ஐ.பி.எல் தொடருக்கான முழு அட்டவணையையும் வெளியிட்டது பி.சி.சி.ஐ !!

ஐ.பி.எல் தொடருக்கான முழு அட்டவணையையும் வெளியிட்டது பி.சி.சி.ஐ

ஐ.பி.எல் 2019ம் ஆண்டு தொடருக்கான முழு அட்டவணையையும் ஐ.பி.எல் நிர்வாகம் இன்று வெளியிட்டுள்ளது.

2019-ம் ஆண்டுக்கான இந்தியன் பிரீமியர் லீக் டி-20 கிரிக்கெட் தொடர் வரும் 23-ம் தேதி (மார்ச் 23) தொடங்க உள்ளது. ஏப்ரல், மே மாதங்களில் பொதுத்தேர்தல் மற்றும் உலகக் கோப்பைக் கிரிக்கெட் தொடர் நடைபெற உள்ளதால், போட்டியைத் திட்டமிடுவதில் சிக்கல் இருந்தது.

இதனால் முதற்கட்டமாக முதலிரண்டு வாரங்களில் நடைபெறும் போட்டிகளுக்கான அட்டவணை வெளியிடப்பட்டது. சென்னை சேப்பாகத்தில் நடைபெற இருக்கும் தொடக்க போட்டியில், சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் பலப்பரீட்சை நடத்துகின்றன.

மக்களவை தேர்தல் தேதி அறிவிக்கப்பட்டதால், இடையூறு இல்லாமல் போட்டியை நடத்தும் வகையில் இது குறித்து ஆலோசனையில் ஈடுபட்டு வந்த ஐ.பி.எல் நிர்வாகிகள் இன்று ஐ.பி.எல் தொடருக்கான முழு அட்டவணையும் ஐ.பி.எல் இணையதளம் மூலம் வெளியிட்டுள்ளனர்.

ஐ.பி.எல் தொடரின் அனைத்து போட்டிகளும் இந்தியாவிலேயே நடைபெற உள்ளது. அரையிறுதி மற்றும் இறுதி போட்டிகள் நடைபெறும் மைதானங்களும், இடங்களும் மட்டும் இன்னும் அறிவிக்கப்படவில்லை. அடுத்த ஒருசில தினங்களில் அது குறித்தான அறிவிப்பும் வெளியாகலாம் என தெரிகிறது.