சர்வதேச டி.20 போட்டிகளுக்கான புதிய தரவரிசை பட்டியலை சர்வதேச கிரிக்கெட் கவுன்சிலான ஐசிசி வெளியிட்டுள்ளது.
சர்வதேச டி.20 போட்டிகளுக்கான புதிய தரவரிசை பட்டியலை ஐசிசி வெளியிட்டுள்ளது. டி.20 பேட்ஸ்மேன்களுக்கான புதிய தரவரிசை பட்டியலின் முதல் 10 இடத்திற்குள் வெறும் 2 இரண்டு இந்திய வீரர்கள் மட்டுமே இடம்பெற்றுள்ளனர். இந்திய அணியின் கேப்டனான விராட் கோலி 7வது இடத்திலும், குட்டி கோலி என்று அழைக்கப்படும் துவக்க வீரர் கே.எல் ராகுல் மூன்றாவது இடத்திலும் உள்ளனர். முன்னதாக விராட் கோலி 8வது இடத்தில் இருந்தார், ஆஸ்திரேலிய அணியுடனான டி.20 தொடரில் சிறப்பாக விளையாடியதன் மூலம் ஒரு இடம் முன்னேறி 7வது இடத்தை பிடித்துள்ளார்.
அதே போல் பேட்ஸ்மேன்களுக்கான தரவரிசையில், இங்கிலாந்தை சேர்ந் டேவிட் மலான் முதல் இடத்திலும் பாகிஸ்தான் அணியின் பாபர் ஆசம் 2-வது இடத்திலும் உள்ளனர்.
பந்து வீச்சாளர்களுக்கான தர வரிசையில் ஆப்கானிஸ்தான் அணியின் ரஷீத்கான், முஜ்பூர் ரகுமான் முதல் 2 இடங்களில் உள்ளனர். இங்கிலாந்தை சேர்ந்த ஆதில் ரஷித் 3-வது இடத்தில் உள்ளார்.
பந்துவீச்சு மற்றும் ஆல் ரவுண்டர்களுக்கான தரவரிசை பட்டியலின் முதல் 10 இடத்தில் எந்த இந்திய வீரரும் இடம்பெறவில்லை.