ஒருநாள் போட்டிகளில் அதிவேகமாக இரட்டை சதம் அடித்தவர்கள்

ஒருகாலத்தில் இரட்டை சதம் என்றால் டெஸ்ட் கிரிக்கெட்டில் மட்டும் தான் அடிக்க முடியும் என்று எண்ணி கொண்டிருந்தார்கள். அதன் பிறகு 2010ஆம் ஆண்டு ஒருநாள் போட்டிகளில் முதல் இரட்டை சதம் அடித்து சாதனை படைத்தார் சச்சின் டெண்டுல்கர். அந்த சாதனையை 2011ஆம் ஆண்டு அவருடைய பார்ட்னர் விரேந்தர் சேவாக் பறித்தார். அதன் பிறகு ரோஹித் சர்மா, கிறிஸ் கெய்ல், மார்ட்டின் குப்தில் ஆகியோர் அடித்துவிட்டனர். ஒவ்வொரு கிரிக்கெட் வீரர்களும் ஒருநாள் போட்டிகளில் இரட்டை சதம் அடிக்க கனவு காண்கிறார்கள். ஆனால், ஏற்கனவே மூன்று இரட்டைசதம் அடித்துள்ளார் ரோஹித் சர்மா. இந்நிலையில் ஒருநாள் போட்டிகளில் அதிவேகமாக இரட்டை சதம் அடித்த வீரர்களை பார்ப்போம்: ரோஹித் சர்மா - 156 பந்துகள் vs ஆஸ்திரேலியா 2013ஆம் ஆண்டு பெங்களுருவில் நடந்த போட்டியில் ஆஸ்திரேலியாவுக்கு எதிராக தனது முதல் இரட்டை சதத்தை அடித்தார் ரோகித் சர்மா. 156 பந்துகளில் இரட்டை சதம் அடித்த அவர் 158 பந்தில் 209 ரன் அடித்து அவுட் ஆனார். மார்ட்டின் குப்தில் - 153 பந்துகள் vs வெஸ்ட் இண்டீஸ் 2015ஆம் ஆண்டு வெலிங்டன் மைதானத்தில் வெஸ்ட் இண்டீஸ் அணிக்கு எதிராக அதிரடியாக விளையாடிய மார்ட்டின் குப்தில் 153 பந்தில் இரட்டை சதம் அடித்தார். தொடர்ந்து விளையாடிய அவர் 163 பந்தில் 237 ரன் அடித்து அவுட் ஆகாமல் இருந்தார். ரோஹித் சர்மா - 151 பந்துகள் vs இலங்கை, 2017 2017ஆம் ஆண்டு இலங்கை அணிக்கு எதிரான மூன்று போட்டிகள் கொண்ட ஒருநாள் தொடரில் இரட்டை சதம் விளாசினார் ரோஹித் சர்மா. தொடக்கத்தில் பொறுமையாக விளையாடிய அவர் கடைசி நேரத்தில் ருத்ர தாண்டவம் ஆடினார். 151 பந்தில் இரட்டை சதம் அடித்த ரோகித் சர்மா, 208 ரன்னில் அவுட் ஆகாமல் இருந்தார். ரோஹித் சர்மா - 151 பந்துகள் vs இலங்கை, 2014 (Photo Source: Getty Images) அதே இலங்கை அணியுடன் 2014ஆம் ஆண்டு கொல்கத்தா மைதானத்தில் இலங்கை பந்துவீச்சாளர்களை பிரித்து மேய்ந்தார் ரோஹித் சர்மா. 151 பந்தில் 200 ரன் அடித்த அவர், 264 ரன் அடித்து உலகசாதனை படைத்தார். பஹர் ஜமான் – 148 பந்துகள் vs ஜிம்பாப்வே, 2018 ஃபஹர் ஜமான் – 148 பந்துகள் பாகிஸ்தான் கிரிக்கெட் அணியின் நட்சத்திர வீரரான ஃபஹர் ஜமான் சமீபத்தில் நடைபெற்ற ஜிம்பாப்வே அணிக்கு எதிரான ஒருநாள் போட்டியில் 156 பந்துகளில் 24 பவுண்டரிகள் மற்றும் ஐந்து சிக்ஸர்களுடன் 210 ரன்கள் எடுத்து உலக சாதனை படைத்தார். இந்த போட்டியில் 148 பந்துகளில் 200 ரன்களை கடந்ததன் மூலம் அதிகவேகமாக இரட்டை சதம் கடந்தவர்கள் பட்டியலில் ஃபஹர் ஜமானும் இடம்பிடித்துள்ளார். இந்த ஒரே போட்டியின் மூலம் பல்வேறு சாதனைகளை தன் வசமாக்கிய ஃபஹர் ஜமான், ஒருநாள் போட்டிகளில் இரட்டை சதம் அடித்த முதல் பாகிஸ்தான் வீரர் என்ற பெருமையையும் பெற்றது குறிப்பிடத்தக்கது. சச்சின் டெண்டுல்கர் - 147 பந்துகள் vs தென்னாபிரிக்கா ஒருநாள் போட்டிகளில் இரட்டை சதம் அடிக்க வாய்ப்பே இல்லை என்று அனைவரும் நினைத்த போது, இரட்டை சதத்திற்கு விதை போட்டார் சச்சின் டெண்டுல்கர். முதல் 200 அடித்த பெருமை சச்சினையே சேரும். அவர் 147 பந்தில் இரட்டை சதம் அடித்து, 200 ரன்னில் நாட் அவுட்டில் இருந்தார். விரேந்தர் சேவாக் - 140 பந்துகள் vs வெஸ்ட் இண்டீஸ் இந்திய அணியின் அதிரடி தொடக்கவீரர் விரேந்தர் சேவாக் 2011ஆம் ஆண்டு வெஸ்ட் இண்டீஸ் அணியை சின்னா பின்னம் ஆக்கினார். தொடக்கத்தில் இருந்தே அதிரடியாக விளையாட கூடிய சேவாக் அவரது 140வது பந்தில் இரட்டை சதம் அடித்தார். தொடர்ந்து விளையாடிய அவர் 219 ரன்னில் அவுட் ஆனார். கிறிஸ் கெய்ல் - 138 பந்துகள் vs ஜிம்பாப்வே வெஸ்ட் இண்டீஸ் அணியை சேர்ந்த அதிரடி மன்னன் கிறிஸ் கெய்ல் 2015ஆம் ஆண்டு உலகக்கோப்பையில் ஜிம்பாப்வே அணிக்கு எதிராக இரட்டைசதம் அடித்து, சில சாதனைகளை படைத்தார். உலகக்கோப்பையில் 200 அடித்த ஒரே வீரர் கெய்ல் தான். 138 பந்துகளில் இரட்டை சதம் அடித்த அவர், இந்த பட்டியலில் முதல் இடத்தில் இருக்கிறார்.

ஒருநாள் போட்டிகளில் அதிவேகமாக இரட்டை சதம் அடித்தவர்கள்

விரேந்தர் சேவாக் – 140 பந்துகள் vs வெஸ்ட் இண்டீஸ்

Leave a comment