நாங்க எப்பவும் இப்படி தான்… டெஸ்ட் போட்டிகளிலிலும் அதிரடியாக விளையாடி அசுர வேகத்தில் அரைசதம் அடித்த ஐந்து வீரர்கள் !!

டெஸ்ட் போட்டிகளில் அதி வேக அரைசதம் அடித்த 5 இந்திய வீரர்கள் பற்றி இங்கு காண்போம். டெஸ்ட் போட்டிகளில் அதிவேகமாக ரன்களை குவிப்பது என்பது மிகவும் கடினமான ஒன்று என்றே அனைவரும் கருதுகின்றனர், ஆனால் அதனையும் பொருட்படுத்தாமல் 5 இந்திய வீரர்கள் அதிவேகமாக அரைசதம் அடித்து அசத்தியுள்ளனர். அப்படிப்பட்ட 5 இந்திய வீரர்கள் பற்றி இங்கு காண்போம் 5,கபில்தேவ் 1982 ஆம் ஆண்டு இங்கிலாந்து அணிக்கு எதிராக நடைபெற்ற டெஸ்ட் போட்டியில் இந்திய அணியின் முன்னாள் கேப்டன் கபில்தேவ் வெறும் 33 பந்துகளில் 50 ரன்கள் அடித்து அசத்தினார். அவர் அந்த போட்டியில் மொத்தமாக 57 பந்துகளில் 89 ரன்கள் அடித்தார், அதில் மூன்று சிக்ஸர்களும் மூன்று பவுண்டரிகளும் அடங்கும், இருந்தபோதும் அந்த போட்டியில் இந்திய அணி இங்கிலாந்து அணியிடம் தோல்வி தழுவியது. இதன் மூலம் கபில்தேவ் அதிவேகமாக அரைசதம் அடித்த 5-வது இந்தியர் என்ற சாதனை படைத்துள்ளார். 4,விரேந்தர் சேவாக் 2008 ஆம் ஆண்டு சென்னையில் நடைபெற்ற இங்கிலாந்து அணிக்கு எதிரான டெஸ்ட் போட்டியில் இந்திய அணியின் முன்னாள் ஜாம்பவான் விரேந்தர் சேவாக் 32 பந்துகளில் அரைசதம் அடித்தார். துவக்கத்திலிருந்தே அதிரடியாக ஆடக்கூடிய திறமை படைத்த விரேந்தர் சேவாக் அந்த போட்டியில் மொத்தம் 68 பந்துகளில் 83 ரன்கள் அடித்து அசத்தினார். இவருடைய உதவியின் மூலமும் இந்திய அணியின் முன்னாள் ஜாம்பவான் சச்சின் டெண்டுல்கர் சதத்தின் மூலமும் இந்திய அணி அந்த போட்டியில் வெற்றி பெற்றது. ஷர்துல் தாகூர் தற்போதைய இந்திய அணியின் நட்சத்திர இளம் ஆல்ரவுண்டர் ஷர்துல் தாகூர் 2021 ஆம் ஆண்டு இங்கிலாந்து அணிக்கு எதிராக ஓவல் மைதானத்தில் நடைபெற்ற டெஸ்ட் போட்டியில் 31 பந்துகளில் தனது அரைசதத்தை பதிவு செய்தார். இந்த அரைசதத்தின் மூலம் இந்திய அணியின் நட்சத்திர ஆல்ரவுண்டர் ஷர்டுள் தகூர் டெஸ்ட் போட்டிகளில் அதிவேக அரைசதம் அடித்த மூன்றாவது இந்திய வீரர் என்ற சாதனை படைத்துள்ளார். கபில் தேவ் பலம் வாய்ந்த பாகிஸ்தான் அணிக்கு எதிரான டெஸ்ட் போட்டியில் இந்திய அணியின் முன்னாள் கேப்டன் கபில்தேவ் 30 பந்துகளில் அரைசதம் அடித்து, அதிவேக அரைசதம் அடித்த இரண்டாவது வீரர் என்ற சாதனை படைத்துள்ளார். இவருடைய அதிரடியான ஆட்டத்தின் மூலம் இந்திய அணி பாகிஸ்தான் அணியை 1-0 என வீழ்த்தி தொடரை கைப்பற்றியது. ரிஷப் பண்ட் சமீபத்தில் நடைபெற்றுக் கொண்டுள்ள இலங்கை அணிக்கு எதிரான டெஸ்ட் போட்டியில் இந்திய அணியின் அதிரடி வீரர் ரிஷப் பண்ட் எந்த ஒரு பயமும் இல்லாமல் அதிரடியாக செயல்பட்டு 28 பந்துகளில் தனது அரை சதத்தை பதிவு செய்தார். இதன்மூலம் ரிஷப் பண்ட் கபில்தேவின் சாதனையை முறியடித்து டெஸ்ட் போட்டிகளில் அதிவேக அரை சதம் அடித்த முதல் இந்திய வீரர் என்ற சாதனை படைத்துள்ளார்.

Leave a comment