இங்கிலாந்து vs இந்தியா; இந்திய வீரர்களுக்கான ரேட்டிங் !! - Page 13 of 17

இங்கிலாந்து vs இந்தியா; இந்திய வீரர்களுக்கான ரேட்டிங் இங்கிலாந்து சென்றுள்ள இந்திய கிரிக்கெட் அணி, இங்கிலாந்து அணியுடன் மூன்று ஒருநாள், மூன்று டி.20 போட்டிகள் மற்றும் ஐந்து டெஸ்ட் போட்டிகள் கொண்ட தொடரில் பங்கேற்றது. இதில் டி.20 தொடரை மட்டும் வென்ற இந்திய அணி அடுத்ததாக நடைபெற்ற ஒருநாள் தொடரை 1-2 என்ற கணக்கிலும் இறுதியாக நடைபெற்ற டெஸ்ட் தொடரை 1-4 என்ற கணக்கிலும் மோசமாக இழந்தது. இந்நிலையில் இந்த டெஸ்ட் தொடரில் இந்திய வீரர்களின் செயல்பாடுகள் குறித்தும், அவர்களுக்கான ரேட்டிங் (தரமதிப்பீடு) குறித்தும் இங்கு பார்ப்போம். ஷிகர் தவான் – 2/10 இந்திய கிரிக்கெட் அணிக்கு துவக்கம் கொடுத்த ஷிகர் தவான் இந்த தொடரில் விளையாடிய 8 இன்னிங்ஸிலும் சேர்த்து மொத்தமே 162 ரன்கள் மட்டுமே எடுத்துள்ளார். இந்திய அணியின் ஒவ்வொரு தோல்விக்கும் துவக்க வீரர்களின் சொதப்பல் ஆட்டம் மிக முக்கிய காரணம். கே.எல் ராகுல் - 4.5/ 10 முரளி விஜய்க்கு பதிலாக கடைசி மூன்று போட்டிகளில் இந்திய அணிக்கு துவக்கம் கொடுத்த ராகுல் கடைசி போட்டியில் சதம் அடித்து இருந்தாலும் மற்ற போட்டிகளில் பெரிதாக சொல்லிக் கொள்ளும் அளவிற்கு விளையாடவில்லை. புஜாரா - 6/10 ஒருசில இன்னிங்சில் புஜாரா டக் அவுட் ஆகி வெளியேறினாலும் சிலை இன்னிங்சில் தனி ஒருவனாக நின்று இந்தியாவின் மானத்தைக் காப்பாற்றினார். ஒரு போட்டியில் மட்டும் விளையாடாத புஜாரா மற்ற எட்டு இன்னிங்சிலும் சேர்த்து மொத்தம் 278 ரன்கள் சேர்த்துள்ளார். விராட் கோஹ்லி - 9.5 / 10 இங்கிலாந்து அணியுடனான டெஸ்ட் தொடரை இந்திய அணி இழந்திருந்தாலும் இந்திய அணியின் கேப்டனாக விராட் கோலி குறை சொல்ல முடியாத அளவிற்கு அபாரமாக விளையாடினார். 10 இன்னிங்சிலும் சேர்த்து மொத்தம் 593 ரன்கள் குவித்த விராட் கோலி தொடர்நாயகன் விருதையும் வென்றார். ரஹானே - 3.5/10 இந்தியாவின் துணை கேப்டனான ரஹானே ஓரளவிற்கு இந்த தொடரில் விளையாடினார் இருந்த போதிலும் தனது பொறுப்பை உணர்ந்து அடுத்தடுத்த போட்டிகளில் ரகானே தன்னை முன்னேற்றிக் கொள்ள வேண்டும் என்பதில் மாற்றுக் கருத்து இல்லை. ரிஷப் பண்ட் - 4/10 இந்தத் தொடரின் மூலம் இந்திய அணியுடனான தனது பயணத்தைத் தொடங்கியுள்ள ரிஷப் பண்ட், ஒரு சதம் அடித்து தன்னை நிரூபித்திருந்தாலும் மேலும் தன்னை முன்னேற்றிக் கொள்ள வேண்டும். இவர் தன்னை முன்நிறுத்திக் கொள்ளும் பட்சத்தில் இந்திய அணியில் இவருக்கான எதிர்காலம் பிரகாசமாக இருக்கும் என்பதில் சந்தேகமில்லை. ஹர்திக் பாண்டியா - 5/10 ஆல்ரவுண்டரான ஹர்திக் பாண்டியா ஒரே ஒரு போட்டியில் மட்டுமே சொல்லிக்கொள்ளும் அளவிற்கு விளையாடினார் இதன் காரணமாகவே ஐந்தாவது போட்டியில் இருந்து நீக்கப்பட்டார் தன்னை முன்னேற்றிக் கொள்ள வேண்டும் என்பதே அனைவரின் விருப்பம். அஸ்வின் - 6.5/10 இந்திய அணியின் மற்றொரு ஆல்ரவுண்டரான அஸ்வின் இந்தத் தொடரின் துவக்கத்தில் ஆதிக்கம் செலுத்தினாலும் அடுத்தடுத்த போட்டிகளில் கடுமையாக சொதப்பினார் இதன் காரணமாகவே ஐந்தாவது போட்டியில் இருந்து நீக்கப்பட்டு அவருக்கு பதிலாக ஜடேஜா அணியில் இடம்பெற்றார். அஸ்வின் தனது தவறுகளை சரி செய்து கொள்ளாத பட்சத்தில் இந்திய அணியில் இவருக்கான இடம் கேள்விக்குறியே. முகமது ஷமி - 8.5/ 10 வேகப்பந்து வீச்சாளரான முகமது சமி குறை சொல்ல முடியாத அளவிற்கு தனது பங்களிப்பை சரியாகவே செய்தார். இசாந்த் சர்மா - 8/10 சீனியர் வீரரான இசாந்த் சர்மா இந்த தொடரில் ஓரளவிற்கு சிறப்பாக விளையாடி இருந்தாலும் நிச்சயம் தன்னை முன்னேற்றிக் கொள்ள வேண்டும். ஜஸ்ப்ரிட் பும்ராஹ் - 8/10 தொடர்ந்து சிறப்பாக பந்து வீசி வரும் பும்ராஹ் அதிகப்படியான நோ பால்கள் வீசுவதை நிச்சயம் தவிர்த்துக் கொள்ள வேண்டும் இல்லையெனில் இதுவே பும்ராஹ்வின் கிரிக்கெட் எதிர்காலத்திற்கு பின்னடைவை கொடுக்கும் என்பதில் சந்தேகமில்லை. ரவீந்திர ஜடேஜா – 8/10 கடைசி போட்டியில் மட்டுமே வாய்ப்பு பெற்ற ஜடேஜா பேட்டிங் மற்றும் பந்துவீச்சு என இரண்டிலும் தனது பங்களிப்பை சரியாகவே செய்து கொடுத்தார். முரளி விஜய் – 2/10 இந்திய அணியின் துவக்க வீரராக முதல் இரண்டு போட்டிகள் களமிறக்கப்பட்ட முரளி விஜய் கடுமையாக சொதப்பி சொற்ப ரன்களில் விக்கெட்டை இழந்தததால் அடுத்தடுத்த போட்டிகளில் இருந்து நீக்கப்பட்டார், இந்த தொடரில் இவரின் சொதப்பல் ஆட்டம் மூலம் முரளி விஜய்யின் கிரிக்கெட் எதிர்காலமே கேள்விக்குறியாகி உள்ளது. ஹனுமா விஹாரி – 7/10 கடைசி போட்டியில் மட்டுமே வாய்ப்பு பெற்ற இளம் வீரர் ஹனுமா விஹாரி ஐந்தாவது டெஸ்ட் போட்டியின் முதல் இன்னிங்ஸில் அரைசதம் அடித்தது மட்டுமல்லாமல் ஜோ ரூட், குக் போன்ற இங்கிலாந்து அணியின் முக்கிய வீரர்களின் விக்கெட்டையும் வீழ்த்தினார், இவரின் இந்த சிறப்பான ஆட்டம் அடுத்தடுத்த தொடர்களிலும் தொடரும் பட்சத்தில் இந்திய அணியில் இவருக்கான எதிர்காலம் பிரகாசமாக இருக்கும். தினேஷ் கார்த்திக் – 3/10 பெரிதும் எதிர்பார்க்கப்பட்ட தினேஷ் கார்த்திக் இந்த டெஸ்ட் தொடரில் பேட்டிங்கில் சொதப்பியது மட்டுமல்லாமல் கீப்பிங்கில் கூட சரியாக செயல்படவில்லை. குல்தீப் யாதவ் – 4/10 ஒருநாள் மற்றும் டி.20 தொடர்களில் மாஸ் காட்டிய குல்தீப் யாதவின் மாயாஜால சுழல் டெஸ்ட் தொடரில் எடுபடவில்லை என்று தான் கூற வேண்டும். உமேஷ் யாதவ் -3/10 ஒருநாள் மற்றும் டி.20 தொடர்களில் சிறப்பாக விளையாடிய உமேஷ் யாதவ் டெஸ்ட் தொடரில் தன்னை நிரூபிக்கவில்லை.

Leave a comment