ஒவ்வொரு ரன்னையும் உழைத்து எடுத்து புதிய சாதனை படைத்த வங்கதேசம்
இலங்கைக்கு எதிரான முதல் டெஸ்ட் போட்டியில் முதல் இன்னிங்ஸில் பைஸ், லெக் பைஸ் இல்லாமல் வங்கதேச அணி 513 ரன்களை குவித்துள்ளது.
வங்கதேசம், ஜிம்பாப்வே அணிகளுடன் முத்தரப்பு கிரிக்கெட் தொடரில் விளையாடிய இலங்கை அணி, தற்போது வங்கதேசத்தில் அந்த அணிக்கு எதிராக இரண்டு டெஸ்ட், இரண்டு டி20 போட்டிகளில் விளையாடி வருகின்றது.
இத்தொடரின் முதல் டெஸ்ட்டின், முதல் இன்னிங்ஸில் வங்கதேச அணி 513 ரன்கள் குவித்து சாதனை படைத்துள்ளது.
டாஸ் வென்று பேட்டிங் செய்த வங்கதேசம் அணி முதல் இன்னிங்ஸில் மொனிமல் ஹக்யு 176, மொகமுதுல்ல 83, தமிம் இக்பால் 52 ரன்கள் குவிக்க 10 விக்கெட்டுக்கு 513 ரன்கள் குவித்தது.
வங்கதேச அணி ஒரு பைஸ், லெக் பைஸ் எதுவும் இல்லாமல் இவ்வளவு ரன்கள் குவிப்பது இதுவே முதல் முறையாகும். இதற்கு முன்னர் ஆஸ்திரேலியா அணி தென் ஆப்ரிக்காவுக்கு எதிராக 2014ல் நடந்த டெஸ்டில் பைஸ்,லெக் பைஸ் என் எக்ஸ்ட்ரா ரன்கள் இல்லாமல் 494 ரன்களை குவித்து இருநதது.
மேலும் வங்கதேச அணி டெஸ்ட் அரங்கில் பதிவு செய்த இந்த ஸ்கோர் 5 இடத்தைப் பிடித்துள்ளது.