தென்னாப்பிரிக்க அணியை முதன்முதலில் எதிர்கொள்ளப் போகும் 5 வீரர்கள் பற்றி இங்கு காண்போம் !!

தென் ஆப்ரிக்கா சென்றுள்ள இந்திய கிரிக்கெட் அணி, தென் ஆப்ரிக்கா அணியுடன் மூன்று டெஸ்ட் போட்டிகள் மற்றும் மூன்று ஒருநாள் போட்டிகள் கொண்ட தொடரில் பங்கேற்றுள்ளது.இதில் முதலில் நடைபெற்று வரும் டெஸ்ட் தொடரில் இந்திய அணி 1-0 என்ற கணக்கில் முன்னிலையில் உள்ளது. டெஸ்ட் தொடருக்கு பிறகு நடைபெறும் ஒருநாள் தொடருக்கான இந்திய அணி கடந்த சில தினங்களுக்கு முன்பு அறிவிக்கப்பட்டது.இந்திய அணியின் புதிய கேப்டனான ரோஹித் சர்மா காயம் காரணமாக ஒருநாள் தொடரில் இருந்து விலகியதால், கே.எல் ராகுல் ஒருநாள் தொடருக்கான இந்திய அணியின் கேப்டனாக நியமிக்கப்பட்டார். அதே போல் ஜஸ்ப்ரிட் பும்ராஹ் ஒருநாள் தொடருக்கான துணை கேப்டனாக நியமிக்கப்பட்டார். இந்த நிலையில் தென்னாப்பிரிக்க மண்ணில். தென் ஆப்பிரிக்க அணிக்கு எதிரான ஒருநாள் தொடரில் முதன் முதலாக விளையாடப் போகும் 5 வீரர்கள் பற்றி இங்கு காண்போம் வெங்கடேஷ் ஐயர் 2021 ஐபிஎல் தொடரில் கொல்கத்தா நைட் ரைடர்ஸ் அணிக்காக அறிமுகமான இந்திய அணியின் இளம் ஆல்ரவுண்டர் வெங்கடேச ஐயர் தனது சிறப்பான திறமையின் மூலம் கிரிக்கெட் வட்டாரத்தில் பிரபலமான வீரராக அறிமுகமானார். மேலும் அதனைத் தொடர்ந்து நடைபெற்ற நியூசிலாந்து அணிக்கு எதிரான டி20 தொடரிலும் விஜய் ஹசாரே உள்ளிட்ட உள்ளூர் போட்டிகளிலும் மிகச்சிறந்த முறையில் விளையாடியதன் காரணமாக தென் ஆப்பிரிக்க அணிக்கு எதிரான ஒருநாள் தொடருக்கான இந்திய அணியில் இடம் பிடித்தார். இதன் மூலம் வெங்கடேச ஐயர் ஒருநாள் தொடருக்கான இந்திய அணியில் அறிமுகமாகிறார் என்பது குறிப்பிடத்தக்கது. ருத்ராஜ் கெய்க்வாட் 2021 ஐபிஎல் தொடரில் சென்னை அணியின் துவக்க வீரராக களமிறங்கிய ருத்ராஜ் அந்த தொடருக்கான அதிகமான ரன்கள் அடித்த வீரர் என்ற சாதனையை படைத்த அசத்தினார். மேலும் அதனை தொடர்ந்து நடைபெற்ற 50 ஓவர்கள் கொண்ட விஜய் ஹசாரே போட்டியில் 5 போட்டிகளில் பங்கேற்ற ருத்ராஜ் 603 ரன்கள் அடித்து தனது அபாரமான பார்மை வெளிப்படுத்தினார். இதன் மூலம் தென் ஆப்பிரிக்கா அணிக்கு எதிரான ஒருநாள் தொடருக்கான இந்திய அணியில் இவர் இடம் பிடித்துள்ளார் இது இந்திய அணிக்காக அவருடைய முதல் ஒருநாள் போட்டி என்பது குறிப்பிடத்தக்கது. ரிஷப் பண்ட் 2018 ஆம் ஆண்டு வெஸ்ட் இண்டீஸ் அணிக்கு எதிரான ஒருநாள் தொடரில் இந்திய அணிக்கு அறிமுகமான ரிஷப் பண்ட் மூன்று விதமான தொடர்களில் இந்திய அணிக்காக பல முறை சிறப்பாக செயல்பட்டு பல வெற்றிகளைப் பெற்றுக் கொடுத்துள்ளார். இருந்தபோதும் இந்த மூன்று வருடங்களில் இவர் தென் ஆப்பிரிக்க அணிக்கு எதிராக ஒரு ஒருநாள் போட்டியில் கூட விளையாடவில்லை, வருகிற ஒருநாள் தொடர் தான் ரிஷப் பண்டிர்க்கு தென்னாபிரிக்க அணிக்கு எதிரான முதல் ஒருநாள் போட்டியாகும். சூர்யகுமார் யாதவ் ஐபிஎல் தொடரில் சிறப்பாக விளையாடியதன் காரணமாக இங்கிலாந்து அணிக்கு எதிரான போட்டியில் இந்திய அணிக்கு அறிமுகமான சூர்யகுமார் யாதவ், சிகர் தவான் தலைமையில் இலங்கை அணிக்கு எதிரான ஒருநாள் தொடரில் தனது முதல் ஒருநாள் போட்டியில் விளையாடி உள்ளார். அதிரடியாக பேட்டிங் செய்யும் திறமை படைத்த இவர் தென் ஆப்பிரிக்க அணிக்கு எதிராக முதன் முறை விளையாட உள்ளார் என்பது குறிப்பிடத்தக்கது. கே எல் ராகுல் இந்திய அணியின் நட்சத்திர வீரர் கேஎல் ராகுல் இந்திய அணிக்காக மூன்றுவிதமான தொடர்களிலும் மிகச்சிறப்பாக விளையாடி பல வெற்றிகளை இந்திய அணிக்கு பெற்றுக் கொடுத்துள்ளார். காயம் காரணமாக ஒருநாள் தொடருக்கான இந்திய அணியின் கேப்டன் ரோகித் சர்மா விளையாடாததன் காரணமாக தற்காலிக லிமிடெட் ஒரு கேப்டனாக கேஎல் ராகுல் நியமிக்கப்பட்டுள்ளார். மேலும் கேப்டனாக பொறுப்பேற்றுள்ள கே எல் ராகுல் தென் ஆப்பிரிக்க அணிக்கு எதிரான முதல் ஒருநாள் போட்டியில் விளையாட உள்ளார் என்பது ஆச்சரியமான ஒரு விஷயமாகும்.

Leave a comment