வீடியோ : பட்டையை கிளப்பிய இந்திய பந்துவீச்சாளர்கள் ! ஒரே நாளில் பத்து விக்கெட் ! ஹைலைட்ஸ் வீடியோ !
இந்தியா மற்றும் ஆஸ்திரேலியா அணிகளுக்கு இடையேயான முதல் டெஸ்ட் போட்டி அடிலெய்ட் மைதானத்தில் நடைபெற்று வருகிறது. இந்த போட்டி பகல் இரவு ஆட்டமாக திட்டமிடப்பட்டு நடைபெற்று வருகிறது. இந்த போட்டியில் டாஸ் வென்ற இந்திய அணி முதலில் பேட்டிங்கை தேர்வு செய்தது. நன்றாக ஆடிக்கொண்டிருந்த இந்திய அணியின் ஆட்டம் 188 ரங்களுக்கு 3 விக்கெட்களை இழந்து, இதன் பிறகு இந்திய அணி 244 ரங்களுக்கு 10 விக்கெட் என்று சுருண்டது. விராட் கோலி 74, புஜாரா 43, ரகானே 42 ரன்கள் எடுத்தனர். ஆஸ்திரேலியா தரப்பில் ஸ்டார்க் 4, பேட் கம்மின்ஸ் 3 விக்கெட் சாய்த்தனர்.
இதையடுத்து ஆஸ்திரேலிய அணி முதல் இன்னிங்க்ஸை தொடங்கியது. பும்ரா, ஷமி, உமேஷ் யாதவ், அஷ்வின் என இந்திய பந்துவீச்சை தாக்கு பிடிக்க முடியாமல் சீரான இடைவெளியில் விக்கெட்டை இழந்து கொண்டே இருந்தது ஆஸ்திரேலியா. மேத்யூ வேட், ஜோ பேர்ன்ஸ், ஸ்மித், ஹெட், கேமரூன் கிரீன், லபுஷேன், கம்மின்ஸ், ஸ்டார்க், நாதன் லியோன், ஹேசல்வுட் ஆகிய பேட்ஸ்மேன்கள் அவுட்டாகியிருந்தனர். டிம் பெய்ன் அதிகபட்சமாக ஆஸ்திரேலியாவுக்காக 73 ரன்களை குவித்தார். 72.1 ஓவரில் 191 ரன்களை ஆஸ்திரேலியா குவித்து ஆல் அவுட்டானது.
அதையடுத்து இந்திய அணி இரண்டாம் நாள் ஆட்டத்தில் இரண்டாவது இன்னிங்க்ஸை 54 ரன்கள் முன்னிலையில் விளையாடி வருகிறது. இந்திய அணி தரப்பில் பிரித்வி ஷா, மயங்க் அகர்வால் தொடக்க வீரர்களாக களமிறங்கினர். இரண்டாம் நாள் ஆட்டத்தில் மட்டும் இந்தியா – ஆஸ்திரேலியா என மொத்தமாக 15 விக்கெட்டுகள் வீழ்ந்துள்ளன. பும்ரா (2), அஷ்வின் (4), உமேஷ் யாதவ் (3) ஆகிய பவுலர்கள் ஆஸ்திரேலிய பேட்ஸ்மேன்களின் விக்கெட்டுகளை வேட்டையாடினர். இரண்டாம் நாள் ஆட்ட முடிவில் இந்திய அணி 1 விக்கெட் இழப்பிற்கு 9 ரன்களை குவித்து ஆட்டத்தில் 62 ரன்கள் முன்னிலை பெற்றுள்ளது.