படுத்துகிறது என்பதை நம்புகிறேன். கிரிக்கெட் உண்மையில் மனித நேயத்தை வளர்க்கிறது. மேலும் வாழ்வின் முக்கிய கட்டங்களை புரிய வைக்கிறது.
கிரிக்கெட் விளையாடினால் அனைவரும் வீழ்ச்சியை புரிந்துகொள்ள முடியும். கடினமான காலங்களில் இருந்து எப்படி மீளமுடியும் என்பதை கிரிக்கெட் நமக்கு தெளிவாக உணர்த்தும்.
இதனால்தான் கிரிக்கெட், ஒரு சிறந்த குருவைப் போல வாழ்க்கையை நமக்கு எடுத்து உரைக்கிறது என்பதை உணர்ந்தேன்.
இவ்வாறு அவர் கூறினார்.
ஆப்கானிஸ்தான் அணிக்கு எதிரான போட்டியில் டாஸ் வென்ற இந்திய அணி பேட்டிங்கை தேர்வு செய்துள்ளது.
உலகக் கோப்பை தொடரில் சவுத்ஹாம்ப்டன் நகரில் இன்று நடைபெறும் போட்டியில் இந்தியா மற்றும் ஆப்கானிஸ்தான் அணிகள் விளையாடுகின்றன. இந்தப் போட்டியில் டாஸ் வென்ற இந்திய அணி பேட்டிங்கை தேர்வு செய்துள்ளது. இந்திய அணியில் காயம் காரணமாக வேகப்பந்து வீச்சாளர் புவனேஷ்வர் குமார் இல்லை. அவருக்குப் பதிலாக முகமது ஷமி இடம் பெற்றுள்ளார்.
Spending time with kids is an absolute joy and an opportunity to contribute to their journey in some way. Such honesty and commitment in whatever kids do. So much to learn as well and the biggest learning is to Never forget the joy of playing this great game. ?? pic.twitter.com/7cHBCb9Arn
— Virat Kohli (@imVkohli) June 20, 2019
ஆப்கானிஸ்தான் அணி கடந்த போட்டியில் இங்கிலாந்திற்கு எதிராக அதிக ரன்கள் வித்தியாசத்தில் தோல்வியடைந்தது. அந்தப் போட்டியில் ரஷித் கான் பந்துவீச்சை இங்கிலாந்து அணியினர் சிதறடித்தனர். ரஷித் கான் அந்தப் போட்டியில் 110 ரன்களை விட்டுக் கொடுத்தார். இதனையடுத்து அவர் மீது அதிக விமர்சனங்கள் எழுந்தன. எனவே இன்றைய போட்டியில் அவர் சிறப்பாக பந்துவீச முயற்சிப்பார் என்று எதிர்பார்க்கப்படுகிறது.
இந்தப் போட்டியில் இந்தியா வெற்றி பெற்றால் உலகக் கோப்பை போட்டிகளில் இந்தியாவின் 50 வது வெற்றியாக இது அமையும். இந்தியா மற்றும் ஆப்கானிஸ்தான் அணிகள் ஒரு நாள் கிரிக்கெட் போட்டிகளில் இதுவரை 2 முறை நேருக்கு நேர் சந்தித்துள்ளன. இதில் ஒரு போட்டியில் இந்திய அணி வெற்றி பெற்ற நிலையில் ஒரு போட்டி சமனில் முடிந்துள்ளது.