இந்தியா- ஆப்கானிஸ்தான் அணிகள் மோதும் உலகக்கோப்பை தொடரின் 28-வது லீக் ஆட்டம் சவுத்தாம்டனில் இன்று மதியம் 3 மணிக்கு தொடங்கியது. டாஸ் வென்ற இந்திய அணி கேப்டன் விராட் கோலி பேட்டிங்கை தேர்வு செய்தார். தொடக்க ஆட்டக்காரர்களாக லோகேஷ் ராகுலும் ரோகித் சர்மாவும் களமிறங்கினர்.
ரோகித் சர்மா ஒரு ரன்னில் வெளியேறி அதிர்ச்சி அளித்தார். ஆப்கானிஸ்தான் பந்து வீச்சாளர்கள் சிறப்பாக பந்து வீசினர். அதனால் இந்திய அணியின் ரன்வேகம் குறைந்தது.
ஆனாலும் விராட் கோலி, கேதார் ஜாதவ் ஆகியோர் ஓரளவு சிறப்பாக ஆடி அரை சதமடித்தனர். கோலி 67 ரன்னிலும், கேதார் ஜாதவ் 52 ரன்னிலும் அவுட்டாகினர். இறுதியில், இந்திய அணி நிர்ணயிக்கப்பட்ட 50 ஓவரில் 8 விக்கெட் இழப்புக்கு 224 ரன்கள் மட்டுமே எடுத்தது.
ஆப்கானிஸ்தான் தரப்பில் குல்பதின் நயீப், ரஷித் கான் 2 விக்கெட் வீழ்த்தினர்.
இதையடுத்து, 225 ரன்களை இலக்காக கொண்டு ஆப்கானிஸ்தான் அணி இறங்கியது. ஹஸ்மதுல்லா சசாயும், கேப்டன் குல்பதின் நயிபும் ஆடினர். நயிப் 27 ரன்னிலும், ரஹ்மத் ஷா 34 ரன்னிலும் ஹஸ்மதுல்லா ஷஹிதி 21 ரன்னிலும் அவுட்டாகினர். அடுத்து இறங்கிய மொகமது நபி ஓரளவு தாக்குப்பிடித்து அரை சதமடித்தார். இறுதி ஓவரில் 52 ரன் எடுத்து அவுட்டனார்.
இறுதியில், ஆப்கானிஸ்தான் அணி 49.5 ஓவரில் அனைத்து விக்கெட்டுகளையும் இழந்து 213 ரன்களை எடுத்து தோற்றது. இந்தியா 11 ரன்கள் வித்தியாசத்தில் வென்றது. இறுதி ஓவரில் ஷமி ஹாட்ரிக் விக்கெட் எடுத்து அசத்தினார்.
இந்தியா சார்பில் ஷமி 4 விக்கெட்டும், பும்ரா, சாஹல், பாண்டியா ஆகியோர் தலா 2 விக்கெட் வீழ்த்தினர்.
இந்திய அணிக்கு எச்சரிக்கை மணி!
கடைசியில் அழுத்தத்தில் ஷமி யார்க்கரில் எடுத்த ஹாட்ரிக் விக்கெட்டுகள் போக மீதி விக்கெட்டுகளை எல்லாம் இந்திய பவுலர்கள் நல்ல பந்தைப் போட்டு எடுக்கவில்லை என்பதே விஷயம். ஆப்கான் போன்ற அணிகள் டி20 மனநிலையில் எப்போதுமே ஆடுவதால் 3-4 டாட்பால்கள் போட்டால் அவ்வளவுதான் அவர்கள் அழுத்தம் ஏற்பட்டு அடுத்த பந்திலோ அடுத்த ஓவரிலோ ஆட்டமிழந்து விடுவார்கள், அதுதான் நடந்தது இன்று.
இந்திய அணி எப்படியிருந்தாலும் வெற்றி பெற்று விடும் என்பது ஒரு பக்கம் இருந்தாலும் இந்த மாதிரி வெற்றி பெறுவது, தோனி, விஜய் சங்கர், கேதார் ஜாதவ், ராகுல் போன்றோரின் மந்தமான இன்னிங்ஸ்களுக்கு ‘பயனுள்ள பங்களிப்பு’ என்ற அந்தஸ்தை வழங்கி விடும். அதுவும் தோனி ரசிகர்கள் இருக்கிறார்களே! தோனியின் அந்த அறுவை 28 ரன்கள் இல்லையெனில் இந்தியா 150 ரன்களுக்குச் சுருண்டிருக்கும் என்று கூட மவுட்டீகமாக கூற முற்படுவார்கள். இது கிரிக்கெட் நுட்பங்களைத் தாண்டிய ஹீரோ ஒர்ஷிப்தான்.
உண்மையில் பார்த்தால் விஜய் சங்கர் ஏன் அணியில் எடுக்கப்பட்டார்? அவருக்கு ஆப்கான் அணி பந்து வீச்சையே ஆக்ரோஷமாக எதிர்கொள்ள முடியவில்லை, மேலும் அன்று முதல் பந்திலேயே விக்கெட் எடுத்தவருக்கு இன்று ஓவரே வழங்கப்படவில்லை. இத்தனைக்கும் ஹர்திக் பாண்டியா முதல் 2 ஓவர்களை சொதப்பலாக வீசி பவுண்டரிகளை வழங்கினார்.
What a way to end it @MdShami11! ???
Nabi c Pandya b Shami
Alam b Shami
Ur Rahman b ShamiIndia take an absolute thriller by 11 runs.
Watch the winning (and hat-trick) moment here!#INDvAFG | #TeamIndia | #CWC19 pic.twitter.com/q9fYvcR56z
— ICC (@ICC) June 22, 2019