ஐபிஎல் தொடரின் மூலம் அடித்த யோகம்... தென் ஆப்ரிக்கா தொடருக்கான இந்திய அணியில் இடம்பிடிக்க வாய்ப்புள்ள ஐந்து இளம் வீரர்கள் !! - Page 3 of 5

ஐபிஎல் தொடர் நிறைவடைந்த பிறகு இந்தியாவிற்கு வரும் தென் ஆப்ரிக்கா கிரிக்கெட் அணி, இந்திய அணியுடன் ஐந்து டி.20 போட்டிகள் கொண்ட தொடரில் பங்கேற்க உள்ளது.இந்திய அணியின் சீனியர் வீரர்கள் பலர் ஓய்வு இல்லாமல் கடந்த மூன்று மாதங்களாக விளையாடி வருவதாலும், ஜூலை மாத துவக்கத்தில் நடைபெற இருக்கும் இங்கிலாந்து அணியுடனான கிரிக்கெட் தொடரை கருத்தில் கொண்டும், தென் ஆப்ரிக்கா அணிக்கு எதிரான கிரிக்கெட் தொடரில் சீனியர் வீரர்கள் பலருக்கு ஓய்வு வழங்கப்பட்டு அவர்களுக்கு பதிலாக ஐபிஎல் போட்டிகளில் சிறப்பாக செயல்பட்ட இளம் வீரர்கள் பலருக்கு அணியில் இடம் கொடுக்கப்படலாம் என தெரிகிறது. அப்படி ஐபிஎல் தொடரில் சிறப்பாக செயல்பட்டு இந்திய அணியில் தேர்வாக வாய்ப்புள்ள 5 வீரர்கள் பற்றி இங்கு காண்போம் திலக் வர்மா மும்பை இந்தியன்ஸ் அணியை சேர்ந்த இளம் பேட்ஸ்மேன் திலக் வர்மா, 2022 ஐபிஎல் தொடரில் 12 போட்டிகளில் பங்கேற்று 368 ரன்கள் எடுத்துள்ளார். இவரே மும்பை இந்தியன்ஸ் அணியில் அதிக ரன்கள் எடுத்த வீரர்கள் வரிசையில் முதலிடத்தில் உள்ளார். மிடில் ஆர்டர்களில் பேட்டிங் செய்யக் கூடிய திறமை படைத்த இவர் நிச்சயம் எதிர்கால இந்திய அணியின் முக்கிய வீரராக செயல்படுவார் என ரோஹித் சர்மாவே இவரை பாராட்டியதால், எதிர்வரும் தென்னாபிரிக்கா அணிக்கு எதிரான தொடரில் இவருக்கு வாய்ப்பு அளிக்கப்படும் என்று எதிர்பார்க்கப்படுகிறது. ருத்ராஜ் கெய்க்வாட் கடந்த வருட ஐபிஎல் தொடரில் அதிக ரன்கள் எடுத்த வீரர் என்ற வரிசையில் முதலிடத்தை பிடித்த சென்னை அணியின் அதிரடி துவக்க வீரர் ருத்ராஜ், 2022 ஐபிஎல் தொடரின் ஆரம்பத்தில் சிறப்பாக செயல்படவில்லை. பின் மீண்டும் தனது பார்மை மீட்டெடுத்து சிறப்பாக விளையாட தொடங்கிய ருத்ராஜ் கெய்க்வாட், 12 போட்டிகளில் பங்கேற்று 366 ரன்களை அடித்துள்ளார். இவரை எதிர்வரும் தென் ஆப்பிரிக்கா அணிக்கு எதிரான தொடரில் ஷிகர் தவான் உடன் துவக்க வீரராக விளையாடுவதற்காக தேர்ந்தெடுப்பார்கள் என்று எதிர்பார்க்கப்படுகிறது. உம்ரான் மாலிக் நடப்பு ஐபிஎல் தொடரில் அதிகமாக பேசப்படும் வீரர்களில் ஒருவரான ஹைதராபாத் அணியின் வேகப்பந்துவீச்சாளர் உம்ரான் மாலிக் 150+வேகத்தில் மிக எளிதாக பந்து வீச கூடிய திறமை படைத்தவர். சிறப்பான ஆட்டத்தை வெளிப்படுத்தி வரும் இவருக்கு நிச்சயம் எதிர் வரும் தென் ஆப்பிரிக்கா அணிக்கு எதிரான தொடரில் வாய்ப்பு அளிக்கப்படும் என்று நம்பப்படுகிறது. அர்ஷ்திப் சிங் நடப்பு ஐபிஎல் தொடரில் தன்னுடைய பந்துவீச்சில் மிகக்குறைந்த சிக்சர்களை விட்டுக்கொடுத்த வீரர் என்று சாதனை படைத்த பஞ்சாப் கிங்ஸ் அணியின் நட்சத்திர வேகப்பந்து வீச்சாளர் அர்ஷ்திப் சிங், டெத் ஓவர்களிலும் சிறப்பாக பந்து வீச கூடிய திறமை படைத்தவர். நிச்சயம் இவருக்கு எதிர்வரும் தென் ஆப்பிரிக்கா அணிக்கு எதிரான தொடரில் இந்திய அணி வாய்ப்பளிக்கும் என்று எதிர்பார்க்கப்படுகிறது. ஆவேஷ் கான் நடப்பு ஐபிஎல் தொடரில் இதுவரை பங்கேற்ற போட்டிகளில் சிறப்பான பந்துவீச்சை வெளிப்படுத்தி அவேஷ் கான், மொத்தம் 17 விக்கெட்டுகளை வீழ்த்தியுள்ளார். லக்னோ அணியின் வெற்றிக்கு முக்கிய வீரர்களில் ஒருவராக திகழும் ஆவேஷ் கான், நிச்சயம் எதிர்வரும் தென் ஆப்பிரிக்க அணிக்கு எதிரான தொடரில் பங்கேற்பார் என்று எதிர்பார்க்கப்படுகிறது.

Leave a comment