ஒருநாள் போட்டிகளில் இனி கால்பதிக்க வாய்ப்பில்லாத நான்கு இந்திய வீரர்கள் !! - Page 3 of 4

ஒருநாள் போட்டிகளில் இனி கால்பதிக்க வாய்ப்பில்லாத நான்கு இந்திய வீரர்கள் இளம் வீரர்கள் பலரின் வருகையால் இனி சர்வதேச ஒருநாள் போட்டிகளில் விளையாட வாய்ப்பு இல்லாத இந்திய அணியின் முக்கிய நான்கு வீரர்கள் குறித்து பார்ப்போம். 4; பார்த்தீவ் பட்டேல் இந்திய கிரிக்கெட் அணியின் சீனியர் வீரர்களில் ஒருவரான பார்த்தீவ் பட்டேல், தோனியின் வருகைக்கு பிறகு இந்திய அணியில் இருந்து தொடர்ந்து புறக்கணிக்கப்பட்டு வருகிறார். டெஸ்ட் அணியின் விக்கெட் கீப்பரான சஹா காயம் அடையும் சமயங்களில் அணியில் அவ்வப்போது டெஸ்ட் அணியில் பார்த்தீவ் பட்டேலுக்கு அணியில் இடம் கிடைத்தாலும் பார்த்தீவ் பட்டேல் தனக்கு கிடைத்த வாய்ப்புகளை பயன்படுத்தி கொண்டு தன்னை நிரூபிக்கவே இல்லை, இதன் காரணமாக அவருக்கு பதிலாக சமீபகாலமாக தினேஷ் கார்த்திக் டெஸ்ட் அணியின் விக்கெட் கீப்பராக செயல்பட்டு வருகிறார். தோனிக்கு அடுத்தபடியாக தினேஷ் கார்த்திக், ரிஷப் பண்ட் என பலர் சிறப்பாக செயல்பட்டு வருவதால் பார்த்தீவ் பட்டேல் இனி ஒருநாள் போட்டிகளில் விளையாடுவதற்கு வாய்ப்புகள் மிக மிக குறைவே. 3; முரள் விஜய் இந்திய அணியின் சீனியர் வீரர்களில் ஒருவராகவும், முக்கிய வீரர்களில் ஒருவராகவும் கருதப்பட்ட முரளி விஜய் நீண்ட காலமாக ஒருநாள் போட்டிகளில் இருந்து தொடர்ந்து புறக்கணிக்கப்பட்டே வருகிறார். துவக்க வீரரான இவரது இடத்தை இவரை விட ஷிகர் தவானும், ரோஹித் சர்மாவும் சிறப்பாக செய்து வருவதால் வரும் காலங்களிலும் முரளி விஜய் சர்வதேச ஒருநாள் போட்டிகளில் இடம்பிடிப்பது கடினமே. 2; இஷாந்த் சர்மா இந்திய அணியின் சீனியர் வேகப்பந்து வீச்சாளரான இஷாந்த் சர்மா சமீபகாலமாக டெஸ்ட் அணியில் மட்டுமே இடம்பெற்று வருகிறார். வேகப்பந்து வீச்சாளர்கள் வரிசையில் பும்ராஹ், புவனேஷ்வர் என இளம் வீரர்கள் பலர் அபாரமாக விளையாடி வருவதால் இஷாந்த் சர்மாவும் இனி ஒருநாள் போட்டிகளில் இடம்பிடிக்க வாய்ப்புகள் குறைவே. 1; ரவிசந்திர அஸ்வின் இந்திய கிரிக்கெட் அணியின் சுழல்ஜாம்பவனாக அறியப்பட்ட அஸ்வின், சாஹல் மற்றும் குல்தீப் யாதவின் வருகைக்கு பிறகு ஒருநாள் அணியில் இடம்பிடிக்க முடியாமல் தவித்து வருகிறார். சாஹல் மற்றும் குல்தீப் யாதவ் சுழற்பந்து வீச்சில் சிறப்பாக செயல்பட்டு வருவதால் அஸ்வினும் இனி ஒருநாள் போட்டிகளில் இடம்பெறுவது கடினமே. இதுதவிர பலருக்கு இந்த தகவல் ஆச்சரியத்தை ஏற்படுத்தலாம். இந்திய கிரிக்கெட் அணியின் மிக முக்கிய வீரராக அறியப்பட்டு வரும் சுழறப்ந்து வீச்சாளர் அஸ்வின் இதுவரை ஒரு உலகக்கோப்பை கிரிக்கெட் தொடரில் கூட விளையாடவில்லை. சாஹல், குல்தீப் போன்ற இளம் சுழற்பந்து வீச்சாளர்கள் அபாரமாக விளையாடி வருவதால் அடுத்த வருடம் நடைபெற இருக்கும் உலகக்கோப்பை கிரிக்கெட் தொடரிலும் அஸ்வின் இடம்பிடிப்பது கடினமே.

Leave a comment