வீடியோ: இரண்டு கையால் பந்து வீசி, விக்கெட்டும் எடுத்து அசத்திய இளம் வீரர்!

தென்ஆப்பிரிக்காவில் மான்சி சூப்பர் லீக் டி20 கிரிக்கெட் தொடர் நடைபெற்று வருகிறது. நேற்று நடைபெற்ற ஒரு ஆட்டத்தில் கேப் டவுன் பிளிட்ஸ் – டர்பன் ஹீட் அணிகள் மோதின.

முதலில் பேட்டிங் செய்த கேப் டவுன் பிளிட்ஸ் 174 ரன்கள் குவித்தது. பின்னர் 75 ரன்கள் அடித்தால் வெற்றி என்ற இலக்குடன் டர்பன் ஹீட் அணி களம் இறங்கியது. 8-வது ஓவரை சுழற்பந்து வீச்சாளர் மலோக்வானா வீசினார். இந்த ஓவரின் 7.2-வது பந்தை அவர் வலது கையால் வீசினார். பந்தை எதிர்கொண்ட இடது கை பேட்ஸ்மேன் எர்வீ மிட் ஆஃப் திசையில் கேட்ச் கொடுத்து ஆட்டமிழந்தார்.

10-வது ஓவரை மலோக்வானா வீசினார். இந்த ஓவரின் 5-வது பந்தை இடது கையால் வீசினார். பந்தை எதிர்கொண்ட வலது கை பேட்ஸ்மேன் விலாஸ் 8 ரன்கள் எடுத்த நிலையில் க்ளீன் போல்டானார்.

இந்த போட்டியில் கேப் டவுன் 10 ரன்கள் வித்தியாசத்தில் வெற்றி பெற்றது. சுழற்பந்து வீச்சாளரான மலோக்வானா இரண்டு கைகளாலும் பந்து வீசியதோடு, விக்கெட்டுக்களையும் வீழ்த்தி அனைவரது பார்வையையும் ஈர்த்துள்ளார்.