காயத்தால் விலகும் தீபக் சாஹர்... சென்னை அணியில் இடம்பிடிக்க வாய்ப்புள்ள ஐந்து வீரர்கள் !! - Page 3 of 5

வெஸ்ட் இண்டீஸ் அணிக்கு எதிரான மூன்றாவது டி20 போட்டியில் காயம் ஏற்பட்டதால் தொடரில் இருந்து விலகிய தீபக் சஹர், காயம் சரியாகாததால் இலங்கை அணிக்கு எதிரான தொடரிலும் பங்கு கொள்ளவில்லை. தீபக் சஹர் காயத்திலிருந்து குணமடைவாரா.., எதிர்வரும் ஐபிஎல் தொடரில் தீபக் சஹர் பங்கு பெறுவாரா..? மாட்டாரா..? என்பது குறித்த எந்த தகவலும் இதுவரை வெளிவரவில்லை, சென்னை அணிக்காக 14 கோடி ரூபாய் ஏலத்தில் ஒப்பந்தம் செய்யப்பட்ட தீபக் சஹர், ஒருவேளை ஐபிஎல் தொடரில் பங்கு கொள்ளவில்லையென்றால், சென்னை இந்த 5 வீரர்களில் ஒருவரை அணியில் இணைத்துக் கொள்ளும் என்று எதிர்பார்க்கப்படுகிறது. இஷாந்த் ஷர்மா சென்னை சூப்பர் கிங்ஸ் அணி எப்பொழுதும் அனுபவம் வாய்ந்த வீரர்களை தனது அணியில் இணைப்பது வழக்கம். அந்த வகையில் ஏற்கனவே தோனியின் தலைமையின் கீழ் விளையாடிய இந்திய அணியின் அனுபவம் வாய்ந்த வேகப்பந்துவீச்சாளர் இஷாந்த் சர்மாவை சென்னை அணி, தீபக் சஹர்க்கு பதில் தேர்ந்தெடுக்கலாம் என்று எதிர்பார்க்கப்படுகிறது. சென்னை அணியின் ஸ்டைலே, மிகவும் அதிரடியான வீரர்களை தேர்ந்தெடுக்காமல் அனுபவ வீரர்கள் தேர்ந்தெடுப்பது தான் என்பது குறிப்பிடத்தக்கது. தவால் குல்கர்னி மும்பை இந்தியன்ஸ், ராஜஸ்தான் ராயல்ஸ், குஜராத் லைன்ஸ் போன்ற அணிகளில் பங்கேற்று விளையாடிய தவால் குல்கர்னி கிட்டத்தட்ட தீபக் சஹர் போன்ற திறமை படைத்தவர். இவரால் பந்தை மிகவும் சிறப்பாக ஸ்விங் செய்ய முடியும்,அதேபோன்று டெத் ஓவர்களிலும் சிறப்பாக பந்து வீச முடியும். இதன் காரணமாக ஒருவேளை தீபக் சஹர் ஐபிஎல் தொடரில் பங்குகொள்ள முடியவில்லை என்றால்,சென்னை அணி குல்கர்னியை தேர்ந்தெடுப்பதற்கான அதிக வாய்ப்புகள் உள்ளது என்று எதிர்பார்க்கப்படுகிறது. அர்சான் நாகஸ்வல்லா இந்திய அணித் தேர்வாளர்களால் கவனிக்கப்படும் வீரர்களில் ஒருவரான இடது கை வேகப்பந்து வீச்சாளர் அர்சான், உலக டெஸ்ட் சாம்பியன்ஷிப் போட்டிக்கான இந்திய அணியிலும் இங்கிலாந்து அணிக்கு எதிரான டெஸ்ட் தொடரிலும் இடம் பெற்றுள்ளார். இவரையும் சென்னை சூப்பர் கிங்ஸ் அணி தீபக் சஹருக்கு பதில் சென்னை அணியில் இணைப்பதற்கான திட்டத்தை வைத்துள்ளது என்பது குறிப்பிடத்தக்கது. சந்திப் வாரியர் உள்ளூர் போட்டிகளில் சிறப்பாக செயல்பட்டதன் காரணமாக 2021 இலங்கை அணிக்கு எதிரான டி20 தொடரில் இந்திய அணியில் இடம்பெற்ற சந்திப் வாரியர் மிகவும் வேகமாக பந்து வீச கூடிய திறமை படைத்தவர். கேரளாவைச் சேர்ந்த இவர் 2018-19 நடைபெற்ற விஜய் ஹசாரே போட்டியில் அதிகமான விக்கெட் வீழ்த்திய வரிசையில் முதலிடத்தை பிடித்தார். அதேபோன்று சையது முஷ்டாக் அலி போட்டியிலும் ஹாட்ரிக் விக்கெட் வீழ்த்தி சாதனை படைத்துள்ளார், சிறந்த வேகப்பந்து வீசும் திறமை படைத்த 30 வயதாகும் சந்திப் வாரியர், சென்னை அணி தனது அணியில் இணைப்பதற்கான வாய்ப்புகள் உள்ளது என்று எதிர்பார்க்கப்படுகிறது. ஆகாஷ் சிங்க் ராஜஸ்தான் மாநிலத்தை சேர்ந்த 19 வயதாகும் ஆகாஷ் சிங்க், நடந்து முடிந்த 19 வயதிற்குட்பட்ட உலக கோப்பை தொடரில் மிக சிறப்பாக பந்துவீசி அனைவரது கவனத்தையும் தன் பக்கம் ஈர்த்துள்ளார். இவருடைய அபரிமிதமான வேகம் நிச்சயம் சென்னை அணிக்கு உதவியாக இருக்கும் என்பதாலும், தீபக் சஹர்க்கு மாற்று வீரராக இருப்பதற்கான வாய்ப்பு ஆகாஷிர்க்கு உள்ளதாலும், இவரை சென்னை அணி தேர்ந்தெடுப்பதற்கான அதிக வாய்ப்புகள் உள்ளது என்று எதிர்பார்க்கப்படுகிறது.

காயத்தால் விலகும் தீபக் சாஹர்… சென்னை அணியில் இடம்பிடிக்க வாய்ப்புள்ள ஐந்து வீரர்கள் !!

Leave a comment