சோயிப் அக்தரின் மிகப்பெரும் சாதனையை முறியடிக்க வாய்ப்புள்ள ஐந்து பந்துவீச்சாளர்கள் !! - Page 3 of 5

பாகிஸ்தான் அணியின் முன்னாள் வேகப்பந்து வீச்சாளர் சாகிப் அக்தர் கடந்த 18 வருடத்திற்கு முன் இங்கிலாந்து அணிக்கு எதிரான போட்டியில் செய்த சாதனையை இன்றுவரை எந்த ஒரு பந்து வீச்சாளர்களும் நெருங்க முடியவில்லை. 2003 ஆம் ஆண்டு நடைபெற்ற இங்கிலாந்து அணிக்கு எதிரான ஒருநாள் போட்டியில் 161.3km/hr வேகத்தில் பந்துவீசி ஷாகிப் அக்தர் வரலாற்று சாதனை படைத்தார், இந்த ஒரு சாதனையை முறியடிக்க வேண்டும் என்று அனைத்து வேகப்பந்து வீச்சாளர்களும் முயற்சி செய்து இன்றுவரை தோல்வியை மட்டுமே தழுவி வருகின்றனர். இருந்தபோதும் சமகால கிரிக்கெட் தொடரின் நட்சத்திர வேகப்பந்து வீச்சாளர்களாக கருதப்படும் இந்த ஐந்து வேகப்பந்து வீச்சாளர்கள் தான் சாகிப் அக்தரின் சாதனையை முறியடிக்க முடியும் என்று நம்பப்படுகிறது. அப்படிப்பட்ட 5 வேகப்பந்து வீச்சாளர்கள் பற்றி இங்கு காண்போம். ஜோஃப்ரா ஆர்ச்சர் இங்கிலாந்து அணியின் நட்சத்திர வேகப்பந்துவீச்சாளர் ஜோஃப்ரா ஆர்ச்சர் தனது அபாரமான வேகத்தின் மூலம் சமகால கிரிக்கெட் தொடரின் நட்சத்திர பேட்ஸ்மேனாக திகழும் அனைவரும் விக்கெட்டுகளையும் வீழ்த்தியுள்ளார். எந்த ஒரு சிரமமும் படாமல் 150 kmph வேகத்தில் பந்துவீச கூடிய திறமை படைத்த இவர்,அதிகபட்சமாக 153.62kmph வேகத்தில் பந்து வீசி அசத்தியுள்ளார். இவருக்கு பாகிஸ்தான் அணியின் ஜாம்பவான் சாகிப் அக்தரின் சாதனையை முறியடிக்கக் கூடிய திறமை இவரிடம் இருப்பதாக எதிர்பார்க்கப்படுகிறது. அன்றிச் நோர்ட்சே சவுத் ஆப்பிரிக்கா அணியின் நட்சத்திர வேகப்பந்துவீச்சாளர் அன்றிச் நோர்ட்சே பாகிஸ்தான் அணியின் ஜாம்பவான் சாகிப் அக்தரின் சாதனையை முறியடிக்கக் கூடிய திறமை படைத்த வேகப்பந்து வீச்சாளராக பார்க்கப்படுகிறார். தனது அபாரமான வேகத்தால் அசத்தி வரும் அன்றிச் கடந்த 2020 ஐபிஎல் தொடரில் 156.22kmph வேகத்தில் பந்து வீசி சாதனை படைத்துள்ளார், மேலும் சமீபத்தில் நடந்து முடிந்த 2021 உலக கோப்பை தொடரில் 153kmph வேகத்தில் பந்து வீசியுள்ளார் என்பது குறிப்பிடத்தக்கது. மார்க் வுட் இங்கிலாந்து அணியின் வேகப்பந்து வீச்சாளர் மார்க் வுட் கடந்த மார்ச் மாதம் நடைபெற்ற இந்திய அணிக்கு எதிரான டி20 போட்டியில் 155kmph வேகத்தில் பந்துவீசி அசத்தினார். மிக எளிதாக 150kmph வேகத்தில் பந்து வீச கூடிய திறமை படைத்தவர் சர்வதேச கிரிக்கெட் தொடரில் அதிவேகமான பந்துவீச்சு என்ற சாதனையை முறியடிக்கக் கூடிய திறமை படைத்த வீரராக திகழ்வார் என்று எதிர்பார்க்கப்படுகிறது. லக்கி ஃபெர்குசன் நியூசிலாந்து அணியின் நட்சத்திர வேகப்பந்துவீச்சாளர் லக்கி பெர்குசன் நடந்து முடிந்த 2021 ஐபிஎல் தொடரில் கொல்கத்தா நைட் ரைடர்ஸ் அணிக்காக விளையாடி 153.63kmph வேகத்தில் பந்து வீசி அசத்தினார். இவர் வருங்காலங்களில் கிரிக்கெட் வரலாற்றில் அதிவேக பந்துவீச்சாக கருதப்படுகிற சாகிப் அக்தரின் சாதனையை முறியடித்து காட்டுவார் என்று எதிர்பார்க்கப்படுகிறது. ஹாரிஸ் ரவூப் வேகப்பந்து வீச்சுக்கு பெயர்போன அணியாக திகழும் பாகிஸ்தான் அணியின் நட்சத்திர வேகப்பந்து வீச்சாளர் ஹாரிஸ் நடந்து முடிந்த 2021 உலக கோப்பை தொடரில் ஆப்கானிஸ்தான் அணிக்கு எதிரான போட்டியில் 153kmph வேகத்தில் பந்துவீசி அசத்தினார். ஹாரிஸ் ரவூப் பாகிஸ்தான் அணியின் ஜாம்பவான் சாகிப் அக்தரின் சாதனையை முறியடிக்கக் கூடிய திறமை படைத்த வேகப்பந்து வீச்சாளராக பார்க்கப்படுகிறார் என்பது குறிப்பிடத்தக்கது.

Leave a comment