ஐ.பி.எல் 2018; ஹைதரபாத் அணிக்கு எதிரான ராஜஸ்தான் ராயல்ஸின் உத்தேச அணி !!

ஐ.பி.எல் 2018; ஹைதரபாத் அணிக்கு எதிரான ராஜஸ்தான் ராயல்ஸின் உத்தேச அணி உள்ளூர் டி.20 தொடரான ஐ.பி.எல் தொடரின் 11வது சீசன் கோலகலமாக நடைபெற்று வருகிறது. கடந்த 7ம் தேதி துவங்கிய இந்த தொடரில் முதல் பொட்டிகள் நிறைவடைந்துள்ள நிலையில், இன்றைய போட்டியில் ஹைதரபாத் அணியும் ராஜஸ்தான் ராயல்ஸ் அணியும் மோத உள்ளன. இந்நிலையில் இந்த போட்டிக்கான ராஜஸ்தான் ராயல்ஸின் உத்தேச அணியை இங்கு பார்ப்போம். ரஹானே; தென் அப்ரிக்கா அணியுடனான கிரிக்கெட் தொடரில் பந்தை சேதப்படுத்திய விவகாரம் காரணமாக, ஐ.பி.எல் தொடரில் இருந்து ஸ்டீவ் ஸ்மித் நீகப்பட்டதால் அவருக்கு பதிலாக ராஜஸ்தான் ராயல்ஸ் அணியின் கேப்டனாக நியமிக்க ரஹானே தான் இந்த முறை ராஜஸ்தான் அணிக்கு துவக்கமும் கொடுப்பார் என்று எதிர்பார்க்கப்படுகிறது. டி.ஷார்ட்; பிக்பேஸ் லீக் உள்ளிட்ட உள்ளூர் டி.20 தொடர்களில் தொடர்ந்து மாஸ் காட்டி வரும் டி ஷார்ட் ராஜஸ்தான் ராயல்ஸ் அணிக்காகவும் தனது பங்களிப்பை சரியாக செய்யும் பட்சத்தில் எதிரணிகளுக்கு நிச்சயம் நெருக்கடி ஏற்படும். ராகுல் த்ரிபதி; கடந்த ஐ.பி.எல் தொடரில் புனே அணிக்காக விளையாடி தனது நேர்த்தியான ஆட்டத்தின் மூலம் பல சாதனைகள் புரிந்த ராகுல் த்ரிபதி இந்த தொடரில் ராஜஸ்தான் ராயல்ஸ் அணிக்காக விளையாடுகிறார். கடந்த தொடரை போல் இந்த தொடரிலும் இவர் சிறப்பாக விளையாடும் பட்சத்தில் இந்திய அணியிலும் இவர் இடம்பெற வாய்ப்புகள் உள்ளன. சஞ்சு சாம்சன்; இளம் வீரரான இவர் ஒரு சில போட்டிகளில் சிறப்பாக விளையாடினாலும், பல போட்டிகளில் சொதப்புவதையே தனது வாடிக்கையாக வைத்துள்ளார். இந்த தொடரை பயன்படுத்தி கொண்டு தனது பேட்டிங்கில் முன்னேற்றத்தை ஏற்படுத்தி கொள்ள வேண்டும். ஹென்ரிச் க்ளேசன்; பந்தை சேதப்படுத்திய விவகாரத்தில் ஸ்டீவ் ஸ்மித் ராஜஸ்தான் ராயல்ஸ் அணியில் இருந்து விலகியதால் அவருக்கு பதிலாக தென் ஆப்ரிக்கா அணியின் ஹென்ரிச் க்ளேசன் ராஜஸ்தான் அணியில் கடந்த இரு தினங்களுக்கு முன்பு இணைந்தார். சமீபத்தில் நடந்து முடிந்த இந்திய அணிக்கு எதிரான ஒருநாள் மற்றும் டி.20 தொடரில் இந்திய அணிக்கு கடும் நெருக்கடியை கொடுத்த ஹென்ரிச் க்ளேசன் இந்த தொடரிலும் எதிரணிகளுக்கு கடும் நெருக்கடியை உண்டாக்குவார் என்று எதிர்பார்கப்படுகிறது. பென் ஸ்டோக்ஸ்; இந்த தொடருக்கான வீரர்கள் ஏலத்தில் அதிக விலை கொடுத்து வாங்கப்பட்ட பென் ஸ்டோக்ஸ் அணியில் இருப்பது ராஜஸ்தான் அணிக்கு மிகப்பெரிய பலமாக இருக்கும். ஆல் ரவுண்டரான இவர் பேட்டிங் மற்றும் பவுலிங் என இரண்டிலும் சிறப்பாக செயல்பட்டு போட்டியின் போக்கையே மாற்றும் தகுதி பெற்றவர். ஸ்டூவர்ட் பின்னி; ஸ்டூவர்ட் பின்னி இந்த தொடரிலாவது தனது பங்களிப்பை சரியாக செய்ய வேண்டும் என்பதே அனைவரின் எதிர்பார்ப்பு. ஜெயதேவ் உனாட்கட்; இந்த தொடருக்கான வீரர்கள் ஏலத்தில் ஸ்டோகிற்கு அடுத்தபடியாக அதிக விலைக்கு ஏலம் போன இளம் வீரர் ஜெயதேவ் உனாட்கட்டையும் ராஜஸ்தான் ராயல்ஸ் அணியே எடுத்துள்ளது. சமீபத்தில் நடைபெற்ற முத்தரப்பு டி.20 தொடரில் சொதப்பிய உனாட்கட், இந்த தொடரை பயன்படுத்தி கொண்டு தன்னை நிரூபித்து கொள்ள் வேண்டும். ஜோஃப்ரா ஆர்சர்; இதற்கு முன்பு இந்திய கிரிக்கெட் ரசிகர்களில் பெரும்பாலானோருக்கு பெயர் கூட ஜோஃப்ரா ஆர்சரை ராஜஸ்தான் ராயல்ஸ் அணி கிட்டத்தட்ட 6 கோடி ரூபாய் வரை கொடுத்து தனது அணியில் எடுத்துள்ளது. இவர் இந்த தொடரை பயன்படுத்தி கொண்டு தன்னை நிரூபிக்க வேண்டும். கிருஷ்ணப்பா கவுதம்; வளர்ந்து வரும் இளம் இந்திய வீரர்களில் ஒருவரான ஆல் ரவுண்டர் கிருஷ்ணப்பா கவுதம் இந்த தொடரை சரியாக பயன்படுத்தி கொண்டு தன்னை அடையாள படுத்தி கொள்ள வேண்டும். அன்கித் சர்மா; இளம் வீரரான இவரும் தனக்கு கிடைத்துள்ள இந்த வாய்ப்பை சரியாக பயன்படுத்தி கொள்ள வேண்டும்.

Leave a comment