புதிய மைல்கல்லை எட்டினார் ஷிகர் தவான் !! - Page 3 of 5

ஹாங்காங் அணியுடனான நேற்றைய போட்டியில்ல் சதம் அடித்த இந்திய அணியின் துவக்க வீரர் ஷிகர் தவான், சர்வதேச ஒருநாள் கிரிக்கெட் அரங்கில் புதிய மைல்கல் ஒன்றை எட்டியுள்ளார். ஆசிய கோப்பை கிரிக்கெட் ஐக்கிய அரபு எமிரேட்சில் நடைபெற்று வருகிறது. இந்த தொடரில் நேற்று நடைபெற்ற போட்டியில் ரோஹித் சர்மா தலைமையிலான இந்திய அணி ஹாங்காங்கை எதிர்கொண்டது. இதில் டாஸ் வென்ற ஹாங்காங் அணி முதலில் பந்துவீச்சை தேர்வு செய்ததை தொடர்ந்து முதலில் பேட்டிங் செய்ய களமிறங்கிய இந்திய அணிக்கு ஷிகர் தவான் 127 ரன்கள் எடுத்தன் மூலம் சர்வதேச ஒருநாள் கிரிக்கெட் அரங்கில் மிக குறைந்த போட்டிகளில் தனது 14வது சதத்தை பதிவு செய்த வீரர்கள் பட்டியலில் தென் ஆப்ரிக்கா அணியின் முன்னாள் ஜாம்பவான் டிவில்லியர்ஸை பின்னுக்கு தள்ளியுள்ளார். சர்வதேச ஒருநாள் அரங்கில் மிக குறைந்த போட்டிகளில் தங்களது 14வது சதத்தை பூர்த்தி செய்த வீரர்கள் பட்டியல்; 5; டிவில்லியர்ஸ் – 131 போட்டிகள் சமீபத்தில் கிரிக்கெட்டில் இருந்து ஓய்வு பெற்ற தென் ஆப்ரிக்கா கிரிக்கெட் அணியின் ஜாம்பவான் ஏ.பி டிவில்லியர்ஸ் 131 போட்டிகளில் 14 சதங்கள் அடித்திருப்பதன் மூலம் இந்த பட்டியலில் ஐந்தாவது இடத்தில் உள்ளார். 4; ஷிகர் தவான் – 105 போட்டிகள் இந்திய கிரிக்கெட் அணியின் துவக்க வீரரான ஷிகர் தவான் 105 போட்டிகளில் 14 சதங்கள் அடித்து இந்த பட்டியலில் நான்காவது இடத்தில் உள்ளார். 3; விராட் கோஹ்லி – 103 போட்டிகள் இந்திய கிரிக்கெட் அணியின் கேப்டனும், நிகழ்கால கிரிக்கெட் உலகின் கிங்மேக்கராகவும் திகழ்ந்து வரும் விராட் கோஹ்லி 105 போட்டிகளில் தனது 14வது சதத்தை எட்டியிருப்பதன் மூலம் இந்த பட்டியலில் மூன்றாவது இடத்தில் உள்ளார். 2; டேவிட் வார்னர் – 98 போட்டிகள் ஆஸ்திரேலிய கிரிக்கெட் அணியின் துவக்க வீரரான டேவிட் வார்னர் சர்வதேச ஒருநாள் அரங்கில் 98 போட்டிகளில் தனது 14வது சதத்தை பூர்த்தி செய்திருப்பதன் மூலம் இந்த பட்டியலில் இரண்டாவது இடத்தில் உள்ளார். 1; ஹசீம் அம்லா – 84 போட்டிகள் நிகழ்கால கிரிக்கெட் உலகின் ஜாம்பவான்களில் ஒருவராக திகழ்ந்து வரும் தென் ஆப்ரிக்கா கிரிக்கெட் அணியின் துவக்க வீரரான ஹசிம் ஆம்லா, சர்வதேச ஒருநாள் அரங்கில் வெறும் 84 போட்டிகளில் தனது 14வது சதத்தை பூர்த்தி செய்ததன் மூலம் இந்த பட்டியலில் முதலிடத்தில் உள்ளார்.

Leave a comment