முதல் போட்டியிலேயே மொசமான சாதனை படைத்த முகமது சிராஜ்
கலீல் அஹமதிற்கு பதிலாக ஆஸ்திரேலிய அணிக்கு எதிரான இரண்டாவது ஒருநாள் போட்டியின் மூலம் இந்திய அணிக்கு அறிமுகமாகியுள்ள முகமது சிராஜ், தனது முதல் போட்டியிலேயே மிக மோசமான சாதனை ஒன்றிற்கு சொந்தக்காரனாகியுள்ளார்.
ஆஸ்திரேலியா சென்றுள்ள விராட் கோஹ்லி தலைமையிலான இந்திய கிரிக்கெட் அணி, ஆஸ்திரேலிய அணியுடன் மூன்று ஒருநாள் போட்டிகள் கொண்ட தொடரில் பங்கேற்றுள்ளது.
இந்த தொடரின் முதல் போட்டியில் ஆஸ்திரேலிய அணி வெற்றி பெற்று 1-0 என்ற கணக்கில் முன்னிலையில் உள்ள நிலையில் இரு அணிகள் இடையேயான இரண்டாவது ஒருநாள் போட்டி இன்று நடைபெற்று வருகிறது.
ஆஸ்திரேலியாவின் அடிலெய்டு மைதானத்தில் நடைபெற்று வரும் இந்த போட்டியில் டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்தது.
ஆஸ்திரேலிய அணிக்கு துவக்கம் சரியாக அமையவில்லை. புவனேஷ்வர் குமார் வேகத்தில் பின்ச் 6 அவுட்டானார். அலெக்ஸ் கேரி (18) ரன்கள் எடுத்தார். கவாஜா( 21) ரன்னில் வெளியேறினார். ஜடேஜா சுழலில் பீட்டர் ஹேன்ட்ஸ் கோம்ப் (20) விக்கெட் கீப்பரிடம் கேட்ச் கொடுத்து அவுட் ஆனார்.
ஷான் மார்ஷ் சிறப்பான ஆட்டத்தை வெளிப்படுத்தினார். ஷமி பந்து வீச்சில் ஸ்டாய்னிஸ்( 29 )அவுட்டானார். அபாரமாக செயல்பட்ட மார்ஷ் ஒருநாள் தொடரில் 7-வது சதம் எட்டினார். இவருக்கு மேக்ஸ்வெல் ஒத்துழைப்பு அளிக்க ஸ்கோர் உயர்ந்தது. 6-வது விக்கெட்டுக்கு 94 ரன்கள் சேர்த்தபோது புவனேஷ்வர் குமார் பந்தில் மேக்ஸ்வெல் 48 சிக்கினார். ஷான் மார்ஷ் 131 ரன்களில் அவுட்டானார். ரிச்சர்ட்சன் (2) சிடில் (0) சொதப்ப ஆஸ்திரேலி அணி 50 ஓவர் முடிவில் 9 விக்கெட்டுக்கு 298 ரன்கள் எடுத்தது. லியான் (12) , பெஹ்ரன்டர்ப் (1) அவுட்டாகாமல் களத்தில் இருந்தனர். இந்தியா தரப்பில் அதிகபட்சமாக புவனேஷ்வர் குமார் 4 விக்கெட்டும், முகமது ஷமி 3 விக்கெட்டும், ரவீந்திர ஜடேஜா 1 விக்கெட்டும் எடுத்தனர்.
இந்நிலையில் இந்த போட்டியின் மூலம் இந்திய அணிக்கு அறிமுகமான முகமது சிராஜ், தனது முதல் போட்டியிலேயே மோசமான சாதனை ஒன்றை படைத்துள்ளார்.
இந்த போட்டியில் விக்கெட் எதுவும் வீழ்ட்தாமல் 76 ரன்களை வாரி வழங்கிய முகமது சிராஜ், அறிமுகமான முதல் போட்டியிலேயே ரன்களை வாரி வழங்கிய இந்திய பந்துவீச்சாளர்கள் பட்டியலில் இரண்டாவது இடத்தை பிடித்துள்ளார்.
முதல் போட்டியிலேயே ரன்களை வாரி வழங்கிய இந்திய பந்துவீச்சாளர்கள்;
கர்சன் கான்வ்ரி – 83/0 vs இங்கிலாந்து – 1975/76
முகமது சிராஜ் – 76/0 vs ஆஸ்திரேலியா – 2018/19
அமித் பண்டாரி – 75/2 vs பாகிஸ்தான் – 2000