இவரை மட்டுமே நம்பி இருக்காதிங்க.. இங்கிலாந்தை எச்சரிக்கும் பயிற்சியாளர்!! யாரை கூறுகிறார் தெரியுமா? 1

இரண்டாவது டெஸ்ட் போட்டியில் இவரை மட்டுமே நம்பி களம்இறங்காதீர்கள் என இங்கிலாந்து வீரர்களை எச்சரிக்கிறார் துணை பயிற்சியாளர் பால் காலிங்வுட்.

டெஸ்ட் சாம்பியன்ஷிப்பின் முதல் தொடராக நடைபெறுகிறது ஆஷஸ் தொடர். இங்கிலாந்து மற்றும் ஆஸ்திரேலிய இரு அணிகளும் மோதும் இந்த தொடரில் முதல் டெஸ்ட் போட்டி பிர்மிங்காமில் உள்ள எட்ஜ்பாஸ்டன் மைதானத்தில் நடைபெற்றது. 2001-ம் ஆண்டுக்கு பிறகு ஆஸ்திரேலிய அணி இந்த மைதானத்தில் வெற்றியை பெற்றது இல்லை என்ற சோகமான வரலாறு நிலவிவந்தது.

இந்நிலையில் இரு இன்னிங்சிலும் சதமடித்து ஆஸ்திரேலிய அணியை மீட்டெடுத்த ஸ்டீவ் ஸ்மித் இந்த சோதனையை சாதனையாக்கிய மாற்றி காட்டினார். இறுதியாக 251 ரன்கள் வித்தியாசத்தில் ஆஸ்திரேலிய அணி வெற்றிபெற்றது.

இவரை மட்டுமே நம்பி இருக்காதிங்க.. இங்கிலாந்தை எச்சரிக்கும் பயிற்சியாளர்!! யாரை கூறுகிறார் தெரியுமா? 2

சொந்த மைதானத்தில் தோல்வியை தழுவிய சோகத்துடன் இரண்டாவது டெஸ்ட் போட்டிக்கு இங்கிலாந்து அணி தயாராகி வருகிறது.

முதல் டெஸ்ட் போட்டியின் முதல் நாளிலேயே இங்கிலாந்து அணியின் வேகப்பந்து வீச்சாளர் ஜேம்ஸ் ஆண்டர்சன் காயம் காரணமாக வெளியேறினார். முதல் டெஸ்டில் ஆடுவார் என்று எதிர்பார்க்கப்பட்ட ஜோப்ரா ஆர்ச்சர் முழு உடல்தகுதி பெறாததால் வெளியில் அமர்த்தப்பட்டிருந்தார்.

இரண்டாவது டெஸ்ட் போட்டியில் ஆடுவதற்கு ஆர்ச்சர் முழு உடல்தகுதி பெற்று விட்டார். அதேநேரம் ஜேம்ஸ் ஆண்டர்சன் காயம் காரணமாக லார்ட்ஸ் டெஸ்ட் போட்டியில் இருந்து வெளியேற்றப்பட்டுள்ளார். இதனால் இரண்டாவது டெஸ்ட் போட்டியில் இங்கிலாந்து அணிக்காக டெஸ்டில் அறிமுகமாக இருக்கிறார் ஆர்ச்சர்.

இவரை மட்டுமே நம்பி இருக்காதிங்க.. இங்கிலாந்தை எச்சரிக்கும் பயிற்சியாளர்!! யாரை கூறுகிறார் தெரியுமா? 3

ஆஸ்திரேலிய அணியை தனது பந்துவீச்சால் துவம்சம் செய்து நிச்சயம் வெற்றியை பெற்றுத் தருவார் ஆர்ச்சர் என ரசிகர்கள் அனைவரும் நம்புகின்றனர்.

இந்நிலையில் பத்திரிகையாளர்கள் சந்திப்பில் பேசிய இங்கிலாந்து அணியின் துணை பயிற்சியாளர் பால் காலிங்வுட் கூறுகையில், “ஜோ ரூட் தலைமையிலான அணி நிச்சயம் இரண்டாவது டெஸ்ட் போட்டியை வெல்லும்” என்றார்.

இவரை மட்டுமே நம்பி இருக்காதிங்க.. இங்கிலாந்தை எச்சரிக்கும் பயிற்சியாளர்!! யாரை கூறுகிறார் தெரியுமா? 4

அதேநேரம், “ஜோப்ரா ஆர்ச்சர் ஒருவரை மட்டுமே நம்பி இங்கிலாந்து அணி களம் இறங்கவில்லை. அப்படி களமிறக்கவும் இயலாது. எங்களிடம் ஏற்கனவே வேகப்பந்து வீச்சில் அசத்தும் வீரர்கள் இருக்கின்றனர். அவர்களில் ஒருவராகத்தான் ஆர்ச்சரை பார்க்கவேண்டும். தவிர, அவர் புதிதாக எங்கிருந்தும் குதிக்கவில்லை. வீரர்களும் அவரை மட்டுமே நம்பி இருக்க வேண்டாம். அனைவரும் சமமாக பங்களிக்கவேண்டும்” என திட்டவட்டமாக பதிலளித்தார்.

Leave a comment

Your email address will not be published. Required fields are marked *