ஐந்தாவது டெஸ்ட் போட்டிக்கான இங்கிலாந்து அணியின் உத்தேச ஆடும் லெவன் !!

ஐந்தாவது டெஸ்ட் போட்டிக்கான இங்கிலாந்து அணியின் உத்தேச ஆடும் லெவன் இங்கிலாந்து சென்றுள்ள கோஹ்லி தலைமையிலான இந்திய கிரிக்கெட் அணி, இங்கிலாந்து அணியுடன் ஐந்து டெஸ்ட் போட்டிகள் கொண்ட தொடரில் பங்கேற்றுள்ளது. இந்த தொடரின் முதல் போட்டியில் போராடி தோல்வியடைந்த இந்திய அணி, இரண்டாவது போட்டியில் படுதோல்வியையும், மூன்றாவது போட்டியில் வெற்றியும் பெற்றது. இதன் பின் கடந்த சில தினங்களுக்கு முன்பு நடைபெற்ற நான்காவது போட்டியில் 60 ரன்கள் வித்தியாசத்தில் தோல்வியடைந்து 1-3 என்ற கணக்கில் தொடரையும் இழந்தது. இங்கிலாந்து அணி ஏற்கனவே தொடரை வென்றுவிட்ட நிலையில் இரு அணிகள் இடையேயான ஐந்தாவது மற்றும் கடைசி டெஸ்ட் போட்டி லண்டனின் ஓவல் மைதானத்தில் துவங்க உள்ளது. இந்நிலையில் இந்த போட்டிக்கான இங்கிலாந்து அணியின் உத்தேச ஆடும் லெவனை இங்கு பார்ப்போம். அலெய்ஸ்டர் குக்; இந்த தொடரின் துவக்கத்தில் இருந்தே கடுமையாக சொதப்பி வரும் அலெய்ஸ்டர் குக், இந்திய அணியுடனான ஐந்தாவது டெஸ்ட் போட்டிக்கு பிறகு ஓய்வு பெற உள்ளதாக கடந்த சில தினங்களுக்கு முன்பு அறிவித்தார். இதனால் இந்த ஐந்தாவது டெஸ்ட் போட்டியில் இருந்து இவரை நீக்கும் முடிவை இங்கிலாந்து நிர்வாகம் எடுக்காது என்பதில் சந்தேகம் இல்லை. இங்கிலாந்து அணிக்காக பல சாதனைகள் புரிந்திருக்கும் இவருக்கு வெற்றியுடன் விடை கொடுக்கவே இங்கிலாந்து அணி விரும்பும். கீட்டன் ஜென்னிங்ஸ்; அலெய்ஸ்டர் குக்குடன் சேர்ந்து கீட்டன் ஜென்னிங்ஸே இங்கிலாந்து அணியின் மற்றொரு துவக்க வீரராக களமிறங்குவார். கடந்த போட்டியில் ஜென்னிங்ஸ் சொதப்பி இருந்தாலும் சீனியர் வீரரான இவரை அணியில் இருந்து நீக்கும் முடிவை இங்கிலாந்து நிர்வாகம் எடுக்காது. ஜோ ரூட்; ஒரு கேப்டனாகவும், மிடில் ஆர்டர் பேட்ஸ்மேனாகவும் ஜோ ரூட் இந்த தொடரில் மிகச்சிறப்பாகவே விளையாடி வருகிறார். ஒவ்வொரு போட்டியிலும் இங்கிலாந்து அணிக்கான தனது பங்களிப்பை சரியாக செய்து வரும் ரூட் நாளையை போட்டியிலும் இந்திய அணிக்கு சவாலாக இருப்பார் என்பதில் சந்தேகம் இல்லை. ஜானி பாரிஸ்டோவ்; விக்கெட் கீப்பரான ஜானி பாரிஸ்டோவ்வும் இங்கிலாந்து அணிக்கான தனது பங்களிப்பை சரியாகவே செய்து வருகிறார். ஜாஸ் பட்லர் (விக்கெட் கீப்பர்) இங்கிலாந்து அணியின் விக்கெட் கீப்பராக செயல்பட்டு வந்த பாரிஸ்டோவிற்கு, மூன்றாவது டெஸ்ட் போட்டியின் போது காயம் ஏற்பட்டதால் அவருக்கு பதிலாக பட்லர் விக்கெட் கீப்பராக நியமிக்கப்பட்டார். இது தவிர பேட்டிங்கிலும் பட்லர் இந்திய அணிக்கு கடும் நெருக்கடியை ஏற்படுத்தி வருகிறார். பென் ஸ்டோக்ஸ்; ஆல் ரவுண்டரான பென் ஸ்டோக்ஸ் இங்கிலாந்து அணிக்கு மிகப்பெரும் பலமாக திகழ்ந்து வருகிறார். இவரும் நாளைய போட்டியில் இடம்பெறுவார். மொய்ன் அலி; இரு அணிகள் இடையேயான நான்காவது டெஸ்ட் போட்டியில் இந்திய அணியின் தோல்விக்கு மிக முக்கிய காரணமாக திகழ்ந்தவர் மொய்ன் அலி. பேட்டிங், பவுலிங் என இரண்டிலும் இந்திய அணிக்கு கடும் நெருக்கடியை கொடுத்த இவர் ஐந்தாவது போட்டியிலும் இந்திய அணிக்கு சவாலாக இருப்பார் என்பதில் சந்தேகம் இல்லை. கிறிஸ் வோக்ஸ்; இங்கிலாந்து அணியின் மிகப்பெரும் பலமாக அந்த அணியின் ஆல் ரவுண்டர்களே திகழ்ந்து வருகின்றனர். பெரும்பாலான போட்டிகளில் முன்னணி பேட்ஸ்மேன்கள் சொதப்பிய போதிலும் கிறிஸ் வோக்ஸ், சாம் குர்ரான போன்ற ஆல் ரவுண்டர்கள் இங்கிலாந்து அணியை சரிவில் இருந்து மீட்டு வருகிறார், அதில் கிறிஸ் வோக்ஸும் மிக முக்கியமானவர். சாம் குர்ரான்; வெறும் 20 வயதான சாம் குர்ரான் ஒவ்வொரு போட்டியிலும் இந்திய அணிக்கு கடும் நெருக்கடியை கொடுத்து வருவது மறுக்க முடியாத உண்மை. ஸ்டூவர்ட் பிராட்; சீனியர் வேகப்பந்து வீச்சாளரான ஸ்டூவர் பிராட் ஒவ்வொரு போட்டியிலும் தனது பங்களிப்பை சரியாகவே செய்து வருகிறார். ஜேம்ஸ் ஆண்டர்சன்; இங்கிலாந்து அணியின் சீனியர் வீரர்களில் மிக முக்கியமானவரான ஜேம்ஸ் ஆண்டர்சன் ஒவ்வொரு போட்டியிலும் தனது பங்களிப்பை சரியாகவே செய்து வருகிறார்.

Leave a comment