ஹாங்காங்கிற்கு எதிரான இந்திய அணியின் உத்தேச ஆடும் லெவன் !!

ஹாங்காங்கிற்கு எதிரான இந்திய அணியின் உத்தேச ஆடும் லெவன் ஆசிய கோப்பை கிரிக்கெட் தொடர் துபாயில் கடந்த இரு தினங்களுக்கு முன்பு துவங்கியது. இந்த தொடரின் முதல் போட்டியில் வங்கதேசமும், இரண்டாவது போட்டியிலும் பாகிஸ்தானும் வெற்றி பெற்றுள்ள நிலையில், இன்றைய போட்டியில் ஆஃப்கானிஸ்தான் அணியும் இலங்கை அணியும் பலப்பரீட்சை செய்ய உள்ளன. நாளை நடைபெறும் போட்டியில் இந்திய அணி ஹாங்காங் அணியை எதிர்கொள்ள உள்ளது. இந்நிலையில் இந்த போட்டிக்கான இந்திய அணியின் உத்தேச ஆடும் லெவன் குறித்து இங்கு பார்ப்போம். ஷிகர் தவான்; இங்கிலாந்து அணியுடனான டெஸ்ட் தொடரில் ஷிகர் தவான் கடுமையாக சொதப்பியிருந்தாலும், ஆசிய கோப்பையில் அவருக்கான வாய்ப்பு மறுக்கப்படாது என்று தெரிகிறது. ரோஹித் சர்மா; கோஹ்லிக்கு ஓய்வு அளிக்கப்பட்டுள்ளதால் கேப்டன் பதவியேற்றிருக்கும் ரோஹித் சர்மா தனது பொறுப்பை உணர்ந்து விளையாட வேண்டும் என்பதே அனைவரின் எதிர்பார்ப்பு. Cricket - India v Australia - Third One Day International Match - Indore, India – September 24, 2017 – India's Rohit Sharma plays a shot. REUTERS/Adnan Abidi கே.எல் ராகுல்; கோஹ்லிக்கு ஓய்வு வழங்கப்பட்டுள்ளதால் அவர் இறங்க வேண்டிய ஒட் டவுன் இடத்தில் கே.எல் ராகுல் களமிறக்கப்படுவார் என்று தெரிகிறது. தினேஷ் கார்த்திக்; (Photo Source: AP Photos) இங்கிலாந்து அணியுடனான தொடரில் ஒரு போட்டியில் கூட சொல்லிக்கொள்ளும் அளவிற்கு விளையாடாத தினேஷ் கார்த்திக், ஆசிய தொடரில் தனக்கு கிடைத்திருக்கும் வாய்ப்பை பயன்படுத்தி கொள்ள தவறும் பட்சத்தில் இந்திய அணியில் இவருக்கான இடம் கேள்விக்குறியே. கேதர் ஜாதவ்; காயம் காரணமாக ஏறத்தாழ நான்கு மாதத்திற்கும் மேலாக ஓய்வில் இருந்து வந்த கேதர் ஜாதவ், காயத்தில் இருந்து மீண்டு வந்து மீண்டும் அணியில் இடம்பிடித்துள்ளார். இந்த தொடரை பயன்படுத்தி கொண்டு கேதர் ஜாதவ் தனக்கான இடத்தை பிடித்து கொள்ள வேண்டும் என்பதே அனைவரின் எதிர்பார்ப்பு. தோனி; இங்கிலாந்து அணியுடனான ஒருநாள் தொடரின் மூலம் கடும் விமர்ச்சனங்களை எதிர்கொண்ட தோனி இந்த தொடரில் தனது அதிரடி ஆட்டத்திற்கு திரும்ப வேண்டும் என்பதே அனைவரின் விருப்பம். ஹர்திக் பாண்டியா; இங்கிலாந்து அணியுடனான தொடரில் கடுமையாக சொதப்பிய ஹர்திக் பாண்டியா இந்த தொடரில் தனது பார்மிற்கு திரும்ப வேண்டும். அக்ஷர் பட்டேல்; நீண்ட் இடைவேளைக்கு பிறகு அக்ஷர் பட்டேல் மீண்டும் இந்திய அணியில் இடம்பிடிப்பார் என்று தெரிகிறது. யுஸ்வேந்திர சாஹல்; (Photo Source: AFP) சுழற்பந்து வீச்சாளரான யுஸ்வேந்திர சாஹல் மீது அதிக எதிர்பார்ப்புகள் உள்ளது. ஷர்துல் தாகூர்; கத்துக்குட்டி அணியான ஹாங்காங் அணியுடனான போட்டியில் சீனியர் வேகப்பந்து வீச்சாளரான பும்ராஹ் மற்றும் புவனேஷ்வர் குமார் மற்றும் பும்ராஹ்விற்கு ஓய்வு வழங்கப்பட்டு அவர்களுக்கு பதிலாக ஷர்துல் தாகூர் மற்றும் கலில் அஹமதிற்கு வாய்ப்பு வழங்கப்படலாம் என்று தெரிகிறது. கலில் அஹமது; அறிமுக வீரரான இவருக்கு நாளை வாய்ப்பு வழங்கப்படும் என்று தெரிகிறது. இந்திய அணியில் தனக்கு கிடைத்திருக்கும் இந்த வாய்ப்பை கலில் அஹமது சரியாக பயன்படுத்தி கொள்ள வேண்டும்.

Leave a comment