இந்திய கிரிக்கெட் வீரர்களின் 2018ம் ஆண்டுக்கான சம்பள விவரங்கள்

கிரிக்கெட் என்பது இந்தியாவில் அதிகம் பார்க்கப்படும் ஒரு விளையாட்டு ஆகும். இதை அனைத்து விதமான வயது வகையினரும் பார்த்து ரசிக்கின்றனர். இதனால் வீரர்கள் ரசிகர்களிடையே அதிகமாக போற்றப்படவும் செய்கின்றனர். பிசிசிஐ நிர்வாகம் தான் மற்ற நாடுகளின் கிரிக்கெட் வாரியத்தை விட அதிக பணம் புழங்கும் வாரியம் ஆகும். இதனால் வீரர்களுக்கும் சம்பளங்கள் மற்ற நாடுகளில் உள்ள வீரர்களை விட அதிகம் ஆகும். இதற்கு இணையாக இந்திய வீரர்களும் தனது கடின உழைப்பை செலுத்தி வருகின்றனர். மேலும் வருடம் முழுவதும் நல்ல உடல்நிலையை தயார் நிலையில் வைத்துக்கொண்டும் உள்ளனர். 132 கோடி மக்கள் உள்ள நாட்டில் 11 வீரர்களில் இடம் பெறுவது எளிதானது அல்ல. பிசிசிஐ இந்தமுறை வழக்கமாக இல்லாமல், வருடாந்திர ஒப்பந்தம் மூலமாக வீரர்களை ஒப்பந்தம் செய்ய முடிவு செய்தது. மேலும் 3 விதமான போட்டிகளில் ஆடும் வீரர்களுக்கு அதிக சம்பளமும் வழங்க முடிவு செய்தது. வீரர்களையும் அவர்களின் பிரிவுகளையும் தற்போது பார்ப்போம். கிரேட் A+ 1. விராத் கோலி (Photo Source: AP Photos) இந்திய ரசிகர்களால் மிகவும் போற்றப்படும் பின்பற்றப்படும் வீரர் விராத் கோலி என்றால் மிகையாகாது. இந்திய பேட்டிங் வரிசைக்கு முதுகெலும்பாக விளங்கி வருகிறார். தொடர்ந்து டெஸ்ட் ஒருநாள் போட்டி என அனைத்திலும் சதங்கள் விளாசி சாதனைமேல் சாதனையாக படைத்து வருகிறார். மேலும், அனைத்து விதமான போட்டிகளுக்கு கேப்டன் ஆகவும் விளங்குகிறார். இவர் தலைமையில் தன் இந்திய அணி டெஸ்ட் தரவரிசையில் முதல் இடத்தில் உள்ளது. இவர் எந்தவித தயக்கமும் இன்றி A+ கிரேட் வரிசையில் சேர்க்கப்பட்டுள்ளார். மேலும், வருடத்திற்கு 7 கோடி சம்பளத்திற்கு ஒப்பந்தம் செய்யப்பட்டுள்ளார் 2. ரோஹித் சர்மா ரோஹித் சர்மா ஆரம்பத்தில் சற்று தடுமாறினாலும், பின்பு மீண்டு வந்து இந்திய அணிக்கு நிதானமாகவும், அதிரடி துவக்கத்தையும் கொடுத்துள்ளார். 2013 ம் ஆண்டுக்கு பிறகு, ஒருநாள் போட்டியில் 4616 ரன்கள் குவித்துள்ளார். இது துவக்க வீரர்களில் அதிகபட்சம் ஆகும். மேலும், 2013ம் ஆண்டுக்கு பிறகு அதிக ரன்கள் குவித்தவர்களில் விராத் கோலி க்கு அடுத்தபடியாக உள்ளார். மேலும், டி20 போட்டிகளில் எதிரணியை துவம்சம் செய்யும் ஆட்டக்காரர்களில் இவரும் ஒருவர். இதனால், A+ கிரேட் வீரர்களில் இடம் பெற்றுள்ளார். இவருக்கு வருடாந்திர ஒப்பந்தமாக 7 கோடி வழங்குகிறது பிசிசிஐ நிர்வாகம். 3. ஷிகர் தவான் (Photo Source: AP Photos) ரோஹித் சர்மா உடன் சேர்ந்து களமிறங்கும் ஷிகர் தவான், நன்கு தாக்கம் ஏற்படுத்தும் வீரர். எதிரணி பந்துவீச்சாளர்கள் எளிதில் செட் ஆக விடாமல், துவக்கம் முதல் அவர்களை அடித்து ஆடும் ஒரு வீரர். இந்திய அணிக்காக 3 விதமான போட்டிகளிலும் துவக்கம் செய்யும் வீரர் இவர். கடந்த ஆண்டு கிரேட் C யில் இருந்த இவருக்கு 50 லட்சம் சம்பளம் வழங்கப்பட்டது. தற்போது தசரம் உயர்த்தப்பட்டு A+ கிரேட் யில் இடம் பெற்றுள்ளார். இவருக்கு ஒப்பந்த தொகையாக வருடத்திற்கு 7 கோடி கொடுக்கப்படுகிறது. 4. புவனேஸ்வர் குமார் கடந்த சில ஆண்டுகளாக தனது வேகத்தை மிகவும் அதிகப்படுத்தி வரும் புவனேஸ்வர் தற்போதும் 140 க்கும் மேல் வேகமாக வீசி வருகிறார். தனது துல்லியத்தையும் அதிகரித்து வருகிறார். ஒருநாள் போட்டியில் 180 விக்கெடுகளுக்கும் மேல் எடுத்துள்ளார். இதுவரை 1 கோடிக்கு ஒப்பந்தம் செய்யப்பட்டிருந்த புவனேஸ்வர் தற்போது 7 கோடிக்கு ஒப்பந்தம் செய்யப்பட்டுள்ளார். 5. ஜஸ்பிரித் பும்ரா (Photo Source: AP Photos) மும்பை அணியில் இருந்து இந்திய அணிக்கு எடுக்கப்பட்ட பும்ரா, ஆரம்பத்தில் நிறைய கேள்விகளுக்கு உட்பட்டாலும் தனது சிறப்பான பந்துவீச்சால் அனைத்து கேள்விகளுக்கும் பதில் அளித்துள்ளார். மேலும், வேகமாக மெதுவாக என மாற்றி மாற்றி பந்துகளை வீசி எளிதில் விக்கெட் எடுக்கவும் உதவியுள்ளார். தற்போது டெஸ்ட் போட்டியிலும் அடியெடுத்து வைத்து சிறப்பாக செயல்படுகிறார். இதனால், இந்த ஆண்டு இவரை 7 கோடிக்கு பிசிசிஐ ஒப்பந்தம் செய்துள்ளது. கிரேட் A 1. மகேந்திர சிங் தோனி (Photo Source: PTI) மிகவும் பிரபலமான இந்திய வீரர்களில் ஒருவர் தோனி. கேப்டன் பொறுப்பில் இருந்த தோனி தற்போது அதிலிருந்து விலகி சாதாரண வீரராக உள்ளார். மேலும், இளம் வீரசர்களுக்கு தனது அனுபவத்தை பகிர்ந்து கொண்டு வருகிறார். டெஸ்ட் போட்டியில் இருந்து ஓய்வு பெற்று லிமிட்டெட் ஓவர் போட்டிகளில் மட்டும் ஆடுவதால் முன்பை விட சம்பளம் குறைவு தான். தற்போது 5 கோடிக்கு ஒப்பந்தம் செய்யப்பட்டுள்ளார். 2. அஜிங்க்யா ரஹானே மிகவும் நிதானமாக ஆடும் வீரர்களில் ஒருவர் ரஹானே, டெஸ்ட் போட்டிகளில் துணை கேப்டன் ஆகவும் இருந்து வருகிறார் ரஹானே. லிமிடெட் ஓவர் போட்டிகளில் அணியில் இருந்தாலும், ப்ளேயிங் லெவெனில் இவருக்கான இடம் சந்தேகம் தான். டெஸ்ட் போட்டிகளில் முக்கிய பங்கு வகிப்பதால், இவரை 5 கோடிக்கு ஒப்பந்தம் செய்துள்ளது பிசிசிஐ. 3. முரளி விஜய் Cricket, Champions Trophy, Murali Vijay, India, Sri Lanka டெஸ்ட் போட்டியில் துவக்க வீரராக களமிறங்கும் முரளி விஜய், மிகவும் நேர்த்தியாக ஆடக்கூடியவர். நிதானமாக துவங்கி சதம் விளாசக்கூடியவர். டெஸ்ட் போட்டிகளில் மட்டும் இடம் பெற்று வரும் இவர். தனக்கான நிலையான இடத்தை தனது சிறப்பான ஆட்டத்தால் தக்கவைத்துக்கொண்டே வருகிறார். இவர் 5 கோடிக்கு ஒப்பந்தம் செய்யப்பட்டுள்ளார். 4. சித்தேஸ்வர் புஜாரா சித்தேஸ்வர் புஜாரா இந்திய அணிக்காக பல முக்கிய ஆட்டங்களை நிதானமாக நின்று ஆடி வெற்றி பெற்று தந்துள்ளார். ராகுல் டிராவிட் இடத்தை நிரப்பியுள்ளார் எனவும் அனைவராலும் கூறப்பட்டுள்ளார். 3வது வீரராக இறங்கும் இவர் முன்னால் பின்னால் இறங்கும் அனைவருடனும் நன்கு பார்ட்னெர்ஷிப் வைத்து நல்ல ஸ்கோர்கள் எட்ட வழிவகுப்பார். டெஸ்ட் போட்டிகளில் மட்டும் இடம்பெறும் இவரை 5 கோடிக்கு ஒப்பந்தம் செய்துள்ளது பிசிசிஐ. 5. விரிதிமான் சஹா டெஸ்ட் போட்டியில் தொடர்ந்து இடம்பெறும் வீரர்களில் ஒருவர் சஹா. தோனி டெஸ்ட் போட்டியில் இருந்து ஓய்வு பெற்றபொழுது அவருக்கு பதிலாக சஹா இடம்பெற்றார். அன்றிலிருந்து சிறப்பாக செயல்பட்டு வரும் சஹா பின்னணி பேட்ஸ்மேன்களில் முக்கிய ஆட்டங்களை ஆடக்கூடியவர். தற்போது இவர் 5 கோடிக்கு ஒப்பந்தம் செய்யப்பட்டுள்ளார் 6. ரவிச்சந்திரன் அஸ்வின் மூன்று விதமான போட்டிகளிலும் தொடர்ந்து இடம்பெற்று வரும் அஸ்வின். சிறப்பாகவும் செயல்பட்டு பந்துவீச்சில் சாதனைகளையும் நிகழ்த்தி வருகிறார். டெஸ்ட் போட்டிகளில் 300 விக்கெட்டுகளுக்கும் மேல் வீழ்த்தித்துள்ளார் அஸ்வின். இவர் வருடத்திற்கு 5 கொடிக்கு ஒப்பந்தம் செய்யப்பட்டுள்ளார். 6. ரவீந்திர ஜடேஜா மிகவும் வேகமாக சுழற்பந்து வீச்சாளரான இவர், டெஸ்ட் போட்டிக்கு மிக முக்கிய பங்கு வகிக்கிறார். பௌலிங்கில் மட்டுமல்ல பேட்டிங்கிலும் சிறப்பாக ஆடக்கூடியவர். லிமிடெட் ஓவர் போட்டிகளில் நிறைய சுழற்பந்துவீச்சாளர்கள் வந்ததால் இவருக்கு பெரிதும் இடம் கிடைக்கவில்லை. ஆனால், டெஸ்ட் போட்டிகளில் சிறப்பாக செயல்பட்டு வருகிறார். இவரது வருட சம்பளம் 5 கோடி. கிரேட் B 1. உமேஷ் யாதவ் அதிவிரைவாக பந்துவீசும் இந்திய வீரர்களில் உமேஷ் யாதவ் ஒருவர். சில காலம் சொதப்பலான பந்துவீச்சின் காரணமாக அணியில் இடம்பெறவில்லை. ஆனால், இதற்க்காக கடினமாக பயிற்சி செய்து மீண்டும் இடம்பெற்றார். இவரும் 140க்கும் மேல் வீசக்கூடிய வீரர். இந்திய அணிக்காக டெஸ்ட் போட்டியில் 100 விக்கெட்டுக்கும் மேல் வீழ்த்தியுள்ளார். இவரது சம்பளம் வருடத்திற்கு 3 கோடி. 2. கே எல் ராகுல் (Photo Source: PTI) 3 விதமான போட்டிகளிலும் போட்டிகளிலும் சிறப்பாக ஆடக்கூடியவர் இவர். டி20 போட்டிகளில் தனது இடத்தை தக்கவைத்து கொண்டாலும், ஒருநாள் மற்றும் டெஸ்ட் போட்டிகளில் தனது இடத்தை பிடிக்க போராடி வருகிறார். அனைத்துவிதமான போட்டிகளிலும் சதம் விளாசிய முதல் வீரர் இவர். இவரது வருட சம்பளம் 3 கோடி. 3. குல்தீப் யாதவ் (Photo Source: AFP) புதிதாக உருவெடுத்து வரும் சுழற்பந்துவீச்சாளர் குலதீப் யாதவ். ஒருநாள் போட்டியில் அவ்வப்போது இடம் கிடைத்தாலும், டெஸ்ட் போட்டியில் அஸ்வின் ஜடேஜா இருவர் இருப்பதால் இவருக்கு கேள்விக்குறியாக உள்ளது. எனினும் கிடைக்கும் வாய்ப்புகளை சரியாக பயன்படுத்தி வருகிறார். இவரது வருட சம்பளம் 3 கோடி. 4. யுழவேந்திர சஹல் இவர் ஒருநாள் போட்டிகளில் அஸ்வினுக்கு பதிலாக தொடர்ந்து இடம்பெற்று வருகிறார். சிறப்பாக விக்கெட்டுகளையும் வீழ்த்தி வருகிறார். குல்தீப் சஹல் இருவரும் ஜோடியாக செயல்பட்டு பல விக்கெட்டுகள் ஏசுது வருகின்றனர். இவரது வருட சம்பளம் 3 கோடி. 5. ஹார்திக் பாண்டியா ஹார்திக் பாண்டியா வேகப்பந்து வீச்சாளர் ஆல்ரவுண்டருக்கான தேடலில் கிடைத்த பதில். கபில் தேவ் இடத்தை நிரப்ப போகிறார் என அனைவராலும் நம்பப்படுகிறார். ஆனால், இதுவரை நம்பிக்கை தரும் அளவிற்கு அவரது ஆட்டம் இல்லை என்றாலும், ஒரு அகில ஆட்டங்களில் சிறப்பாக பேட்டிங் செய்துள்ளார். மற்றும் பீல்டிங்கில் அற்புதமாக செயல்பட்டு வருகிறார். இவருக்கு ஒப்பந்த தொகையாக 3 கோடி வழங்கப்படுகிறது 6. இஷாந்த் சர்மா 18 சிறுவனாக இந்திய அணியில் அடியெடுத்து வைத்த இஷாந்த் சர்மா 2007ம் ஆண்டு தனது முதல் போட்டியை ஆடினார். 11 ஆண்டுகள் இந்திய அணியில் செயல்பட்டு வரும் இஷாந்த் சர்மா, நடுவில் இவரது வேகம் குறைந்தாலும் அதற்காக மிகவும் பயிற்சி செய்து மீண்டும் அதே வேகத்துடன் வீசி கொண்டிருக்கிறார். தொடர்ந்து டெஸ்ட் போட்டிகளில் மட்டும் இடம்பெறும் இவருக்கு ஒப்பந்த தொகையாக 3 கோடி வழங்கப்படுகிறது. 7. தினேஷ் கார்த்திக் (Photo Source: AP Photos) 2004 ம் ஆண்டு தனது முதல் போட்டியை ஆடி இருந்தாலும், தோனியின் வரவினால் இவரது இடம் கேள்விக்குரியானது. அதன்பின் ரஞ்சி போட்டிகளில், மற்றும் சில உள்ளுர் போட்டிகளிலும் ஆடி வந்தார். 2018ம் ஆண்டு மீண்டும் இடம்பெற்ற இவர் நிதாஸ் கோப்பையில் இறுதி போட்டியில் சிறப்பாக ஆடி இந்திய அணிக்கு வெற்றிபெற்று தந்தார். தற்போது சஹா காயம் காரணமாக வெளியேறியதால் டெஸ்ட் போட்டிக்கு அழைப்பு விடுத்துள்ளது பிசிசிஐ. இதனால், இவரது சம்பளம் 3 கோடி. 8. முகமது சமி (Photo Source: AP Photos) இந்த ஆண்டு சமி க்கு கிரிக்கெட்டிலும், சொந்த வாழ்க்கையிலும் பேர் சோதனையாகவே இருந்தது. ஐபில் போட்டிகளிலும் இவர் சோபிக்கவில்லை. மேலும், உள்ளூர் வன்முறையில் இவருக்கும் தொடர்பு இருக்கு என நம்பப்பட்டதால், இவரை ஒப்பந்தம் செய்ய தயங்கியது. பிறகு, இவருக்கு தொடர்பில்லை என நிரூபித்ததால் பிறகு இவரை 3 கோடிக்கு ஒப்பந்தம் செய்தது. கிரேட் C 1. சுரேஷ் ரெய்னா (Photo Source: BCCI) சுரேஷ் ரெய்னா சில ஆண்டுகள் அணியில் இடம் பெற தவித்து வந்தார். ஆனால், உள்ளுர் டி20 போட்டியில் 49 பந்துகளுக்கு சதம் விளாசினார். இதனால் தென்னாபிரிக்கா அணியுடனான டி20 போட்டியில் இடம்பெற்றார். மேலும், நிதாஸ் கோப்பையிலும் இடம் பெற்றார். சிறந்த ஐபில் ஆண்டுகளாக அமைந்தது இவருக்கு. இவரது ஒப்பந்தம் வருடத்திற்கு 1 கோடி ஆகும். 2. கேதர் ஜாதவ் 34 வயதாகும் கேதர் ஜாதவ், இந்திய அணிக்கு தாமதமாக வந்தாலும், வந்த சில போட்டிகளிலேயே முக்கிய வீரராக வலம் வருகிறார். லிமிடெட் ஓவர் போட்டிகளில் தொடர்ந்து சிறப்பாக ஆடிவரும் கேதர் ஜாதவ், 5வது 6வது பேட்ஸ்மேன் ஆக இறங்கி அதிரடியாக ஆடக்கூடியவர். இவரது வருட சம்பளம் 1 கோடி. 3. மணீஷ் பாண்டே உள்ளுர் போட்டிகளில் சிறப்பாக ஆடினாலும், இந்திய அணியில் சொல்லிக்கொள்ளும் அளவிற்கு பெரிதாக செயல்படவில்லை. அணியில் அவ்வப்போது வந்து வந்து போகும் இவருக்கு வருட ஒப்பந்த தொகை 1 கோடி. இதேபோல், அக்சர் படேல், பார்த்திவ் படேல், கருண் நாயர் ஆகியோருக்கும் வருடத்திற்கு தலா ஒரு கோடி ஆகும்.

Leave a comment