சர்வதேச கிரிக்கெட் போட்டிகளில் இருந்து பஞ்சாபைச் சேர்ந்த மன்பிரீட் கோனி ஓய்வு பெறுவதாக தனது முடிவை அறிவித்துள்ளார். மேலும் உள்ளூர் டி20 போட்டிகளில் மட்டும் ஆட இருப்பதாகவும் தெரிவித்துள்ளார்.
பஞ்சாப் கிரிக்கெட் வாரியத்தில் இருந்து சில தினங்களுக்கு முன்பு இந்திய அணியின் மிக முக்கிய வீரராக திகழ்ந்து வந்த யுவராஜ் சிங், கடந்த சில வருடங்களாக இந்திய அணியில் இடம்பிடிக்க உடல் தகுதியின் காரணமாக தவறி வந்த நிலையில் மோசமான ஐபிஎல் சீசனுக்கு பிறகு சர்வதேச போட்டிகளிலிருந்து ஓய்வு பெறுவதாக அறிவித்தார். அதைத் தொடர்ந்து அசோசியேஷனில் இருந்து மேலும் ஒரு வீரரான மன்பிரீட் கோனி தற்போது சர்வதேச போட்டிகளிலிருந்து ஓய்வு பெறுவதாக ஒருமனதாக அறிவித்துள்ளார்.
36 வயதான கோனி, முதல் தர போட்டிகளில் 2007 ஆம் ஆண்டு அறிமுகமாகி தொடர்ந்து பஞ்சாப் அணிக்கு மிக முக்கியமான வேகப்பந்து வீச்சாளராக திகழ்ந்து வந்துள்ளார். பேர் இதுவரை 61 முதல் தர போட்டிகளில் 90 டி20 போட்டிகளில் ஆடி இருக்கிறார். மேலும் 2008 ஆம் ஆண்டு ஜூன் 25ஆம் தேதி இந்திய அணியின் ஒருநாள் போட்டித்தொடரில் அறிமுகமானவர் அதே தொடரில் இரண்டு போட்டிகளில் மட்டுமே ஆடினார். அதன் பிறகு இந்திய அணியில் இவருக்கு வாய்ப்பு கிடைக்கவில்லை.
ஆனால் முதல் தர போட்டிகளில் பஞ்சாப் அணிக்கு தொடர்ந்து முன்னணி வேகப்பந்து வீச்சாளராக இருந்துள்ளார். இந்நிலையில் நேற்றைய தினம் தனது டுவிட்டர் பக்கத்திலும் பின் பல சமூக வலைதளங்களிலும் சர்வதேச போட்டிகளில் இருந்து ஓய்வு பெறுவதாக அறிவித்தார். அதேநேரம் உள்ளூர் டி20 போட்டிகளில் தொடர்ந்து ஆட விருப்பம் தெரிவித்துள்ளார்.
இவர் இந்த ஆண்டு கனடா டி20 லீக் போட்டிகளில் டொரன்டோ அணிக்காக ஆட இருக்கிறார். மேலும் சுவாரஸ்யமான ஒன்று என்னவெனில் யுவராஜ் சிங்கும் இதற்காகத்தான் ஆட உள்ளார்.