இந்த வெற்றிக்கு காரணம் ஷிகர் தவான் : சன் ரைசர்ஸ் கேப்டன் கேன் வில்லியம்சன்

டாஸ் வென்ற டெல்லி டேர்டெவில்ஸ் அணியின் கேப்டன் ஸ்ரேயாஸ் அய்யர் முதலில் பேட்டிங் செய்தார். தொடக்க வீரர்கள் பிரித்வி ஷா 9 ரன்கள், ஜேசன் ராய் 11 ரன்களில் அடுத்தடுத்து சஹிப்அல் ஹசன் பந்துவீச்சில் ஆட்டமிழந்தனர்.

அடுத்து வந்த ஸ்ரேயாஸும் 3 ரன்களில் ஆட்டமிழந்து ஏமாற்றம் அளித்தார். ரிஷாப் பந்த், படேல் இருவரும் ஜோடி சேர்ந்தனர். படேல் பொறுமை காட்ட, ரிஷாப் பந்த் அதிரடியில் பட்டையைக் கிளப்பினார்.

கவுல் வீசிய 10-வது ஓவரில் ஒரு சிக்ஸர் ஒரு பவுண்டரி விளாசினார் பந்த். சுழற்பந்துவீச்சில் மிரட்டி வரும் ராஷித்கான் வீசிய 12-வது ஓவரில் காட்டடி அடித்து 3 பவுண்டரிகள் விளாசினார் பந்த்.

சந்தீப் சர்மா வீசிய 13-வது ஒவரில் ஒரு சிக்ஸர், பவுண்டரி அடித்து 31-வது பந்துகளில் அரை சதம் அடித்தார் பந்த். சஹிப் அல் ஹசன் வீசிய 15-வது ஓவரில் மீண்டும் ஒரு சிக்ஸர் பவுண்டரி அடித்தார் பந்த்.

ராஷிக்கானின் 17-வது ஓவரில் மறுபடியும் ஒரு சிக்ஸர், பவுண்டரி அடித்து அனல் பறக்க விட்டார் பந்த். புவனேஷ் குமார் வீசிய 18-வது ஓவரில் 2 பவுண்டரிகள் ஒரு சிக்ஸர் அடித்தார் பந்த். அதிரடியாக ஆடிய பந்த் 56 பந்துகளில் சதம் அடித்தார். அரை சதம் அடிக்க 31 பந்துகளை எடுத்துக்கொண்ட ரிஷாப் பந்த், அடுத்த 25 பந்துகளில் அடுத்த அரை சதத்தை அடித்தார் பந்த் என்பது குறிப்பிடத்தக்கது.

புவனேஷ் வீசிய கடைசி ஓவரை காய்ச்சி எடுத்துவிட்டார் பந்த். முதல்பந்தில் மேக்ஸ்வெல் 9 ரன்களில் ஆட்டமிழந்தார்.

அடுத்த 5 பந்துகளைச் சந்தித்த பந்த் 2 பவுண்டரிகளையும், ஹாட்ரிக் சிக்ஸர்களையும் அடித்து ரசிகர்களுக்கு வானவேடிக்கை நிகழ்த்தினார். இதில் ஒரு சிக்ஸரை ஒற்றை கரத்தில் ரிஷாப் பந்த் பேட்டைப் பிடித்து அடித்தது முத்தாய்ப்பாகும்.

20 ஓவர்கள் முடிவில் டெல்லி டேர்டெவில்ஸ் அணி 5 விக்கெட் இழப்புக்கு 187 ரன்கள் சேர்த்தது. ரிஷாப் பந்த் 63 பந்துகளில் 128 ரன்களில் இறுதிவரை ஆட்டமிழக்காமல் இருந்தார். இதில் 7 சிக்ஸர்கள், 15 பவுண்டரிகள் அடங்கும்.

அதிகபட்சமாக அணியில் புவனேஷ்குமார் 4 ஓவர்கள் வீசி 51ரன்களும், கவுல் 4 ஓவர்கள் வீசி 48 ரன்களும் வாரி வழங்கினர்.