சீனியர் விக்கெட் கீப்பருக்கு அணியில் மீண்டும் இடம் கொடுக்கப்படும்; பயிற்சியாளர் உறுதி
டெஸ்ட் போட்டிகளில் தொடர்ந்து சொதப்பி வந்தாலும் ஜாஸ் பட்லருக்கு இன்னும் சில வாய்ப்புகள் கொடுக்கப்படும் என இங்கிலாந்து அணியின் பயிற்சியாளர் தெரிவித்துள்ளார்.
இங்கிலாந்து அணியின் நட்சத்திர வீரர்களில் அந்த அணியின் விக்கெட் கீப்பரான ஜாஸ் பட்லரும் ஒருவர். அதிரடி ஆட்டக்காரரான ஜாஸ் பட்லர் ஐ.பி.எல் போன்ற உள்ளூர் தொடர்களில் மாஸ் காட்டினாலும் இங்கிலாந்து அணிக்காக சொல்லிக்கொள்ளும் அளவிற்கு விளையாடுவது இல்லை. அதிலும் குறிப்பாக டெஸ்ட் போட்டிகளில் தொடர்ந்து சொதப்பி வரும் ஜாஸ் பட்லர் கடந்த 12 டெஸ்ட் இன்னிங்ஸ்களில் ஒரு அரைசதம் கூட அடிக்கவில்லை.
இதனால் ஜாஸ் பட்லரை இங்கிலாந்து அணியில் இருந்து நீக்க வேண்டும் என்ற கருத்துகள் வலுத்து வரும் நிலையில், ஜாஸ் பட்லருக்கு இன்னும் சில வாய்ப்புகள் கொடுக்கப்படும் என இங்கிலாந்து அணியின் பயிற்சியாளர் உறுதிபட தெரிவித்துள்ளார்.
இது குறித்து இங்கிலாந்து அணியின் தலைமை பயிற்சியாளர் சில்வர்வுட் கூறியதாவது;
பட்லர் மீது இன்னும் கூடுதலான நெருக்கடியை சுமத்தவில்லை. அது அவருக்கு உதவியாக இருக்கும் என்று நான் நினைக்கவில்லை. சிறப்பான ஆட்டத்தை வெளிப்படுத்த அவருக்கு வாய்ப்புகள் கொடுக்க விரும்புகிறோம். அவர் மீது இன்னும் நெருக்கடியை சுமத்தவில்லை. அது அவருக்கு உதவியாக இருக்கும் என்று நான் நினைக்கவில்லை. சிறப்பான ஆட்டத்தை வெளிப்படுத்த அவருக்கு வாய்ப்புகள் கொடுக்க விரும்புகிறோம்.
போட்டிக்கான பயிற்சி, போட்டி மற்றும் எல்லாவற்றிலும் சிறப்பாகவே காணப்பட்டார். முதல் இன்னிங்சிலும் நல்ல நிலையில்தான் இருந்தார். அவர் இன்னும் கூடுதல் நேரம் களத்தில் இன்று மிகப்பெரிய ஸ்கோரை குவிக்க வேண்டும். இது அவருக்குத் தெரியும்.
அவர் நம்பிக்கையுடன் இருப்பதை எங்களால் உறுதி செய்து கொள்ள முடிகிறது. உண்மையிலேயே வெற்றிபெற அவருக்கு வாய்ப்புகள் வழங்க வேண்டும். மற்றவை எல்லாம், அவருக்கு ஒரு சிறந்த நாள் அமைந்து, அதிக ரன்கள் அடித்து. அதில் இருந்து அவர் செல்ல வேண்டும். அந்த நம்பிக்கை எங்களுக்கு உள்ளது” என்றார்.