எல்லாத்துக்கும் நீங்க தாண்டா காரணம்… ஆசிய கோப்பை தொடரில் மிக மோசமாக விளையாடிய ஐந்து வீரர்கள் !!

ஆசியக் கோப்பை தொடரில் மோசமாக செயல்பட்ட ஐந்து நட்சத்திர வீரர்கள் குறித்து இங்கு காண்போம். நடைபெற்று முடிந்த ஆசிய கோப்பையில் யாரும் எதிர்பாராத வண்ணம் இலங்கை அணி கோப்பையை கைப்பற்றி சாதனை படைத்தது, இந்த தொடரில் எதிர்பார்த்த அணியும் இறுதி சுற்றுக்கு வரவில்லை எதிர்பார்த்த வீரர்களும் சிறப்பாக செயல்படவில்லை என்று சொல்லும் அளவிற்கு இந்த தொடர் வித்தியாசமான தொடராகவே இருந்துள்ளது. அந்த வகையில் இந்தத் தொடரில் பெரிதும் எதிர்பார்க்கப்பட்ட 5 நட்சத்திர வீரர்கள் மோசமான ஆட்டத்தை வெளிப்படுத்தி ரசிகர்களுக்கு ஏமாற்றத்தை கொடுத்துள்ளனர். அப்படிப்பட்ட ஐந்து வீரர்கள் பற்றி இங்கு காண்போம். பாபர் அசாம். தலைசிறந்த டி20 பேட்ஸ்மேன் என்ற பெயர் பெற்ற பாகிஸ்தான் அணியின் கேப்டன் பாபர் அசாம் நடைபெற்று முடிந்த ஆசிய கோப்பையில் ஒரு போட்டியில் கூட சொல்லிக் கொள்ளும் அளவிற்கு சிறப்பாக செயல்படவில்லை. இலங்கை அணிக்கு எதிரான இறுதிப் போட்டியிலும் இவர் சிறப்பாக செயல்படாததன் காரணமாகத்தான் பாகிஸ்தான் அணி தோல்வியை தழுவியது என்றே கூறலாம்.அந்த அளவிற்கு இவர் இந்த தொடரில் மோசமான ஆட்டத்தை வெளிப்படுத்தினார். கே எல் ராகுல். காயம், கொரோனா தொற்று என நீண்ட இடைவெளிக்கு பின்பு ஆசிய கோப்பை தொடருக்கான இந்திய அணியில் இடம் பெற்ற கே எல் ராகுல் முன்பு போல் சிறப்பான ஆட்டத்தை வெளிப்படுத்த முடியவில்லை. இவரை ஏன் இந்திய அணி, இன்னும் வைத்திருக்கிறது என்று கேட்கும் அளவிற்கு இவருடைய ஆட்டம் மிக மோசமாக இருந்தது, இதுமட்டுமில்லாமல் இவர் உலகக்கோப்பை தொடருக்கான இந்திய அணியிலும் இடம் பெற்றுள்ளார் என்பது குறிப்பிடத்தக்கது. ரிஷப் பண்ட். தேவையில்லாத ஷார்ட் அடித்து விக்கெட்டை இழக்கும் வழக்கமுடைய ரிஷப்பன்ட் நடைபெற்று முடிந்த ஆசிய கோப்பையிலும் அதே தவறை செய்து இந்திய கிரிக்கெட் வட்டத்தில் கடுமையான விமர்சனத்திற்கு உள்ளாகியுள்ளார். இப்படியே இவர் விளையாடும் பட்சத்தில் இவருடைய கிரிக்கெட் கரியர் முடிவுக்கு வந்துவிடும் என்று பெரும்பாலான கிரிக்கெட் வல்லுனர்கள் மற்றும் முன்னாள் வீரர்கள் இவரை எச்சரித்து வருகின்றனர். ஆவேஷ் கான். நடைபெற்று முடிந்த ஐபிஎல் தொடரில் சிறப்பான ஆட்டத்தை வெளிப்படுத்தியதன் மூலம் இந்திய அணியில் இடம் பிடித்த ஆவேஷ் கானுக்கு ஆசிய கோப்பையில் விளையாடும் வாய்ப்பு கிடைத்தது. ஆனால் இவர் இந்த தொடரில் பந்துவீச்சில் அரை சதம் அடித்து தனக்கான இடத்தை தானே கெடுத்துக் கொண்டார் என்பது குறிப்பிடத்தக்கது. ஷகீப் அல் ஹசன். பங்களாதேஷ் கிரிக்கெட்டின் நட்சத்திர வீரராக வலம் வரும் ஷகீப் அல் ஹசன் பேட்டிங் மற்றும் பந்துவீச்சு என இரண்டிலும் சிறப்பாக செயல்பட்டு பங்களாதேஷ் அணிக்காக பல வெற்றிகளை பெற்றுக் கொடுத்துள்ளார். ஆசிய கோப்பையிலும் இவர் பங்களாதேஷ் அணிக்காக சிறப்பான ஆட்டத்தை வெளிப்படுத்துவார் என்று எதிர்பார்த்த நிலையில், பேட்டிங் மற்றும் பந்துவீச்சு என இரண்டிலுமே மோசமான ஆட்டத்தை வெளிப்படுத்தி ரசிகர்களுக்கு ஏமாற்றத்தை அளித்தார் என்பது குறிப்பிடத்தக்கது.

Leave a comment