அடக்கொடுமையே…. ஒரு உலகக்கோப்பை தொடரில் கூட விளையாடாமலே விடைபெற்ற ஐந்து முக்கிய வீரர்கள் !!

ஒவ்வொரு கிரிக்கெட் அணிக்கும் தங்களது நாட்டிற்காக ஒரு உலகக்கோப்பையாவது வென்றுவிட என்பது தான் அதிகபட்ச ஆசையாகவும், லட்சியமாகவும் இருக்கும். அதே போல் ஒவ்வொரு கிரிக்கெட் வீரருக்கும் தனது நாட்டிற்காக உலகக்கோப்பை தொடரில் விளையாட வேண்டும், அதில் சிறப்பாக விளையாடி உலகக்கோப்பையை வெல்வதில் தனது பங்கு மற்ற வீரர்களை விட அதிகமாக இருக்க வேண்டும் என்பதே மிகப்பெரும் லட்சியமாக இருக்கும். ஆனால், மிக சிறந்த கிரிக்கெட் வீரர்களாகவும், தங்களது அணிகளின் நம்பிக்கை நாயகனாக திகழ்ந்திருந்தாலும் ஒரு முறை கூட உலகக்கோப்பை கிரிக்கெட் தொடரில் விளையாடா வாய்ப்பே கிடைக்காத ஐந்து சிறந்த வீரர்கள் குறித்து இங்கு பார்ப்போம். 5; இஷாந்த் சர்மா; கடந்த 2007ம் ஆண்டு இந்திய அணியில் கால் பதித்த இஷாந்த் சர்மா, இன்றுவரை இந்திய டெஸ்ட் அணிக்காக விளையாடி வருகிறார். இதுவரை 100 டெஸ்ட் போட்டிகளுக்கு மேல் விளையாடியிருந்தாலும் இதுவரை ஒருமுறை கூட உலகக்கோப்பை கிரிக்கெட் தொடரில் விளையாடும் வாய்ப்பு இஷாந்த் சர்மாவிற்கு கிடைக்கவில்லை. இஷாந்த் சர்மா இந்திய அணிக்கு அறிமுகமானதில் இருந்து இதுவரை 4 உலகக்கோப்பை கிரிக்கெட் தொடர்கள் நடைபெற்றுவிட்ட போதிலும் இஷாந்த் சர்மாவிற்கான வாய்ப்பு ஒருமுறை கூட கிடைவில்லை. சமீபத்தில் நடைபெற்ற உலக டெஸ்ட் சாம்பியன்சிப் இறுதி போட்டியில் விளையாடியதே இஷாந்த் சர்மா விளையாடிய மிகப்பெரும் போட்டியும். இஷாந்த் சர்மா இன்னும் ஓய்வை அறிவிக்கவில்லை எனபது குறிப்பிடத்தக்கது. 4; புஜாரா; ராகுல் டிராவிட்டிற்கு அடுத்தபடியாக இந்திய அணியின் தடுப்பு சுவர் என அழைக்கப்படும் சட்டீஸ்வர் புஜாராவும் இதுவரை ஒரு முறை கூட உலகக்கோப்பை கிரிக்கெட் தொடரில் விளையாடவில்லை. கடந்த 2010ம் ஆண்டு இந்திய அணியில் கால் பதித்த புஜாரா மொத்தமே இதுவரை 5 ஒருநாள் போட்டிகளில் மட்டுமே விளையாடியுள்ளார். 3- ஜஸ்டின் லங்கர்; ஆஸ்திரேலிய கிரிக்கெட் வரலாற்றில் அழிக்க முடியாத நாயகர்களில் ஒருவரான ஜஸ்டின் லங்கருக்கும் ஒரு முறை கூட உலகக்கோப்பை கிரிக்கெட் தொடரில் விளையாடும் வாய்ப்பு கிடைக்கவே இல்லை. உலகக்கோப்பை கிரிக்கெட் தொடரில் விளையாடும் வாய்ப்பே கிடைக்காமல் ஓய்வும் பெற்ற ஜஸ்டின் லங்கர் தற்போது ஆஸ்திரேலிய அணியின் பயிற்சியாளராக செயல்பட்டு வருகிறார். 2 - அலெய்ஸ்டர் குக்; பலருக்கும் இந்த தகவல் ஆச்சரியமாக இருக்கலாம். தனது முதல் போட்டியிலேயே சதம் அடித்து கிரிக்கெட் உலகிற்கு தன்னை அறிமுகப்படுத்திய இங்கிலாந்து அணியின் அலெய்ஸ்டர் குக்கும் இதுவரை ஒருமுறை கூட உலகக்கோப்பை கிரிக்கெட் தொடரில் விளையாடவில்லை. அலெய்ஸ்டர் குக் 92 ஒருநாள் போட்டிகளில் விளையாடி அதில் 3204 ரன்கள் குவித்துள்ளார். இங்கிலாந்து அணியின் கேப்டனாகவும் செயல்பட்ட அலெய்ஸ்டர் குக் 2015ம் ஆண்டு உலகக்கோப்பைக்கு முன்னதாக திடீரென அணியில் இருந்து முழுவதுமாக புறக்கணிக்கப்பட்டது குறிப்பிடத்தக்கது. 1- விவிஎஸ் லக்ஷ்மண்; சச்சின் டெண்டுல்கர், ராகுல் டிராவிட், கங்குலி, சேவாக் ஆகியோருக்கு இணையாக இந்திய அணியின் மிக முக்கிய வீரர்களில் ஒருவராக திகழ்ந்த லக்ஷ்மணும் ஒரு முறை கூட உலகக்கோப்பை கிரிக்கெட் தொடரில் விளையாடவில்லை. மொத்தம் 86 ஒருநாள் போட்டிகளில் விளையாடிய விவிஎஸ் லக்ஷ்மண் அதில் 2300 ரன்களுக்கு மேல் குவித்த போதிலும் இந்திய ஒருநாள் அணியில் அவருக்கான அங்கீகாரம் கிடைக்கவில்லை என்பது வேதனையான விசயம் தான். Indian cricketer V.V.S. Laxman raises his bat after his double century during the second day of the third Test match between India and Australia at Feroj Shah Kotla stadium in New Delhi on October 30, 2008. India declared their first innings at a score of 613 runs at a loss of seven wickets. AFP PHOTO /Prakash SINGH (Photo by PRAKASH SINGH / AFP)

Leave a comment