உடம்பில் ஒட்டுத்துணி கூட இல்லாமல் மைதானத்தில் நிர்வாணமாக ரசிகர்கள் ஓடிய 10 சம்பவங்கள்! - Page 4 of 10

விளையாட்டு வீரர்கள் மற்றும் ரசிகர்களிடையே பக்தி உணர்வுகளும் பனிப்போர்களும் நிகழ்வது இயல்பான ஒன்று. அதை பலர் சமூக வலைதளங்கள் மற்றும் மைதானத்திற்கு வெளியே வெளிக்காட்டிக் கொண்டாலும் ஒரு சில ரசிகர்கள் போட்டி நடந்து கொண்டிருக்கும் போதே பாதுகாப்பு வளையங்களை தாண்டி மைதானத்திற்குள் உள்ளே அத்துமீறி நுழைந்து தங்களது உணர்வை வெளிப்படுத்தி இருக்கின்றனர். அப்படி சிலர் பக்தி உணர்வோடும் சிலர் ஆக்ரோஷ உணர்வோடும் குறிப்பாக கிரிக்கெட் உலகில் நடந்துகொண்ட 10 சுவாரசியமான சம்பவங்களை நாம் இந்தக் கட்டுரையில் காண இருக்கிறோம். #10 ஆஸ்திரேலியா vs இந்தியா, 2008ஆம் ஆண்டு பிரிஸ்பேன் போட்டி இந்தியா மற்றும் ஆஸ்திரேலியா இடையே விறுவிறுப்பான போட்டி நடந்துகொண்டிருக்கையில், ஆஸ்திரேலிய அணி 259 ரன்களை இலக்காக எட்ட வேண்டியிருந்தது. அச்சமயம் 33 ரன்களுக்கு 4 விக்கெட்டுகளை இழந்து அந்த அணி மிகவும் தடுமாற்றத்துடன் விளையாடிக்கொண்டிருந்தது. அப்போதைய முன்னணி வீரர் ஆன்ட்ரூ சைமன்ஸ் களத்தில் பேட்டிங் செய்து கொண்டிருந்தார். போட்டியை கண்டு களித்துக் கொண்டிருந்த ரசிகர்களில் ஒருவர் திடீரென பாதுகாப்பு வளையத்தை மீறி உள்ளே நுழைந்து சைமன்சை நெருங்க முயற்சித்தார். இதனால் சைமன்ஸ் நிலைதடுமாறி கீழே விழுந்தார். உடனடியாக உள்ளே வந்த காவல்துறையினர் ரசிகரை மைதானத்தை விட்டு வெளியே அனுப்பி வைத்தனர். இந்த சம்பவம் அப்போது பரவலாக பேசப்பட்டது. https://youtu.be/rFLjBYPc6Xw #9 நியூசிலாந்து vs ஆஸ்திரேலியா, 2016 கிறிஸ்ட்சர்ச் டெஸ்ட் போட்டி நியூசிலாந்து மற்றும் ஆஸ்திரேலியா இடையிலான டெஸ்ட் போட்டியின்போது, திடீரென மைதானத்திற்குள் நுழைந்த ரசிகர் ஒருவர் தனது ஆடைகளை களைந்து நிர்வாணமாக மைதானத்தில் வட்டம் அடித்தார். இவரை தடுக்க முயன்ற காவலர்களையும் கீழே தள்ளிவிட்டு பரபரப்பை ஏற்படுத்தினார். இறுதியாக காவலர்கள் அவரைப் பிடித்து வெளியேற்றினர். இந்த ரசிகர் மீது வழக்குப்பதிவு செய்து போலீசார் கைது நடவடிக்கை மேற்கொண்டனர். #8 இங்கிலாந்து vs ஸ்காட்லாந்து, 2015 உலகக்கோப்பை, கிறிஸ்ட்சர்ச் 2015ஆம் ஆண்டு உலகக் கோப்பையின் போது அனைவரின் கவனத்தையும் ஈர்க்க இங்கிலாந்து மற்றும் ஸ்காட்லாந்து இடையே நடைபெற்ற போட்டியின்போது, ரசிகர்களில் ஒருவர் பாதுகாப்பு வளையத்தை அத்துமீறி ஆடைகளைக் களைந்து நிர்வாணமாக மைதானத்தின் உள்ளே ஓட துவங்கினார். சில வீரர்களையும் அவர் சீண்டி இருக்கிறார். இதனால் காவலர்கள் அவரை உடனடியாக பிடித்து வழக்கு பதிவு செய்து கைது செய்தனர். இவர் விசாரணையின்போது மார்க்கெட்டிங் செயலுக்காக செய்திருக்கிறார் என தெரியவந்தது. #7 இங்கிலாந்து vs பாகிஸ்தான், 1996 லார்ட்ஸ் டெஸ்ட் போட்டி 1996ம் ஆண்டு லார்ட்ஸ் மைதானத்தில் பாகிஸ்தான் மற்றும் இங்கிலாந்து அணிகளுக்கு இடையேயான முதல் டெஸ்ட் போட்டியின் போது, ரசிகர்களில் இருந்த பெண் ஒருவர் ஆடைகளை களைந்து நிர்வாணமாக மைதானத்தினுள் ஓடி பெரும் சலசலப்பை ஏற்படுத்தினார். இதனால் போட்டி சிறிது நேரம் ஒத்திவைக்கப்பட்டது. #6 ஆஸ்திரேலியா vs பாகிஸ்தான், 2006 சிட்னி 2006ம் ஆண்டு ஆஸ்திரேலியா மற்றும் பாகிஸ்தான் அணிகளுக்கு இடையே நடந்த டெஸ்ட் போட்டியின் போது, ரசிகர்கள் மத்தியில் இருந்த ஒருவர் திடீரென உள்ளே வந்து ஆடைகளை கலைந்து தன் உடம்பில் எழுதி வைத்திருந்த வாசகங்களை அனைவருக்கும் தெரியும்படி குட்டிக்கரணம் போட்டார். அந்த சமயம் ரிக்கி பாண்டிங் செய்து கொண்டிருந்தார். ஒரு நிமிடம் இதை கண்டதும் அவர் நடுங்கி விட்டார். இந்நிகழ்வு அந்த காலத்தில் பெரும் பரபரப்பாக பேசப்பட்டது. #5 இங்கிலாந்து vs ஆஸ்திரேலியா, 2005 ஓவல் டெஸ்ட் போட்டி 2005ஆம் ஆண்டு இங்கிலாந்து மற்றும் ஆஸ்திரேலிய அணிகளுக்கு இடையே நடைபெற்ற ஐந்தாவது டெஸ்ட் போட்டியின் போது பெண்ணொருவர் ஆடைகளை கழற்றிவிட்டு தனது உடம்பில் எழுதி வைத்திருந்த இணையதளத்தின் விளம்பரத்திற்காக நிர்வாணமாக மைதானத்திற்குள் ஓடினார். உடனடியாக இவரை பிடித்து காவலர்கள் வெளியேற்றி வழக்கு பதிவு செய்தனர். #4 நியூசிலாந்து vs பாகிஸ்தான், 2009 வெலிங்டன் 2009ஆம் ஆண்டில் நடைபெற்ற பாகிஸ்தான் மற்றும் நியூசிலாந்து அணிகளுக்கிடையிலான டெஸ்ட் போட்டியின் போது, மைதானத்தில் பெண் ஒருவர் அச்சமயம் பேட்டிங் செய்து கொண்டிருந்த ராஸ் டெய்லர் நோக்கி வேகமாக ஓடி வந்தார். ஆனால் அதை சற்றும் கண்டுகொள்ளாமல் ராஸ் டெய்லர் நகர்ந்து சென்றுவிட்டார். அந்தப் பெண் பிகினி டிரஸ்சில் இருந்ததால் பெரும் பரபரப்பு ஏற்பட்டது. பின்னர் காவல்துறையினர் அவரை பிடித்து வெளியேற்றினர். வீடியோ: https://youtu.be/1YK9W6xA_G4 #3 இங்கிலாந்து vs வெஸ்ட் இண்டீஸ் 2007 ஒல்டு டிரபோர்ட் இங்கிலாந்து மற்றும் வெஸ்ட் இண்டீஸ் அணிகள் மோதிய டெஸ்ட் போட்டி 2007ம் ஆண்டு ஓல்ட் டிரபோட் மைதானத்தில் நடைபெற்றது. அச்சமயம் மைதானத்தில் இருந்த ரசிகர் ஒருவர் பாதுகாப்பு வளையங்களை மீறி நிர்வானமாக உள்ளே ஓடி வந்து அச்சமயம் பேட்டிங் செய்து கொண்டிருந்த இங்கிலாந்து அணியின் வேகப்பந்து வீச்சாளர் ஹார்மிசனை கட்டிப்பிடித்தார். இது ரசிகர்களிடையே பெரும் சலசலப்பை ஏற்படுத்தியது. உடனடியாக காவலர்கள் அவரை தரதரவென இழுத்துச் சென்று மைதானத்தை விட்டு வெளியேறினார். #2 இங்கிலாந்து vs சவுத் ஆப்பிரிக்கா, 2008 2008 ஆம் ஆண்டு எட்ஜ்பாஸ்டனில் நடைபெற்ற டெஸ்ட் போட்டியில் இங்கிலாந்து மற்றும் சவுத் ஆப்பிரிக்கா அணிகள் மோதின. அச்சமயம் ரசிகர்களில் இருந்த ஒருவர் உள்ளே வந்து நிர்வாணமாக கத்தி கூச்சலிட்டார். இந்த சம்பவத்தின் போது இங்கிலாந்து வீரர் டிராட் பேட்டிங் செய்து கொண்டிருந்தது குறிப்பிடத்தக்கது. #1 நியூசிலாந்து vs ஆஸ்திரேலியா, 2005 கிறிஸ்ட் சர்ச் கிறிஸ்ட்சர்ச் மைதானத்தில் பலர் போட்டி நடந்து கொண்டிருக்கையில் அத்துமீறி மைதானத்திற்குள் நுழைந்து இருக்கின்றனர். இம்முறையும் 2005 ஆம் ஆண்டு நியூசிலாந்து மற்றும் ஆஸ்திரேலியா இரு அணிகளும் மோதிக் கொண்டிருந்த போட்டியின் போது திடீரென பெண் ஒருவர் நிர்வாணமாக உள்ளே வந்து அப்போதைய கேப்டன் ஸ்டீபன் பிளமிங்கை தொட முயற்சி செய்கிறார். ஆனால் அதற்குள் காவலர்கள் வந்து அந்த பெண்ணை பிடித்து வெளியே அழைத்துச் சென்றுவிட்டனர்.

Leave a comment