மீண்டும் வருகிறார் முரளி விஜய்; பஞ்சாப்பிற்கு எதிரான சென்னை சூப்பர் கிங்ஸின் உத்தேச அணி !!

மீண்டும் வருகிறார் முரளி விஜய்; பஞ்சாப்பிற்கு எதிரான சென்னை சூப்பர் கிங்ஸின் உத்தேச அணி ஐ.பி.எல் டி.20 தொடரின் 11வது சீசன் இந்தியாவின் பல பகுதிகளில் கோலகலமாக நடத்தப்பட்டு வருகிறது. ரசிகர்களின் மிகப்பெரும் ஆதரவிற்கு மத்தியில் நடைபெற்று வரும் இந்த தொடரின் 10 போட்டிகள் நிறைவடைந்துள்ள நிலையில், இன்றைய இரவு நடைபெறும் லீக் போட்டியில் தோனி தலைமையிலான சென்னை சூப்பர் கிங்ஸ் அணி, அஸ்வின் தலைமையிலான கிங்ஸ் லெவன் பஞ்சாப் அணியும் மோத உள்ளன. இந்நிலையில் பஞ்சாப் அணிக்கான இன்றைய போட்டியில் களமிறங்க உள்ள சென்னை சூப்பர் கிங்ஸின் உத்தேச அணியை இங்கு பார்ப்போம். முரளி விஜய்; சென்னை அணி விளையாடிய கடந்த இரண்டு போட்டிகளில் காயம் காரணமாக விளையாடாத முரளி விஜய், இன்றைய போட்டியில் மீண்டும் களம் காண அதிக வாய்ப்புகள் உள்ளதாக தெரிகிறது. மேலும் இவரே இன்றைய போட்டியில் சேன் வாட்சனுடன் சேர்ந்து சென்னை அணிக்கு துவக்கம் கொடுப்பார் என்று எதிர்பார்க்கப்படுகிறது. சேன் வாட்சன்; பேட்டிங் மற்றும் பவுலிங் என இரண்டிலும் தொடர்ந்து மாஸ் காட்டி வரும் ஷேன் வாட்சன் இன்றைய போட்டியிலும் சிறப்பாக செயல்படும் பட்சத்தில் பஞ்சாப் அணிக்கு கூடுதல் நெருக்கடி ஏற்படும். அம்பத்தி ராயூடு; கடந்த இரண்டு போட்டிகளில் சென்னை அணியின் துவக்க வீரராக களமிறங்கிய அம்பத்தி ராய்டு, இன்றைய போட்டியில் மிடில் ஆர்டரில் களமிறங்க வாய்ப்புகள் அதிகம். இது தவிர இன்றைய போட்டியில் காயம் காரணமாக சுரேஷ் ரெய்னா விளையாட மாட்டார் என்பதால் அவரது இடத்தில் அம்பத்தி ராயூடுவே களமிறங்க உள்ளார். Kolkata: Ambati Rayudu of Mumbai Indians in action during an IPL 2017 match between Kolkata Knight Riders and Mumbai Indians at Eden Gardens in Kolkata, on May 13, 2017. (Photo: IANS) சாம் பில்லிங்ஸ்; கொல்கத்தா நைட் ரைடர்ஸ் அணியுடனான கடந்த போட்டியில் மிடில் ஆர்டரில் களமிறங்கி தனது நேர்த்தியான ஆட்டத்தின் மூலம் சென்னை அணிக்கு வெற்றியை பெற்றுக்கொடுத்த சாம் பில்லிங்ஸ், இன்றைய போட்டியிலும் சிறப்பாக விளையாடும் பட்சத்தில் சென்னை அணிக்கு மிடில் ஆர்டரில் கூடுதல் பலமே. தோனி; சென்னை அணி கடந்த இரண்டு போட்டிகளில் அசத்தல் வெற்றி பெற்றுவிட்டாலும், கேப்டனான தோனி கடந்த இரண்டு போட்டிகளில் சொல்லிக்கொள்ளும் அளவிற்கு விளையாடவில்லை என்பதே உண்மை. இன்றைய போட்டியிலாவது தோனி தனது பொறுப்பை உணர்ந்து விளையாட வேண்டும் என்பதே அனைவரின் எதிர்பார்ப்பாக உள்ளது. Mahendra Singh Dhoni of Chennai Super Kings bats during VIVO IPL cricket T20 match against Kolkata Knight Riders in Chennai, India, Tuesday, April 10, 2018. (AP Photo/Parthi Bhan) டூவைன் பிராவோ; மும்பை இந்தியன்ஸ் அணியுடனான முதல் போட்டியில் தனது அதிரடி ஆட்டத்தின் மூலம் மாஸ் காட்டி சென்னை அணிக்கு வெற்றியை பெற்றுக்கொடுத்த டூவைன் பிராவோ, கொல்கத்தா அணியுடனான கடந்த போட்டியில் ரன்களை வாரி வழங்கினார். ஆண்ட்ரியூ ரசல் இவரின் பந்துவீச்சை பயன்படுத்தியே கொல்கத்தா அணியை 200 ரன்கள் வரை அழைத்து சென்றது குறிப்பிடத்தக்கது. இன்றைய போட்டியில் இவர் பவுலிங்கிலும் கவனம் செலுத்த வேண்டும். ரவீந்திர ஜடேஜா; கடந்த இரண்டு போட்டியிலும் தனது பங்களிப்பை சரியாக செய்த ஜடேஜா இன்றைய போட்டியிலும் சிறப்பாக செயல்பட வேண்டும். ஹர்பஜன் சிங்; ஹர்பஜன் சிங்கும் சென்னை அணியில் தனது பங்களிப்பை மிகச்சரியாகவே செய்து வருகிறார். இம்ரான் தாஹிர்; தென் ஆப்ரிக்கா கிரிக்கெட் அணியின் நட்சத்திர வீரரான இம்ரான் தாஹிர், செனனை சூப்பர் கிங்ஸ் அணி மூலம் தழிராகவே மாறி வருகிறார். இதில் மட்டும் கவனம் செலுத்தாமல் போட்டியிலும் இவர் சிறப்பாக செயல்படும் பட்சத்தில் சென்னை அணிக்கு கூடுதல் பலமே. தீபக் சாஹர்; இளம் வீரரான இவர் தனக்கு கிடைத்துள்ள இந்த வாய்ப்பை பயன்படுத்தி கொண்டு இந்திய அணியில் இடம்பிடிப்பதற்கும் கடுமையாக முயற்சிக்க வேண்டும். ஷர்துல் தாகூர்; ஷர்துல் தாகூர் இன்றைய போட்டியிலும் தனது பங்களிப்பை சரியாக செய்யும் பட்சத்தில் அது நிச்சயம் பஞ்சாப் அணிக்கு கூடுதல் நெருக்கடியை கொடுக்கும்.

Leave a comment