உலகக்கோப்பையில் தொடர் நாயகன் விருதுக்கு போட்டிபோடும் 4 வீரர்கள்!!

உலகக்கோப்பை தொடரில் தொடர் நாயகன் விருதை தட்டிச்செல்ல தகுதியான 4 வீரர்கள் யார்? என்பதை இங்கு காண்போம். இங்கிலாந்து மற்றும் வேல்ஸ் நாடுகளில் நடைபெற்று வரும் உலகக்கோப்பை தொடர் மே மாதம் 30ம் தேதி தொடங்கி ஜூலை 14ஆம் தேதியுடன் முடிவடைய இருக்கிறது. மீதம் இறுதிப்போட்டி மட்டுமே உள்ளது. இத்தொடரில் மொத்தம் 10 அணிகள் பங்கேற்றன. ரவுண்ட் ராபின் முறையில் நடைபெற்ற லீக் சுற்றின் முடிவில் முதல் 4 இடங்களைப் பிடித்த இந்தியா, ஆஸ்திரேலியா, இங்கிலாந்து, நியூசிலாந்து அணிகள் அரை இறுதி சுற்றுக்கு முன்னேறின. முதல் அரை இறுதி போட்டியில் கோப்பையை வெல்லும் என எதிர்பார்க்கப்பட்ட நியூசிலாந்திடன் இந்தியா அதிர்ச்சி தோல்வி கண்டு ஏமாற்றத்துடன் வெளியேறியது. இங்கிலாந்து அணியுடன் 2வது அரை இறுதியில் நடப்பு சாம்பியன் ஆஸ்திரேலிய அணி 8 விக்கெட்டுகள் வித்தியாசத்தில் தோல்வியை தழுவி வெளியேறியது. இந்த நிலையில், புதிய சாம்பியன் யார் என்பதை தீர்மானிக்கும் பரபரப்பான பைனலில் இங்கிலாந்து - நியூசிலாந்து அணிகள் நாளை மோதவுள்ளன. இத்தொடரில் பேட்ஸ்மேன்கள் மற்றும் பந்துவீச்சாளர்கள் பலர் அபாரமாக செயல்பட்டு பல சாதனைகளை நிகழ்த்தினர். அதில் சிறப்பாக செயல்பட்டு தொடர் நாயகன் விருது பெற தகுதியான 4 வீரர்கள் பட்டியல் இதோ. 4. டேவிட் வார்னர் (ஆஸ்திரேலியா) Australia's David Warner celebrates after scoring a century (100 runs) during the 2019 Cricket World Cup group stage match between Australia and South Africa at Old Trafford in Manchester, northwest England, on July 6, 2019. (Photo by Paul ELLIS / AFP) / RESTRICTED TO EDITORIAL USE (Photo credit should read PAUL ELLIS/AFP/Getty Images) ஆஸ்திரேலிய அணியின் துவக்க வீரர் டேவிட் வார்னர் இந்த உலகக்கோப்பை தொடரில் 10 இன்னிங்ஸ் ஆடி 3 சதங்கள் மற்றும் 3 அரைசதங்கள் என மொத்தம் 647 ரன்கள் அடித்துள்ளார். ரோஹித் ஷர்மாவை விட 1 ரன் மட்டுமே குறைவாக இருந்தாலும் அவரை விட சதங்கள் குறைவு.3. மிச்சேல் ஸ்டார்க் (ஆஸ்திரேலியா) LONDON, ENGLAND - JUNE 15: Mitchell Starc of Australia (L) celebrates after taking the wicket of Kusal Mendis of Sri Lanka during the Group Stage match of the ICC Cricket World Cup 2019 between Sri Lanka and Australia at The Oval on June 15, 2019 in London, England. (Photo by Andy Kearns/Getty Images) இந்த உலகக்கோப்பை தொடரில் வேகப்பந்துவீச்சில் அசத்திய இடது கை பந்துவீச்சாளர் மிச்சேல் ஸ்டார்க் 10 போட்டிகளில் 27 விக்கெட்டுகளை வீழ்த்தியுள்ளார். இவரது சராசரி 18.59 மட்டுமே. ஒரு உலகக்கோப்பை தொடரில் அதிக விக்கெட்டுகள் வீழ்த்தியவர் என்ற சாதனையையும் படைத்தார்.2. ரோஹித் சர்மா (இந்தியா) இந்த உலகக்கோப்பை இந்திய துவக்க வீரருக்கு மிக சிறப்பாக அமைந்துள்ளது. ஆடிய 9 இன்னிங்ஸ்களில் 648 ரன்கள் குவித்து அதிக ரன் குவித்தவர்கள் பட்டியலில் முதல் இடத்தில் உள்ளார். இவர் இந்த உலகக்கோப்பையில் 5 சதங்கள் மற்றும் 1 அரைசதம் அடித்துள்ளார். ஒரு உலகக்கோப்பை தொடரில் அதிக சதங்கள் (5 சதங்கள்) மற்றும் உலகக்கோப்பை தொடர்களில் அதிக சதங்கள் (6 சதங்கள்) ஆகிய இரு சாதனைகளையும் படைத்துள்ளார்.1. சாகிப் அல் ஹசன் (வங்கதேசம்) வங்கதேச ஆல்ரவுண்டருக்கு இந்த உலககோப்பை ஒரு கனவு தொடராக அமைந்தது. முதல் முறையாக 3வது வீரராக களமிறங்கி பேட்டிங்கில் 8 இன்னிங்ஸ்களில் 606 ரன்கள் அடித்தார். இதில் 5 அரைசதங்கள் 2 சதங்கள் அடங்கும். அதேபோல பந்துவீச்சில் 8 இன்னிங்ஸ்களில் 10 விக்கெட்டுகளையும் வீழ்த்தியுள்ளார். பேட்டிங் பவுலிங் இரண்டிலும் அபாரமாக செயல்பட்ட இவருக்கே தொடர் நாயகன் விருது கிடைக்க அதிக வாய்ப்புகள் உள்ளது.

Leave a comment