காரணமே இல்லாமல் இலங்கை டெஸ்ட் தொடரில் இருந்து புறக்கணிக்கப்பட்ட மூன்று வீரர்கள் !!

அடுத்த சில தினங்களில் இந்தியா வரும் இலங்கை கிரிக்கெட் அணி, இந்திய அணியுடன் மூன்று டி.20 போட்டிகள் மற்றும் இரண்டு டெஸ்ட் போட்டிகள் கொண்ட தொடரில் பங்கேற்கிறது. இந்த தொடரில் இளம் வீரர்கள் பலருக்கு இந்திய அணி வாய்ப்புள்ளது ஆனால் பெரிதும் எதிர்பார்க்கப்பட்ட சில வீரர்கள் இந்த தொடரில் இடம் பெறவில்லை. இந்தநிலையில் இலங்கை அணிக்கு எதிரான டெஸ்ட் தொடரில் வாய்ப்பு கிடைக்கும் என்று எதிர்பார்க்கப்பட்ட மூன்று வீரர்களுக்கு வாய்ப்பு மறுக்கப்பட்டுள்ளது. அப்படிப்பட்ட மூன்று வீரர்கள் குறித்து இங்கு காண்போம். விருத்திமான் சஹா வாய்ப்பு கிடைக்கும் கிடைக்கும் என்று எதிர்பார்த்து நீண்ட நாட்களாகவே இந்திய அணியில் வாய்ப்பு கிடைக்காமல் தவித்து வரும் விருத்திமான் சஹா, இலங்கை அணிக்கு எதிரான டெஸ்ட் தொடரில் இந்திய அணியில் வாய்ப்பு கிடைக்கும் என்று பெரிதும் நம்பியிருந்தார். ஆனால் இந்திய அணியின் தேர்வாளர்கள் குழு இலங்கை அணிக்கு எதிரான டெஸ்ட் தொடரில் சஹாவை தேர்ந்தெடுக்கவில்லை. மேலும் அவரிடம் ரஞ்சி கோப்பையில் கவனம் செலுத்தி சிறப்பாக செயல்படும் அறிவுரை வழங்கியுள்ளது. அக்சர் படேல் கடந்த நியூசிலாந்து அணிக்கு எதிரான டெஸ்ட் தொடரில் இரண்டு போட்டிகளில் பங்கேற்று 9 விக்கெட்களை வீழ்த்தி அசத்திய அக்சர் பட்டேல் வெஸ்ட் இண்டீஸ் அணிக்கு எதிரான டி20 தொடரில் இந்திய அணியில் வாய்ப்பு கிடைத்தது. பின் கொரோனா தொற்று ஏற்பட்டதின் காரணமாக இந்திய அணியிலிருந்து நீக்கப்பட்ட அக்சர் பட்டேல் தற்போது பரிபூரண குணம் அடைந்துள்ளார். இதன் காரணமாக இலங்கை அணிக்கு எதிரான டெஸ்ட் தொடரில் இவருக்கு வாய்ப்பு கிடைக்கும் என்று எதிர்பார்க்கப்பட்டது, ஆனால் இவர் இந்திய அணியில் இடம்பெறவில்லை. ஆவேஷ் கான் உள்ளூர் போட்டிகளில் சிறப்பாக செயல்பட்டு வரும் 25 வயதான இளம் வீரர் அவேஷ் கான் இந்திய அணிக்காக ஒருநாள் தொடர் மற்றும் டி20 தொடர் போன்ற போட்டிகளில் பங்கேற்று விளையாடி விட்டார். இந்தநிலையில் இலங்கை அணிக்கு எதிரான டெஸ்ட் தொடரிலும் இவர் விளையாடி விடுவார் என்று பெரிதும் எதிர்பார்க்கப்பட்டது.ஆனால் டெஸ்ட் தொடருக்கான இந்திய அணியில் இவருக்கு வாய்ப்பு கிடைக்கவில்லை என்பது குறிப்பிடத்தக்கது.

Leave a comment