டி.20 தரவரிசையில் ஒத்த ஆளாக கெத்து காட்டும் பும்ராஹ்
துபாய் : ஆண்களுக்கான டி20 கிரிக்கெட் டாப் 10 தரவரிசையில் இந்தியாவின் பும்ராஹ் மட்டும் வேகப்பந்துவீச்சாளராக இடம்பிடித்துள்ளார்.
இந்திய அணியின் யாக்கர் மன்னனாக பும்ரா உள்ளார். கடைசி நேரத்தில் ரன்களை கட்டுப்படுத்தி பவுலிங் செய்ய இந்திய கிரிக்கெட் கேப்டன் விராட் கோலியின் பிடித்த வீரராக இருப்பவர் பும்ரா.
2013ல் ஐபிஎல் போட்டியில் பும்ரா அறிமுகமானது முதல், அவரின் துடிப்பான, துல்லியமான, வேகமான பவுலிங்கால் எதிரணி பேட்ஸ்மேன்களை கஷ்டப்படுத்தக்கூடிய வீரராக திகழ்கிறார்.
ஒரு நாள் கிரிக்கெட் போட்டியில் பும்ரா நம்பர் 1 வீரராக திகழ்கிறார். அதே சமயம் டி20 கிரிக்கெட் போட்டிக்கான தரவரிசையில் பும்ரா 10வது இடத்தில் உள்ளார்.
10வது வீரர் தானே என நினைக்க வேண்டாம். டி20 பவுலர்களுக்கான தரவரிசையில் முதல் 9 இடங்களில் சுழல் பந்து வீச்சாளர்கள் தான் இடம்பிடித்துள்ளனர். ரசித் கான் முதலிடத்திலும், இந்தியாவின் சஹால் 3வது இடத்தில் என வரிசையாக சுழல்பந்து வீரர்கள் தான் இடம்பிடித்துள்ளனர்.
வேகப்பந்து வீரராக வேங்கையன் மகன் ஒத்தையா பும்ரா ஒருவர் தான் டாப் 10 இடங்களில் இடம்பிடித்துள்ளார்.