4வது டெஸ்ட் போட்டிக்கான இந்திய அணியின் உத்தேச ஆடும் லெவன்!!

நான்காவது டெஸ்ட் போட்டிக்கான இந்திய அணியின் உத்தேச ஆடும் லெவன் இங்கிலாந்து சென்றுள்ள கோஹ்லி தலைமையிலான இந்திய கிரிக்கெட் அணி இங்கிலாந்து அணியுடன் ஐந்து டெஸ்ட் போட்டிகள் கொண்ட தொடரில் பங்கேற்றுள்ளது. இந்த தொடரின் முதல் இரண்டு போட்டியிலும் இந்திய அணி படுதோல்வியை சந்தித்துள்ள நிலையில், ஆனால் அதை திருப்பி கொடுக்கும் வகையில் மூன்றாவது டெஸ்ட் போட்டியில் இந்திய அணி அபார வெற்றி பெற்றது. இரு அணிகள் இடையேயான நான்காவது டெஸ்ட் போட்டி நாளை (ஆகஸ்ட் 30) துவங்குகிறது. இந்நிலையில் இந்த டெஸ்ட் போட்டிக்கான இந்திய அணியின் உத்தேச ஆடும் லெவன் குறித்து இங்கு பார்ப்போம். 1.ஷிகர் தவான் முதல் டெஸ்ட் போட்டியில் களமிறங்கினாலும், சரிவர செயல்படாததால் இரண்டாவது டெஸ்டில் அவருக்கு வாய்ப்பளிக்கவில்லை. ஆனால் மூன்றாவது டெஸ்டில் இடமளிக்கப்பட்டு சிறப்பாக செயல்பட்டார். (Photo Source: BCCI) 2. கே.எல் ராகுல் தவானுக்கு பதிலாக இரண்டாவது டெஸ்ட் போட்டியில் இந்திய அணியின் மற்றொரு துவக்க வீரராக களமிறக்கப்பட்ட கே.எல் ராகுல் சொல்லிக்கொள்ளும் அளவிற்கு விளையாடவில்லை என்றாலும், ஆனால் மூன்றாவது டெஸ்டில் சற்று ஆறுதல் தரும் விதமாக இவரது ஆட்டம் இருந்தது. அதே பாணியை நான்காவது டெஸ்டிலும் தொடருவார் என யூகிக்கப்படுகிறது., 3. புஜாரா முதல் டெஸ்ட் போட்டியில் இடம்பெறாத புஜாரா, இரண்டாவது டெஸ்ட் போட்டியில் தனக்கு கிடைத்த வாய்ப்பை சரியாக பயன்படுத்தி கொள்ளவில்லை என்றே சொல்ல வேண்டும். இருந்த போதிலும் மூன்றாவது டெஸ்ட் போட்டியில் கேப்டன் கோஹ்லியுடன் இணைந்து அபாரமான அரைசதத்தை வெளிப்படுத்தினார். நான்காவது போட்டியில் தனது மாரத்தான் ஆட்டத்தை வெளிப்படுத்த வேண்டிய கட்டாயத்தில் உள்ளார். 4. விராட் கோஹ்லி முதல் டெஸ்ட் போட்டியில் இங்கிலாந்து அணிக்கு கடும் சவாலாக திகழ்ந்த இந்திய அணியின் கேப்டன் விராட் கோஹ்லி இரண்டாவது போட்டியில் படுமோசமாக விக்கெட்டை இழந்தார். மூன்றாது போட்டியில் புஜாராவுடன் ஜோடி சேர்ந்து இந்திய அணியை சரிவில் இருந்து மீட்டு முதல் இன்னிங்சில் 3 ரன்களில் சதமடிக்கும் வாய்ப்பை நழுவ விட்டாலும், இரண்டாவது இன்னிங்சில் சதத்தை தன வசப்படுத்தினார். (Photo Source: Getty Images) 5. ரஹானே இந்திய அணியிண் துணை கேப்டனான ரஹானே முதல் இரண்டு போட்டியிலும் சொபிக்கவில்லை என்றாலும், மூன்றாவது போட்டியின் இரண்டாவது இன்னிங்சில் ஒரு அரைசதம் கண்டார். நான்காவது போட்டியில் அதே நிதானத்தை கடைபிடித்து ஆட வேண்டிய நிலையில் இருக்கிறார். (Photo Source: Getty Images) 6. ரிஷப் பண்ட் விக்கெட் கீப்பிங், பேட்டிங் என இரண்டிலும் கடுமையாக சொதப்பி வந்த தினேஷ் கார்த்திக் க்கு பதிலாக மூன்றாவது டெஸ்ட் போட்டியில் அறிமுகமானார் பண்ட். பேட்டிங்கில் பெரிதாக ஜொலிக்கவில்லை என்றாலும், கீப்பிங்கில் அசாத்தியமான திறமையை வெளிப்படுத்தி, அறிமுக போட்டியிலேயே மொத்தம் 7 கேட்ச்கள் பிடித்து ஆச்சர்யமூட்டினார். ஆதலால், அணியில் இவரது இடத்திற்கு தற்போது எந்தவித பாதிப்பும் இராது. 7. ரவிந்திர ஜடேஜா இந்திய அணியின் முன்னணி சுழற்பந்துவீச்சாளராக இருந்தாலும், முதல் மூன்று போட்டிகளில் அஸ்வின் ஆடியதால் இவருக்கு இடமில்லை. மூன்றாவது டெஸ்ட் போட்டியின் பயிற்சியின் போது அஸ்வினுக்கு இடுப்பில் காயம் ஏற்பட்டது. ஆனால், முதல் இரண்டு போட்டியிலும் சிறப்பாக செயல்பட்டதால் அவரை அணி நிர்வாகம் முன்றாவது போட்டியிலும் ஆட வற்புறுத்தியது. தற்போது, அவரின் இடுப்பு பகுதி காயம் தீவிரமடைந்ததால் நான்காவது போட்டியில் அஸ்வினுக்கு ஓய்வு அளிக்கப்பட்டு ஜடேஜா ஆடுவார் என எதிர்பார்க்கப்படுகிறது. 8. ஹார்திக் பாண்டியா முதல் இரண்டு டெஸ்ட் போட்டிகளில் சொதப்பிய பாண்டியா, மூன்றாவது டெஸ்டின் முஹ்டல் இன்னிங்சில் 5 விக்கெட்டுகள் வீழ்த்தி இங்கிலாந்து அணியை 161 க்கு சுருட்ட முக்கிய காரணமாக இருந்தார். இரண்டாவது இன்னிங்சில் அரைசதமும் அடித்தார். இதனால் நான்காவது போட்டியில் இவருக்கு நிச்சயம் இடமுண்டு. 9. இஷாந்த் சர்மா முதல் டெஸ்ட் போட்டியின் இரண்டாவது இன்னிங்ஸில் தனது வேகத்தால் இங்கிலாந்து அணியை சரித்த இஷாந்த் சர்மா அடுத்தடுத்த இரண்டு போட்டிகளில் எதிர்ப்பார்த்த அளவிற்கு எடுபடவில்லை என்றாலும், ரன்கள் விட்டுக்கொடுப்பதை கட்டுப்படுத்தி வருகிறார். (Photo Source: Getty Images) 10. முகமது ஷமி வேகப்பந்து வீச்சாளரான முகமது ஷமி தனது பங்களிப்பை சரியாக செய்து வந்தாலும் இன்னும் தன்னை முன்னேற்றி அணிக்கு தேவையானதை சரியாக செய்து கொடுக்க வேண்டும் என்பதே அனைவரின் எதிர்பார்ப்பாக உள்ளது. ஏனெனில் பேட்ஸ்மேன்களை திணறடித்தாலும், விக்கெட்டுகளை வீழ்த்தும் அளவிற்கு இவரது பந்துவீச்சு இல்லை. நான்காவது டெஸ்ட் போட்டி மைதானம் வேகப்பந்துவீச்சுக்கு சாதகமாக இருப்பதால் நிச்சயம் இவருக்கு விக்கெட் விழும் என எதிர்பார்க்கப்படுகிறது. 11. ஜஸ்பிரித் பும்ராஹ் காயம் காரணமாக முதல் இரண்டு போட்டியிலும் விளையாடாத பும்ராஹ் காயத்தில் இருந்து முழுமையாக குணமடைந்து மீண்டு வந்து மூன்றாவது போட்டியில் சிறப்பாக பந்துவீசி இரண்டாவது இன்னிங்சில் 5 விக்கெட்டுகள் வீழ்த்தி வெற்றிக்கு முக்கிய பங்களித்தார். நான்காவது டெஸ்டிலும் அசத்துவார் என்பது அனைவரின் எண்ணம்.

2. கே.எல் ராகுல்

Leave a comment