ஐந்தாவது டெஸ்ட் போட்டிக்கான இந்திய அணியின் உத்தேச ஆடும் லெவன் !! - Page 8 of 11

ஐந்தாவது டெஸ்ட் போட்டிக்கான இந்திய அணியின் உத்தேச ஆடும் லெவன் இங்கிலாந்து சென்றுள்ள கோஹ்லி தலைமையிலான இந்திய கிரிக்கெட் அணி, இங்கிலாந்து அணியுடன் ஐந்து டெஸ்ட் போட்டிகள் கொண்ட தொடரில் பங்கேற்றுள்ளது. இந்த தொடரின் முதல் போட்டியில் போராடி தோல்வியடைந்த இந்திய அணி, இரண்டாவது போட்டியில் படுதோல்வியையும், மூன்றாவது போட்டியில் வெற்றியும் பெற்றது. இதன் பின் கடந்த சில தினங்களுக்கு முன்பு நடைபெற்ற நான்காவது போட்டியில் 60 ரன்கள் வித்தியாசத்தில் தோல்வியடைந்து 1-3 என்ற கணக்கில் தொடரையும் இழந்தது. இங்கிலாந்து அணி ஏற்கனவே தொடரை வென்றுவிட்ட நிலையில் இரு அணிகள் இடையேயான ஐந்தாவது மற்றும் கடைசி டெஸ்ட் போட்டி லண்டனின் ஓவல் மைதானத்தில் துவங்க உள்ளது. இந்நிலையில் இந்த போட்டிக்கான இந்திய அணியின் உத்தேச ஆடும் லெவன் குறித்து இங்கு பார்ப்போம். ஷிகர் தவான்; இந்திய அணியின் துவக்க வீரராக தொடர்ந்து சொதப்பி வரும் ஷிகர் தவான் அடுத்த போட்டியிலாவது தனது பங்களிப்பை சரியாக செய்ய வேண்டும் என்பதே அனைவரின் எதிர்பார்ப்பு. ப்ரிதீவ் ஷா; இந்திய அணியின் மற்றொரு துவக்க வீரராக களமிறங்கி வந்த கே.எல் ராகுல் தொடர்ந்து சொதப்பியதால் அவருக்கு பதிலாக ஐந்தாவது டெஸ்ட் போட்டியில் ப்ரிதீவ் ஷா இடம்பிடிப்பார் என்று தெரிகிறது. சட்டீஸ்வர் புஜாரா; சீனியர் வீரரான புஜாரா ஒவ்வொரு போட்டியிலும் இந்திய அணிக்கான தனது பங்களிப்பை சரியாகவே செய்து வருகிறார். விராட் கோஹ்லி; இந்திய கிரிக்கெட் அணியின் கேப்டனாக விராட் கோஹ்லி ஒவ்வொரு போட்டியிலும் தனது பங்களிப்பை மிகச்சரியாக செய்து வருகிறார். ஐந்தாவது போட்டியிலும் இங்கிலாந்து அணிக்கு கோஹ்லி சவாலாக இருப்பார் என்பதில் சந்தேகம் இல்லை. ரஹானே; இந்திய அணியின் துணை கேப்டனான ரஹானே சில போட்டிகளை தவிர மற்ற போட்டிகளில் இந்திய அணிக்கான தனது பங்களிப்பை சரியாகவே செய்து வருகிறார். ரிஷப் பண்ட்; தினேஷ் கார்த்திக்கிற்கு பதிலாக இந்திய அணியில் இடம்பிடித்த ரிஷப் பண்ட், இரண்டு போட்டியிலும் பெரிதாக சொல்லிக்கொள்ளும் அளவிற்கு விளையாடவில்லை, ஐந்தாவது டெஸ்ட் போட்டியிலாவது இவர் தனது அதிரடி ஆட்டத்தை வெளிப்படுத்த வேண்டும் என்பதே அனைவரின் எதிர்பார்ப்பு. ரவிசந்திர அஸ்வின்; இங்கிலாந்து அணியின் ஆல் ரவுண்டர்கள் அனைவரும் கெத்து காட்டி வரும் நிலையில், இந்திய அணியின் ஆல் ரவுண்டரான அஸ்வின் தொடர்ந்து கடுமையாக சொதப்பி வருகிறார். அஸ்வினின் இந்த சொதப்பல் ஆட்டம் அடுத்தடுத்த போட்டிகளிலும் தொடரும் பட்சத்தில் இந்திய அணியில் இருந்து அவருக்கான இடம் பறிபோகும் என்பதில் சந்தேகம் இல்லை. ஜடேஜா; இந்திய அணியின் மற்றொரு ஆல் ரவுண்டரான ஹர்திக் பாண்டியாவும் கடுமையாக சொதப்பி வருவதால், ஐந்தாவது டெஸ்ட் போட்டியில் அவருக்கு பதிலாக ஜடேஜா களமிறக்கப்படலாம் என்று தெரிகிறது. அதேசமயம் ஹர்திக் பாண்டியாவிற்கு பதிலாக இளம் வீரரான ஹனுமன் விஹாரி களமிறக்கப்படலாம் என்றும் சில தகவல்கள் தெரிவிக்கின்றன. இஷாந்த் சர்மா; சீனியர் வேகப்பந்து வீச்சாளர் என்று வகையில் இஷாந்த் சர்மா ஒவ்வொரு போட்டியிலும் தனது பங்களிப்பை சரியாகவே செய்து வருகிறார். முகமது ஷமி; முகமது ஷமி ஓரளவிற்கு செயல்பட்டு வரும் போதிலும் அவர் தன்னை இன்னும் முன்னேற்றி கொள்ள வேண்டும் என்பதே அனைவரின் எதிர்பார்ப்பு. ஜஸ்பிரிட் பும்ராஹ்; அதிகமாக நோ – பால் போடுதவதை தவிர வேறு எதுவும் குறை சொல்ல முடியாத அளவிற்கு பும்ராஹ் இந்திய அணிக்கான தனது பங்களிப்பை சரியாகவே செய்து வருகிறார்.

Leave a comment