முகமது ஷமி இந்திய அணியில் இருந்து புறக்கணிக்கப்படுவதற்கு இந்த மூன்று விசயங்கள் தான் காரணம் !! - Page 2 of 3

உலகக் கோப்பை தொடருக்கான இந்திய அணியில் முகமது சமி இடம் பெறாததற்கு இந்த மூன்று காரணங்களை கிரிக்கெட் வல்லுனர்கள் மேற்கோள் காட்டியுள்ளனர். டெஸ்ட் தொடரில் இந்திய அணியின் ரெகுலர் வீரராக கருதப்பட்ட முகமது சமி மூன்று விதமான தொடரிலும் சிறப்பாக செயல்படும் திறமை படைத்தவர்.குறிப்பாக நடந்து முடிந்த ஐபிஎல் தொடரில் மிகச் சிறப்பான ஆட்டத்தை வெளிப்படுத்தி அசத்தியுள்ளார். அப்படியிருந்தும் இவரை இந்திய அணி t20 போட்டிகளில் விளையாட விடாமல் வைத்திருப்பது அனைவருக்கும் ஆச்சரியமாக உள்ளது. கடுமையான விமர்சனத்திற்கு பின்பு ஆஸ்திரேலியா மற்றும் தென்னாப்பிரிக்கா அணிக்கு எதிரான உள்ளூர் தொடரில் முகமது சமியின் பெயர் இடம்பெற்றாலும் உலகக்கோப்பை தொடருக்கான இந்திய அணியில் முகமது சமியின் பெயர் இடம் பெறாதது பெரும்பாலான ரசிகர்களுக்கு ஏமாற்றத்தை அளித்துள்ளது. இந்த நிலையில் கீழே கொடுக்கப்பட்டுள்ள மூன்று காரணங்களுக்காக தான் முகமது சமி உலக கோப்பை தொடருக்கான இந்திய அணியில் இடம் பெறவில்லை என்று கிரிக்கெட் வல்லுநர்கள் தெரிவித்துள்ளனர். சமீபகாலமாக அதிக t20 போட்டிகளில் விளையாடவில்லை.. கடந்த உலக கோப்பை தொடரில் பங்கேற்று விளையாடிய முகமது சாமி அதற்குப்பின் எந்த ஒரு சர்வதேச டி20 போட்டியிலும் இந்திய அணிக்காக விளையாடவில்லை. கடைசியாக ஐபிஎல் தொடரில் சிறப்பான ஆட்டத்தை வெளிப்படுத்திய சமி சர்வதேச இந்திய அணிக்காக அதிக அளவில் டி20 போட்டியில் விளையாடவில்லை என்பதற்காக நீக்கப்பட்டிருக்கலாம் என்று தெரிவிக்கப்பட்டுள்ளது. அதிக எகனாமி ரேட் நியூ பாலில் சிறந்த பந்துவீச்சை முகமது சமி வெளிப்படுத்தி விக்கெட்டை வீழ்தினாலும், பந்து பழையதாகிவிட்டால் இவருடைய பந்தை எதிரணி பேட்ஸ்மேன்கள் எளிதாக சமாளித்து விடுகின்றனர். குறிப்பாக t20 போட்டிகளில் இவருடைய எக்கனாமிக் ரேட் கிட்டத்தட்ட (9.55) 10தை நெருங்கிவிட்டதால் டி20 போட்டியில் இருந்து சமி நிராகரிக்கப்படுகிறார் என்று தெரிவித்துள்ளனர். டெத் ஓவர்களில் சிறப்பாக செயல்பட வேண்டும் என்பதற்காக.. பந்து வீச்சில் சமபலம் வாய்ந்த அணியாக இந்திய அணியை கட்டமைக்க வேண்டும் என்பதற்காக முகமது சமி நீக்கப்பட்டுள்ளதாக தெரிவிக்கப்பட்டுள்ளது. நியூ பாலில் பந்து வீச புவனேஸ்வர் குமார், பும்ரா மற்றும் ஹர்ஷல் பட்டியல் போன்ற வீரர்களும் டெத் ஓவர்களில் பந்து வீச அர்ஷ்திப் போன்ற பந்துவீச்சாளர்களும் உள்ளதால் முகமது சமிக்கு வாய்ப்பு கிடைக்கவில்லை என கிரிக்கெட் வல்லுனர்கள் தெரிவித்துள்ளனர். எப்படி இருந்தும் அணியில் யாராவது ஒரு வீரருக்கு காயம் ஏற்பட்டால் அவருக்கு மாற்று வீரராக முகமது சமி களமிறங்குவதற்கு அதிக வாய்ப்புகள் உள்ளது என்பது குறிப்பிடத்தக்கது.

Leave a comment