ஐ.பி.எல் டி.20 தொடர்… அசுர வேகத்தில் அரைசதம் அடித்த டாப் 10 வீரர்கள் !! - Page 10 of 10

ஐ.பி.எல் டி.20 தொடர்… அசுர வேகத்தில் அரைசதம் அடித்த டாப் 10 வீரர்கள் இந்தியாவில் கடந்த 2008ம் ஆண்டில் இருந்து உள்ளூர் டி.20 தொடரான ஐ.பி.எல் தொடர் மிக பிரமாண்டமாக நடத்தப்பட்டு வருகிறது. ஒட்டுமொத்த கிரிக்கெட் ரசிகர்கள் மத்தியிலும் பெரும் வரவேற்ப்பை பெற்றிருக்கும் இந்த ஐ.பி.எல் தொடரில் இதுவரை மிக குறைந்த பந்துகளில் அரைசதம் அடித்த டாப் 10 வீரர்கள் பட்டியலை இங்கு பார்ப்போம். 10., ஹர்பஜன் சிங்; கடந்த 2015ம் ஆண்டு ஏப்ரல் மாதம் நடைபெற்ற பஞ்சாப் அணிக்கு எதிரான போட்டியில், மும்பை அணிக்காக களமிறங்கிய ஹர்பஜன் சிங் பஞ்சாப்பின் பந்துவீச்சை பதம் பார்த்து வெறும் 19 பந்துகளில் அரை சதம் கடந்ததன் மூலம் இந்த பட்டியலில் 10வது இடத்தில் உள்ளார். 9., கிறிஸ் லின்; கொல்கத்தா நைட் ரைடர்ஸ் அணியின் துவக்க வீரர் மற்றும் அதிரடி ஆட்டக்காரரான கிறிஸ் லின் கடந்த 2017ம் ஆண்டு நடைபெற்ற குஜராத் லயன்ஸ் அணிக்கு எதிரான போட்டியில் 19 பந்துகளில் 9 சிக்ஸர் மற்றும் 6 பவுண்டரிகளுடன் அரைசதம் கடந்ததன் மூலம் இந்த பட்டியலில் 9வது இடத்தில் உள்ளார். 8., கீரன் பொலார்டு; மும்பை இந்தியன்ஸ் அணியின் அதிரடி ஆட்டக்காரரான கிரன் பொலார்டு கடந்த 2016ம் ஆண்டு நடைபெற்ற கொல்கத்தா அணிக்கு எதிரான போட்டியில் 17 பந்துகளில் அரைசதம் கடந்துள்ளார். 7., கிறிஸ் மோரிஸ்; டெல்லி டேர்டெவில்ஸ் அணியின் நட்சத்திர வீரரான கிறிஸ் மோரிஸ், கடந்த 2016ம் ஆண்டு நடைபெற்ற குஜராத் அணிக்கு எதிரான ஒரு போட்டியில் 17 பந்துகளில் அரைசதம் கடந்ததன் மூலம் இந்த பட்டியலில் 7வது இடத்தில் உள்ளார். 6., கில்கிறிஸ்ட்; பெரும்பாலான கிரிக்கெட் ரசிகர்களுக்கு மிகவும் பிடித்தமான கிரிக்கெட் வீரரான முன்னாள் வீரர் ஆடம் கில்கிறிஸ்ட் கடந்த 2009ம் ஆண்டு டெக்கன் சார்ஜர்ஸ் அணிக்காக விளையாடிய போது வெறும் 17 பந்துகளில் அரைசதம் கடந்ததன் மூலம் இந்த பட்டியலில் 6வது இடத்தில் தொடர்ந்து நீடிக்கிறார். 5., கிறிஸ் கெய்ல்; டி.20 கிரிக்கெட்டில் அதிரடி ஆட்டத்திற்கு பெயர் போனவரான கிறிஸ் கெய்ல் கடந்த 2013ம் ஆண்டு நடைபெற்ற புனே வாரியர்ஸ் அணிக்கு எதிரான போட்டியில் 17 பந்துகளில் அரைசதம் கடந்தார். இது தவிர அந்த போட்டியில் 13 சிக்ஸர் மற்றும் 17 பவுண்டரிகளுடன் 175 ரன்களும் எடுத்தது குறிப்பிடத்தக்கது. 4., சுரேஷ் ரெய்னா; சென்னை சூப்பர் கிங்ஸ் அணியின் செல்லப்பிள்ளையான சுரேஷ் ரெய்னா கடந்த 2014ம் ஆண்டு நடைபெற்ற பஞ்சாப் அணிக்கு எதிரான போட்டியில் 16 பந்துகளில் அரைசதம் கடந்ததன் மூலம் இந்த பட்டியலில் 4வது இடத்தில் உள்ளார். 3.,சுனில் நரைன்; சுழற்பந்து வீச்சாளரான சுனில் நரைனை பேட்ஸ்மேனாக மாற்றியதே ஐ.பி.எல் தொடர் தான் என்று கூறலாம், அதிலும் இவரையே தனது அணியின் துவக்க வீரராக களமிறக்கிய கொல்கத்தா நைட் ரைடர்ஸ் அணி இவரை அதிரடி வீரராகவும் மாற்றியது. கடந்த 2017ம் ஆண்டு நடைபெற்ற பெங்களூர் அணிக்கு எதிரான போட்டியில் வெறும் 15 பந்துகளில் அரைசதம் கடந்த சுனில் நரைன் இந்த பட்டியலில் மூன்றாவது இடத்தில் உள்ளார். 2., யூசுப் பதான்; கொல்கத்தா நைட் ரைடர்ஸ் அணியின் நட்சத்திர வீரரான யூசுப் பதான் கடந்த 2014ம் ஆண்டு நடைபெற்ற ஹைதராபாத் அணிக்கு எதிரான போட்டியில் 15 பந்துகளில் அரைசதம் கடந்ததன் மூலம் இந்த பட்டியலில் இரண்டாவது இடத்தில் உள்ளார். 1., கே.எல் ராகுல்; ஐ.பி.எல் 2018ம் ஆண்டு தொடருக்கான பஞ்சாப் அணியால் 11 கோடி ரூபாய் கொடுத்து ஏலத்தில் எடுக்கப்பட்ட கே.எல் ராகுல், டெல்லி அணிக்கு எதிரான போட்டியில் வெறும் 14 பந்துகளில் 6 சிக்ஸர் மற்றும் 7 பவுண்டரிகளுடன் 51 ரன்கள் எடுத்ததன் மூலம் அனைவரையும் பின்னுக்குதள்ளி இந்த பட்டியலில் முதலிடத்தை பிடித்துள்ளார். KL Rahul blasted his way into IPL record books when he scored the fastest fifty in the tournament of only 14 balls on Sunday at the PCA Stadium in Mohali.

Leave a comment