உலகக்கோப்பை கிரிக்கெட் தொடரில் இருந்து முழுமையாக விலகினார் ரசல்
முழுங்காலில் ஏற்பட்ட காயத்தின் காரணமாக விண்டீஸ் அணியின் முக்கிய வீரரான ஆண்ட்ரியூ ரசல் உலகக்கோப்பை கிரிக்கெட் தொடரில் இருந்து விலகியுள்ளார்.
உலகக்கோப்பை கிரிக்கெட் தொடர் இங்கிலாந்தில் நடைபெற்று வருகிறது. இந்த தொடரில் பங்கேற்றுள்ள அணிகளுள் மிகப்பெரும் பலம் பொருந்திய அணியாக பார்க்கப்பட்ட விண்டீஸ் அணி இதுவரை விளையாடிய 6 போட்டிகளில் வெறும் ஒரு போட்டியில் மட்டுமே வெற்றி பெற்றுள்ளது.
நியூசிலாந்து அணியுடனான கடந்த போட்டியில் நூழிலையில் விண்டீஸ் அணி வெற்றியை தவறவிட்டதால் ஏற்பட்ட தாக்கத்தில் இருந்தே விண்டீஸ் ரசிகர்கள் இன்னும் முழுமையாக வெளியே வராத நிலையில், தற்பொழுது விண்டீஸ் ரசிகர்களுக்கு அதிர்ச்சியளிக்கும் வகையில் மேலும் ஒரு செய்தி வெளியாகியுள்ளது.
ஆம்., முழுங்காலில் ஏற்பட்ட காயத்தின் காரணமாக அவதிப்பட்டு வந்த விண்டீஸ் அணியின் முன்னணி ஆல் ரவுண்டரான ஆண்ட்ரியூ ரசல் காயத்தில் இருந்து முழுமையாக குணமடைய மேலும் சில நாட்கள் என்று மருத்துவர்கள் அறிவுறுத்தி உள்ளதால் நடப்பு உலகக்கோப்பை கிரிக்கெட் தொடரில் இருந்து ஆண்ட்ரியூ ரசல் முழுமையாக விலகியுள்ளதாக விண்டீஸ் கிரிக்கெட் வாரியம் அறிவித்துள்ளது.
மேலும் அவருக்கு பதிலாக எஞ்சியுள்ள போட்டிகளில் சுனில் ஆம்ப்ரிஸ் விளையாடுவார் என்றும் விண்டீஸ் கிரிக்கெட் வாரியம் அறிவித்துள்ளது.
விண்டீஸ் அணியின் முக்கிய வீரர்களில் ஒருவரான ஆண்ட்ரியூ ரசல் விலகியுள்ளது விண்டீஸ் அணிக்கு மிகப்பெரும் பின்னடைவாக பார்க்கப்பட்டாலும், இனி அவர் இருந்தாலும் விண்டீஸ் அணியால் அரை இறுதிக்கு கூட தகுதி பெற முடியாது என்பதே விண்டீஸ் ரசிகர்களுக்கு ஆறுதலான ஒரு விசயம்.
ஆண்ட்ரியூ ரசலுக்கு பதிலாக அணியில் இடம்பிடித்துள்ள சுனில் ஆம்ப்ரீஸ் கடந்த 2017ம் ஆண்டு நடைபெற்ற இங்கிலாந்து அணிக்கு எதிரான தொடரின் மூலம் விண்டீஸ் அணிக்கு அறிமுகாமானவர் என்பது குறிப்பிடத்தக்கது.