2019 ம் ஆண்டு உலகக்கோப்பைக்கு முன்னதாக இந்திய அணி சரி செய்ய வேண்டிய ஐந்து பிரச்சனைகள் !! - Page 5 of 5

2019 ம் ஆண்டு உலகக்கோப்பைக்கு முன்னதாக இந்திய அணி சரி செய்ய வேண்டிய ஐந்து பிரச்சனைகள் அடுத்த வருடம்(2019) நடைபெற இருக்கும் உலகக்கோப்பை கிரிக்கெட் தொடருக்காக ஒவ்வொரு அணியும் தீவிரமாக தயாராகி வருகின்றன. ஒவ்வொரு அணியும் தங்களது பலவீனங்கள் மற்றும் குறைகளை அறிந்து அதனை சரி செய்து, உலகக்கோப்பைக்கு முன்னதாக தங்கள் அணியை முழு பலம் கொண்ட அணியாக கட்டமைப்பதில் கவனம் செலுத்தி வருகின்றன. அந்த வகையில் 2019ம் ஆண்டு உலகக்கோப்பை கிரிக்கெட் தொடருக்கு முன்னதாக இந்திய அணி சரி செய்ய வேண்டிய ஐந்து பிரச்சனைகள் குறித்து இங்கு பார்ப்போம். மிடில் ஆர்டர் இந்திய அணியை மிடில் ஆர்டர் பிரச்சனை நீண்ட காலமாக துரத்தி கொண்டே வருகிறது. மிடில் ஆர்டரில் குறிப்பாக நான்காவது வீரராக யாரை களமிறக்குவது என்பதில் இந்திய அணி இதுவரை மியூசிகல் சேர் விளையாட்டை போன்றே ஒவ்வொரு போட்டியிலும் ஒவ்வொரு வீரரை களமிறக்கி பலப்பரீட்சை செய்து வருகிறது. இருந்த போதிலும் நான்காவது இடத்தில் களமிறங்க சரியான வீரர் இதுவரை கிடைக்கவில்லை. நான்காவது இடத்தில் களமிறங்கும் வீரர்கள் பட்டியலில் கே.எல் ராகுல், தினேஷ் கார்த்திக், ரிஷப் பண்ட், ஸ்ரேயஸ் ஐயர், சுரேஷ் ரெய்னா, மணிஷ் பாண்டே ஆகியோரிடையே கடும் போட்டி நிலவி வருகிறது. இவர்களில் ஒருவர் கூட நான்காவது இடத்திற்கு நான் முழு தகுதியானவன் என்பதை இன்னமும் நிரூபிக்கவில்லை என்பதே வேதனை தரும் விசயம். முதல் மூன்று வீரர்களை நம்பியே செயல்படுவது; சமீபகாலமாக இந்திய அணி பெற்ற வெற்றிகளை எடுத்து பார்த்தால் அதில் இந்திய அணியின் முதல் மூன்று வீரர்களான தவான், ரோஹித் சர்மா மற்றும் கோஹ்லி ஆகியோரில் யாராவது ஒருவரின் பங்களிப்பே அதிகமானதாக இருக்கும், இன்னும் சொல்லப்போனால் அவரே அந்த போட்டியில் இந்திய அணியின் வெற்றிக்கு காரணமாகவும் திகழ்ந்திருப்பார். முதல் மூன்று வீரர்களும் ஓரிரு போட்டிகளில் சொதப்பும் பட்சத்தில் இந்திய அணி அந்த பின்னடைவில் இருந்து மீண்டு வரவே முடியாமல் கடுமையாக தவித்து வருகிறது. இதற்கு உதாரணம் இங்கிலாந்து அணியுடனான மூன்றாவது ஒருநாள் போட்டி. ADELAIDE, AUSTRALIA - FEBRUARY 08: Shikhar Dhawan and Rohit Sharma of India speak between overs during the ICC Cricket World Cup warm up match between Australia and India at Adelaide Oval on February 8, 2015 in Adelaide, Australia. (Photo by Morne de Klerk/Getty Images) ஆகவே, முதல் மூன்று வீரர்களை மட்டுமே நம்பி இருக்காமல் ஒவ்வொரு வீரரும் தங்களது பங்களிப்பை சரியாக செய்ய வேண்டும், அதற்கு கிரிக்கெட் நிர்வாகவும் வழிவகை செய்ய வேண்டும். வேகப்பந்து வீச்சாளர்கள் பற்றாக்குறை இந்திய அணியில் இடம்பிடிக்க அஸ்வின், ஜடேஜா, சாஹல் மற்றும் குல்தீப் யாதவ் என நான்கு சுழற்பந்து வீச்சாளர்கள் மத்தியில் கடுமையான போட்டி நிலவி வரும் அதே வேளையில் மறுமுனை வேகப்பந்து வீச்சாளர்கள் வரிசையில் பற்றாக்குறையே நிலவி வருகிறது. பும்ராஹ் மற்றும் புவனேஷ்வர் குமார் ஆகியோர் சிறப்பாக செயல்பட்டாலும் இவர்களுக்கு ஒருவேளை காயம் ஏற்படும் பட்சத்தில் இவர்கள் இருவரின் இடத்தை நிரப்பும் அளவிற்கு தகுதியான வீரர் இந்திய அணியில் உள்ளார்களா என்பது மிகப்பெரும் கேள்விக்குறியே. கூடுதல் பந்துவீச்சாளர் ஆல் ரவுண்டரான ஹர்திக் பாண்டியா ஒரு சில போட்டிகளில் சிறப்பாக செயல்பட்டாலும் பல போட்டிகளில் கடுமையாக சொதப்பி வருகிறார். குறிப்பாக பந்துவீச்சில் ரன்களை வாரி வழங்கிவிடுகிறார். பேக்அப் பவுலராக இருக்கும் இவர் சொதப்புவது இந்திய அணிக்கு கூடுதல் நெருக்கடியை கொடுத்து விடுகிறது. 2019ம் ஆண்டு உலகக்கோப்பைக்கு முன்னதாக இந்திய அணி இந்த பிரச்சனையையும் சரி செய்ய வேண்டும். பினிசிங் மிடில் ஆர்டர் பிரச்சனையை போல் பினிசிங்கிலும் இந்திய அணி கடும் பின்னடைவையே சந்தித்து வருகிறது. பெஸ்ட் பினிசராக அறியப்படும் தோனியும் சமீப காலமாக மிக நிதானமாக விளையாடி வருவதால் இந்திய அணி சிறந்த பினிசர் இல்லாமல் தவித்து வருகிறது. 2019ம் ஆண்டு உலகக்கோப்பைக்கு முன்னதாக இந்திய அணி இந்த பிரச்சனையையும் சரி செய்ய வேண்டும்.

Leave a comment