ஆசிய கோப்பை இறுதி போட்டி; இந்திய அணியின் உத்தேச ஆடும் லெவன் !!

ஆசிய கோப்பை இறுதி போட்டி; இந்திய அணியின் உத்தேச ஆடும் லெவன் ஆசிய கணடத்தின் கிரிக்கெட் வல்லரசை தீர்மானிக்கும் ஆசிய கோப்பை கிரிக்கெட் தொடர் துபாயில் நடைபெற்று வருகிறது. இந்த தொடரின் லீக் சுற்றுகள் முடிவில் இந்திய அணியும், வங்கதேச அணியும் இறுதி போட்டிக்கு தகுதி பெற்றுள்ளன. இரு அணிகள் இடையேயான இறுதி போட்டி நாளை மாலை நடைபெற உள்ளது. இந்நிலையில் இந்த போட்டிக்கான இந்திய அணியின் உத்தேச ஆடும் லெவனை இங்கு பார்ப்போம். இங்கிலாந்து அணியுடனான டெஸ்ட் தொடரில் கடுமையாக சொதப்பிய ஷிகர் தவான், இந்த தொடரின் துவக்கத்தில் இருந்தே தொடர்ந்து சிறப்பாக விளையாடி வருகிறார். ஷிகர் தவானின் பொறுப்பான ஆட்டம் இறுதி போட்டியிலும் தொடரும் என்பதில் சந்தேகம் இல்லை ரோஹித் சர்மா; ஆசிய கோப்பை இந்திய அணியை வழிநடத்தி வரும் ரோஹித் சர்மா இந்திய அணியை வெற்றி பாதையில் கம்பீரமாக வழிநடத்தி செல்வதோடு தனது ஆட்டத்திலும் கவனம் செலுத்தி பல்வேறு சாதனைகளை இந்த தொடரில் நிகழ்த்தியுள்ளார். ரோஹித் சர்மாவின் சிறப்பான ஆட்டம் இந்த போட்டியிலும் தொடரும் பட்சத்தில் அது வங்கதேச அணிக்கு கடும் நெருக்கடியை கொடுக்கும். அம்பத்தி ராயூடு; நீண்ட இடைவேளைக்கு பிறகு இந்திய அணியில் மீண்டும் இடம்பிடித்துள்ள அம்பத்தி ராயூடு இந்த தொடரின் அனைத்து போட்டியிலும் குறை சொல்ல முடியாத அளவிற்கு சிறப்பாக விளையாடி அசத்தி வருகிறார். தினேஷ் கார்த்திக்; தினேஷ் கார்த்திக்கும் இந்த தொடரின் துவக்கத்தில் இருந்தே சிறப்பாக விளையாடி வருகிறார். கடந்த சில மாதங்களுக்கு முன்பு இலங்கையில் நடைபெற்ற முத்தரப்பு தொடரின் இறுதி போட்டியில் வங்கதேச அணியை வதம் செய்த தினேஷ் கார்த்திக்கை நீக்க இந்திய அணி யோசிக்காது. தோனி; மற்ற வீரர்கள் சொதப்பினாலும் இறுதி போட்டியில் தோனி தனது சிறப்பான ஆட்டத்தை வெளிப்படுத்தி, தனது பினிசிங் ஷாட்டான ஹெலிகாப்டர் ஷாட் அடித்து இந்திய அணிக்கு வெற்றியை பெற்று கொடுக்க வேண்டும் என்பதே அனைவரின் எதிர்பார்ப்பு. கேதர் ஜாதவ்; தொடர்ந்து சிறப்பாக விளையாடி வரும் கேதர் ஜாதவ் இறுதி போட்டியிலும் வங்கதேச அணிக்கு சவாலாக இருப்பார் என்பதில் சந்தேகம் இல்லை. ஜடேஜா; நீண்ட இடைவேளைக்கு பிறகு இந்திய அணியில் மீண்டும் ரீ எண்ட்ரீ கொடுத்துள்ள ஜடேஜா இறுதி போட்டியிலும் சிறப்பாக விளையாடும் பட்சத்தில் இந்திய அணியில் அவருக்கான நிரந்தர இடம் கிடைக்கவும் வாய்ப்புள்ளது. குல்தீப் யாதவ்; சுழற்பந்து வீச்சாளரான குல்தீப் யாதவ் தனது பங்களிப்பை சரியாக செய்யும் பட்சத்தில் அது இந்திய அணிக்கு கூடுதல் பலமே. சாஹல்; (Photo Source: AFP) சாஹல் இறுதி போட்டியில் சிறப்பாக செயல்பட வேண்டும் என்பதே அனைவரின் எதிர்பார்ப்பு. பும்ராஹ்; இந்த தொடரில் மட்டுமல்லாமல் சமீப காலமாக தொடர்ந்து சிறப்பாக விளையாடி வரும் பும்ராஹ் இறுதி போட்டியிலும் வங்கதேச அணிக்கு தொல்லை கொடுப்பார் என்பதில் சந்தேகம் இல்லை. புவனேஷ்வர் குமார்; பும்ராஹ்வுடன் இணைந்து புவனேஷ்வர் குமாரும் இந்திய அணிக்கான தனது பங்களிப்பை சரியாக செய்யும் பட்சத்தில் அது இந்திய அணிக்கு கூடுதல் பலமே.

Leave a comment