வெஸ்ட் இண்டீஸ் அணிக்கு எதிரான போட்டியில் என்னால் சிறப்பாக செயல்பட முடிந்ததற்கு ரோகித் சர்மா கூறிய அந்த வார்த்தை தான் காரணம் என்று சஹால் பத்திரிகையாளர்கள் சந்திப்பின்போது பேசியுள்ளார்.
இந்திய சுற்றுப்பயணம் மேற்கொண்டுள்ள வெஸ்ட் இண்டீஸ் அணி இந்திய அணிக்கு எதிராக 3 ஒருநாள் போட்டிகள் கொண்ட தொடரில் பங்கேற்று விளையாடி வருகிறது.
இதில் பிப்ரவரி 6ஆம் தேதி நடைபெற்ற இந்திய அணிக்கு எதிரான முதல் ஒருநாள் போட்டியில் இந்திய அணியின் பந்து வீச்சாளர்களை சமாளிக்க முடியாமல் வெஸ்ட் இண்டீஸ் அணி 10 விக்கெட் இழப்பிற்கு 176 ரன்கள் மட்டுமே எடுத்தது, இந்த எளிய இலக்கை சேஸ் செய்து களமிறங்கிய இந்திய அணி 28 ஓவர்களில் தனது வெற்றியை பதிவு செய்தது.
இதனால் தனது 1000வது ஒருநாள் போட்டியை விளையாடும் இந்திய அணி, ரோஹித் சர்மா தலைமையில் வெற்றி பெற்று அசத்தியுள்ளது.
இந்த வரலாற்றுச் சிறப்புமிக்க போட்டியில் இந்திய அணி வெற்றி பெற்றதற்கு முக்கிய காரணம் இந்திய அணியின் சுழற்பந்து வீச்சாளர் சஹால் வீசிய சிறப்பான ஓவர் என்றே கூறலாம், வெஸ்ட் இண்டீஸ் அணியின் கேப்டன் பொலார்ட் உட்பட விண்டிஸ் பேட்ஸ்மென்கள் 4விக்கெட்டை வீழ்த்தி இந்திய அணி வெற்றி பெறுவதற்கு உறுதுணையாக இருந்தார்.
இந்த நிலையில் வெஸ்ட் இண்டீஸ் அணிக்கு எதிரான போட்டியில் தன்னால் எப்படி சிறப்பாக செயல்பட முடிந்தது என்பது குறித்து சஹால் பத்திரிகையாளர்களின் சந்திப்பின்போது பேசியுள்ளார்.
அதில், வெஸ்ட் இண்டீஸ் அணிக்கு எதிரான முதல் போட்டியில் விளையாடுவதற்கு முன் ரோகித் சர்மா என்னிடம் அதிகமான கூகுளி பந்து வீசினால் தான் லெக்ஸ்பின்னிர்க்கு பலம் சேர்க்கும் என்று கூறினார், இதனால் நான் இதை பயிற்சியின் போது அதிகமாக செய்து வந்தேன் அப்பொழுது தான் எனக்கு அது நன்றாக புரிந்தது, அதற்கு முன்புவரை ஒருவேளை கூகுளி பந்து வீசுவது பேட்ஸ்மேன் கண்ணுக்கு நன்றாக தெரிந்தால் அதை அவர் கணித்து சிக்ஸர் அடித்துவிடுவார் என்று கருதி குறைவாகவே கூகுளி பந்து வீசுவேன், ஆனால் ரோகித் சர்மா கொடுத்த நம்பிக்கையின் காரணமாக வெஸ்ட் இண்டீஸ் அணிக்கு எதிரான முதல் போட்டியில் அதிகமாக கூகுளி பந்து வீசினேன். அதேபோன்று பொலார்ட் விக்கெட்டை வீழ்த்துவதற்கு ரோஹித் சர்மா என்னிடம் பந்தை புல் லெந்தில் வீச சொன்னார், ஒருவேளை அதில் சிறிய மாற்றம் ஏற்பட்டாலும் சிக்சர் அடிப்பதற்கு 80 %வாய்ப்பாக மாறிவிடும் என்று சஹால் பேசியிருந்தார்.மேலும் ரோகித் சர்மா நீ மிகவும் முக்கியமான வீரர் என்று என்னிடம் கூறியிருந்தார் என்று பேசியிருந்தது குறிப்பிடத்தக்கது.