இந்திய அணியின் நட்சத்திர வேகப்பந்து வீச்சாளர் முகமது சமி செய்தியாளர்கள் சந்திப்பில் இந்திய அணியின் கேப்டன் ரோகித் சர்மாவை பாராட்டிப் பேசியுள்ளார்.
தென் ஆப்பிரிக்கா அணிக்கு எதிரான தொடரில் படுமோசமாக தோல்வியைத் தழுவிய இந்திய அணி ரோஹித் சர்மா தலைமையில் மீண்டும் கம்பேக் கொடுத்து வெஸ்ட் இண்டீஸ் அணிக்கு எதிரான தொடரை 3-0 என வாஷ் அவுட் செய்து வெற்றி பெற்றது.
இதற்குமுன் நடைபெற்ற நியூசிலாந்து அணிக்கு எதிரான லிமிடெட் ஒவ்வொரு தொடரிலும் ரோஹித் சர்மா தலைமையில் இந்திய அணி வெகு சிறப்பாக செயல்பட்டு வெற்றி பெற்று சாதனை படைத்த நிலையில்,அடுத்த தொடரை வாஷ் அவுட் செய்து வெற்றி பெற்றுள்ளது இந்திய கிரிக்கெட் ரசிகர்கள் மற்றும் முன்னாள் வீரர்கள் மத்தியில் வரவேற்பை பெற்றுள்ளது.
ரோகித் சர்மா சின்ன சின்ன தவறுகள் செய்தாலும் ஒரு அணி வெற்றி பெறுவதற்கான அனைத்து ஏற்பாடுகளையும் செய்துள்ளார், என்று கிரிக்கெட் விமர்சகர்கள் ரோஹித் சர்மாவை பெரிதும் பாராட்டி வருகின்றனர்.
இந்த வரிசையில் இந்திய அணியின் நட்சத்திர வேகப்பந்து வீச்சாளர் முகமது சமி செய்தியாளர்கள் சந்திப்பில் ரோஹித் சர்மாவின் கேப்டன்ஷிப் குறித்து பாராட்டிப் பேசியுள்ளார்.
அதில் பேசிய அவர், “ரோஹித் சர்மா ஒரு சிறந்த கேப்டன் என்பதில் எந்த ஒரு சந்தேகமும் கிடையாது, அவர் ஐபிஎல் தொடரில் பல முறை வெற்றி பெற்று தனது திறமையை நிரூபித்துள்ளார். ரோஹித் சர்மா ஒரு மிகச்சிறந்த கேப்டன் அவர் எப்பொழுதுமே எனக்கு உறுதுணையாக இருப்பார்,நானும் அவரும் நீண்ட காலமாகவே இந்திய அணியில் விளையாடி வருகிறோம் ”என்று முகமது சமி பேசியிருந்தார்.
மேற் கூறப்பட்ட தகவல்கள் ஐபிஎல் ஏலம் நடைபெற்று முடிந்த பின் பேசப்பட்டதாகும், இந்த ஐபிஎல் ஏலத்தில் முகமது சமி குஜராத் அணிக்காக 6.25 கோடி ரூபாய்க்கு ஒப்பந்தம் செய்யப்பட்டுள்ளார் என்பது குறிப்பிடத்தக்கது.