மோடிக்கு எதிராக ட்வீட் போட்ட மருத்துவர்; சஸ்பெண்ட செய்தது சென்னை சூப்பர் கிங்ஸ்
பிரதமர் மோடியை கிண்டலடிக்கும் வகையில் ட்வீட் போட்ட அணி மருத்துவரை, சென்னை சூப்பர் கிங்ஸ் அணி சஸ்பெண்ட் செய்துள்ளது.
சிஎஸ்கே அணியின் மருத்துவர் மது. இவர் லடாக் பகுதியில் இந்தியா, சீனா ராணுவ வீரர்கள் இடையேயான மோதல் குறித்து மட்டமான ட்வீட் ஒன்றை பதிவிட்டார். இதையடுத்து சிஎஸ்கே அணி நிர்வாகம் அவரை சஸ்பெண்ட் செய்துள்ளது. இதற்கிடையில் சிஎஸ்கே அணியின் கேப்டன் தோனி, ராணுவத்தில் கவுரவ பதவியில் உள்ளார்.
மருத்துவர் மதுவை சஸ்பெண்ட் செய்துள்ள விஷயத்தை சிஎஸ்கே அணி நிர்வாகம் அதிகாரப்பூர்வமாக தனது ட்விட்டர் பக்கத்தில் தெரிவித்துள்ளது. இதுதொடர்பாக சிஎஸ்கே வெளியிட்டுள்ள பதிவில், “டாக்டர் மது வெளியிட்டுள்ள சொந்த கருத்து குறித்த ட்விட்டர் பதிவு குறித்து சென்னை சூப்பர் கிங்ஸ் அணி நிர்வாகத்துக்கு தெரியாது. அவர் சஸ்பெண்ட் செய்யப்படுகிறார்” என அதில் குறிப்பிடப்பட்டுள்ளது.
The Chennai Super Kings Management was not aware of the personal tweet of Dr. Madhu Thottappillil. He has been suspended from his position as the Team Doctor.
Chennai Super Kings regrets his tweet which was without the knowledge of the Management and in bad taste.
— Chennai Super Kings (@ChennaiIPL) June 17, 2020
ஐபிஎல் கிரிக்கெட் தொடரின் துவக்கம் முதல், சிஎஸ்கே அணி நிர்வாகத்தின் மருத்துவராக உள்ளார். மது வெளியிட்ட ட்விட்டர் பதிவு அரசை கிண்டல் செய்யும் விதத்தில் இருந்தது. ஆனால் இந்த பதிவை வெளியிட்ட சிறிது நேரத்தில் அந்த பதிவை நீக்கினார். தொடர்ந்து தனது கணக்கை பாதுகாத்தார். கடந்த 1967க்கு பின் இந்தியா, சீனா இடையே ஏற்பட்ட மிகப்பெரிய மோதலில் சுமார் 20 ராணுவ வீரர்கள் உயிரிழந்தனர். இதை அவமதிக்கும் விதமாக மதுவின் பதிவின் இருந்தது.