சுவீடனை வீழ்த்தி அரையிறுதிக்குள் நுழைந்தது இங்கிலாந்து அணி

மற்றொரு ஆட்டத்தில் கோப்பையை வெல்லும் என நம்பப்பட்ட பிரேசில் அணி, பெல்ஜியம் அணியிடம் 2-1 என்ற கோல் கணக்கில் தோல்வி அடைந்து அதிர்ச்சிகரமான வெளியேறியது.

இந்தநிலையில், இன்று நடைபெற்றமுதல் காலிறுதி போட்டியில் சுவீடன் மற்றும் இங்கிலாந்து இரு அணிகளும் மோதின. போட்டியின் முதல் பாதியில் 30வது நிமிடத்தில் இங்கிலாந்து வீரர் மகிரே தலையில் முட்டி கோல் அடித்தார். இதனால் முதல் பாதியில் இங்கிலாந்து அணி 1-0 என்ற கணக்கில் முன்னிலை வகித்தது.

இரண்டாவது பாதியில் 58வது நிமிடத்தில் டேலி அல்லி ஒரு கோலடித்து இங்கிலாந்து அணிக்கு மேலும் வலுசேர்த்தார். 90 நிமிடங்கள் முடிவில் இங்கிலாந்து அணி 2-0 என்ற கணக்கில் ஸ்வீடனை வென்று அரையிறுதி சுற்றுக்கு முன்னேறியது.

இங்கிலாந்து அணி 28 ஆண்டுகளுக்கு பிறகு மீண்டும் அரையிறுதிக்கு முன்னேறியுள்ளது.