ஆசிய கோப்பை 2018; இந்திய வீரர்களுக்கான ரேட்டிங் !! - Page 3 of 16

ஆசிய கோப்பை 2018; இந்திய வீரர்களுக்கான ரேட்டிங் ஆசிய கண்டத்தின் கிரிக்கெட் வல்லரசை தீர்மானிக்கும் ஆசிய கோப்பை கிரிக்கெட் தொடர் ஐக்கிய அரபு எமிரேட்சில் நடைபெற்றது. இந்த தொடரின் இறுதி போட்டியில் வங்கதேசத்தை எதிர்கொண்ட ரோஹித் சர்மா தலைமையிலான இந்திய அணி, வங்கதேச அணியை கடைசி பந்தில் வீழ்த்தி 3 விக்கெட் வித்தியாசத்தில் வெற்றி பெற்று, 7வது முறையாக சாம்பியன் பட்டத்தை கைப்பற்றியது. இந்நிலையில் இந்த தொடரில் பங்கேற்ற இந்திய வீரர்களின் செயல்பாடுகள் எப்படி..? அவர்களுக்கான ரேட்டிங் என்ன என்பது குறித்து இங்கு பார்ப்போம். ஷிகர் தவான் – 7/10 இந்திய அணியின் துவக்க வீரரான ஷிகர் தவான் இறுதி போட்டியில் சொதப்பியிருந்தாலும் மற்ற போட்டிகளில் சிறப்பாகவே விளையாடினார். இதன் காரணமாகவே இவருக்கு தொடர் நாயகன் விருதும் வழங்கப்பட்டது. ரோஹித் சர்மா 8/10 கேப்டன் என்ற வகையில் இந்திய அணியை சரியாக வழிநடத்தி சாம்பியன் பட்டத்தை வென்று கொடுத்த ரோஹித் சர்மா, இந்த தொடரில் தனது தனிப்பட்ட ஆட்டத்திலும் அதிக கவனம் செலுத்தி சிறப்பாக விளையாடினார் என்பதில் மாற்று கருத்து இல்லை. அம்பத்தி ராயூடு -6/10 நீண்ட இடைவேளைக்கு பிறகு இந்திய அணியில் மீண்டும் இடம்பிடித்துள்ள அம்பத்தி ராயூடு இறுதி போட்டியில் 2 ரன்களில் விக்கெட்டை இழந்து ஏமாற்றினாலும் மற்ற போட்டிகளில் சிறப்பாகவே விளையாடினார். தினேஷ் கார்த்திக் 5/10 தினேஷ் கார்த்திக்கும் இந்த தொடரில் சிறப்பாகவே விளையாடினார் என்பதில் சந்தேகம் இல்லை. (Photo Source: IANS) தோனி 5/10 இந்திய அணியின் முன்னாள் கேப்டனான தோனி, இந்திய அணிக்கான தனது பங்களிப்பை ஓரளவிற்கு இந்த தொடரில் செய்து கொடுத்திருந்தாலும் தோனி தனது பழைய அதிரடி ஃபார்மிற்கு திரும்ப வேண்டும் என்பதே ஒட்டுமொத்த கிரிக்கெட் ரசிகர்களின் எதிர்பார்ப்பாக உள்ளது. கேதர் ஜாதவ் 6/10 (Photo Source: AP Photos) ஆல் ரவுண்டரான கேதர் ஜாதவ் இந்த தொடரின் ஒவ்வொரு போட்டியிலும் தனது பங்களிப்பை இந்திய அணிக்கு மிகச்சரியாகவே செய்து கொடுத்தார். ரவீந்திர ஜடேஜா; 5/10 ஹர்திக் பாண்டியா காயம் காரணமாக விலகியதால் அவருக்கு பதிலாக அணியில் சேர்க்கப்பட்ட ஜடேஜா தனது பங்களிப்பை சரியாகவே செய்து கொடுத்தார். குல்தீப் யாதவ் 6/10 சைனாமேன் பந்துவீச்சாளரான குல்தீப் யாதவ் ஒவ்வொரு போட்டியிலும் எதிரணிகளை கடும் நெருக்கடியை கொடுத்தார். சாஹல் ; 5/10 இந்திய அணியின் மற்றொரு சுழற்பந்து வீச்சாளரான யுஸ்வேந்திர சாஹலும் இந்திய அணிக்கான தனது பங்களிப்பை ஓரளவிற்கு சரியாகவே செய்து கொடுத்தார். புவனேஷ்வர் குமார் – 7/10 புவனேஷ்வர் குமார் பந்துவீச்சில் சிறப்பாக செயல்பட்டது மட்டுமல்லாமல் இறுதி போட்டியில் அவரது பொறுப்பான பேட்டிங் இவரும் இந்திய அணியில் ஆல் ரவுண்டரோ என்று நினைக்கும் அளவிற்கு சிறப்பாக இருந்தது. இந்திய அணி கோப்பையை வெல்ல புவனேஷ்வர் குமாரும் ஒரு காரணம். ஜஸ்பிரிட் பும்ராஹ் – 7/10 இந்திய அணியின் நம்பிக்கை நாயகனாக உருவெடுத்து வரும் வேகப்பந்து வீச்சாளர் பும்ராஹ்வும் தனது பங்களிப்பை சரியாகவே செய்து கொடுத்தார். கே.எல் ராகுல் – 9/10 குட்டி கோஹ்லி என்று அழைக்கப்படும் கே.எல் ராகுலிற்கு இந்த தொடரில் போதிய வாய்ப்பு வழங்கப்படவில்லை. ஒரே ஒரு போட்டியில் மட்டுமே விளையாடும் வாய்ப்பை பெற்ற ராகுல் அந்த போட்டியிலும் சதம் அடித்து மாஸ் காட்டினார். மணிஷ் பாண்டே – 3/10 மணிஷ் பாண்டேவிற்கு இந்த தொடரில் வாய்ப்புகள் வழங்கப்படவில்லை. கலீல் அஹமது – 4/10 இந்த தொடரின் மூலம் இந்திய அணிக்கு அறிமுகமான இளம் வீரர் கலீல் அஹமதிற்கு இந்த தொடரில் போதிய வாய்ப்பு வழங்கப்படவில்லை. தீபக் சாஹர் – 3/10 இளம் வேகப்பந்து வீச்சாளரான தீபக் சாஹருக்கு ஒரு போட்டியில் மட்டுமே விளையாடும் வாய்ப்பு கிடைத்தது. சித்தார்த் கவூல் -2/10 இளம் வேகப்பந்து வீச்சாளரான சித்தார்த் கவூலிற்கும் ஒரு போட்டியில் மட்டுமெ விளையாடும் வாய்ப்பு கிடைத்தது.

Leave a comment